SUN குழுமத்திலிருந்து வெளிவரும் காலை நாளிதழ்

போக்குவரத்து நெரிசலை குறைக்க சாலை விரிவாக்கம் அவசியம்

7/18/2019 12:21:34 AM

புதுச்சேரி,  ஜூலை 18:  நாடாளுமன்ற மக்களவையில் புதுச்சேரி  எம்பி வைத்திலிங்கம், சாலை  போகுவரத்து சம்பந்தமான மானிய கோரிக்கையின் மீது புதுச்சேரி மக்கள்  எதிர்கொள்ளும் போக்குவரத்து பிரச்னைகள் குறித்து பேசினார்.
 அப்போது,  புதுச்சேரி ஒரு சுற்றுலா கேந்திரமாக திகழ்கிறது. மேலும் அதிகமான சுற்றுலாப்  பயணிகளை ஈர்க்கிறது மற்றும் போக்குவரத்து அதிகரிப்பதால் அதிக போக்குவரத்து  நெரிசலை எதிர்கொள்கிறது.  புதுச்சேரி வழியாக செல்லும் தேசிய நெடுஞ்சாலை  NH-66, NH-32, மற்றும் ECR ஆகியவை கடுமையான போக்குவரத்து நெரிசலை சந்தித்து  வருகின்றன, இது நாளுக்குநாள் அதிகரிக்கிறது. நான்கு பெரிய சாலை  சந்திப்புகள் உள்ளன. அவை மேம்பாலத்துக்காக ஆய்வு செய்யப்பட்டன. பல  இடங்களில்  போக்குவரத்து நெரிசலை நிவர்த்தி செய்ய வேண்டிய அவசியம் உள்ளது.   புதுச்சேரி அரசு தேசிய நெடுஞ்சாலையில் உள்ள முக்கியமான சாலை  சந்திப்புகளில் மேம்பாலம் அமைக்க உத்தேசித்துள்ளது. இந்த நான்கு  சந்திப்புகளுக்கும் ஏறக்குறைய ரூ.200 கோடி செலவாகும் என மதிப்பிடப்பட்டுள்ளது.

இதற்கான விரிவான திட்ட அறிக்கை (DPR) தயார் செய்யப்பட்டு  மத்திய சாலை போக்குவரத்து மற்றும் நெடுஞ்சாலைகள் அமைச்சகத்துக்கு (MORTH)  அனுப்பப்பட்டு விரிவான ஆய்வு மேற்கொள்ளப்பட்டு நிலுவையில் உள்ளது.
  மேற்கண்ட திட்டங்களை முன்னுரிமையில் அனுமதி அளிக்க வேண்டும்.  தற்போது 2  வழிச்சாலையாக இருக்கும் என்.எச்- 32 விழுப்புரம்- புதுச்சேரி- கடலூர்  சாலையை போக்குவரத்து நெரிசலை கருத்தில் கொண்டு உடனே நான்கு வழிச்சாலையாக  அகலப்படுத்தப்பட வேண்டும். புதுச்சேரி - கடலூர் சாலையில் போக்குவரத்து  நெரிசலை குறைக்க ஒரு இணையான சாலையை அமைப்பதற்கான சாத்தியத்தை ஆராய்வதற்கு  அமைச்சரை கேட்டுக் கொள்கிறேன். இந்த புதிய சாலையை உருவாக்குவதன் மூலம் பயண  நேரத்தை கணிசமாக குறைக்க முடியும்.  

மேலும் செய்திகள்

Like Us on Facebook Dinkaran Daily News
  • 27-01-2020

    27-01-2020 இன்றைய சிறப்பு படங்கள்

  • 26-01-2020

    26-01-2020 இன்றைய சிறப்பு படங்கள்

  • 25-01-2020

    25-01-2020 இன்றைய சிறப்பு படங்கள்

  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

படங்கள் வீடியோ கல்வி சினிமா ஜோ‌திட‌ம்