SUN குழுமத்திலிருந்து வெளிவரும் காலை நாளிதழ்

இலைக்கு வரவேற்பு அதிகரிப்பு எதிரொலி கரூர் மாவட்டத்தில் வாழை பயிரிட விவசாயிகள் ஆர்வம்

7/16/2019 2:05:22 AM

கரூர், ஜூலை 16: வாழை இலைக்கு வரவேற்பு அதிகமாக உள்ளதால் விவசாயிகள் பயிரிட ஆர்வம் காட்டி வருகின்றனர்.தமிழகத்தில் 14 வகையான பிளாஸ்டிக் பொருட்களுக்கு அரசு தடை விதித்து உள்ளது. இதனால் பிளாஸ்டிக் கவர்கள் மற்றும் கேரி பேக்குகள் ஓட்டல்கள், பேக்கரி, டீஸ்டால்கள், பலகார கடைகள், கையேந்தி பவன்கள், பிரியாணி உள்ளிட்ட அசைவ கடைகள், இறைச்சிக்கடைகளில் பயன்படுத்தப்படுவதில்லை. கேரி பேக்குகள் மற்றும் பிளாஸ்டிக் பொருட்களுக்கு மாற்றாக வாழை இலைகள் பயன்படுத்தப்படுகிறது. திருமணம், அன்னதானம் போன்றவற்றிலும் உணவு பரிமாற வாழை இலையே பயன்படுத்துகின்றனர். இதனால் வாழைஇலையின் தேவை அதிகரித்து விட்டது. மார்க்கெட்டுகளில் வாழை இலை கட்டு ஒன்று சுமார் ரூ.300 வரை விற்பனை செய்யப்பட்டது. ஒரு கட்டு 200 இலைகள் கொண்டதாக இருக்கும். பிளாஸ்டிக் தடை அமலுக்கு வந்த பின்னர் இதன் விலை அதிகரித்து ரூ.600 முதல் ரூ.800 வரை விற்பனையாகிறது. சில்லரை விற்பனை விலையில் சாப்பாட்டு இலை ரூ.5, டிபன் இலை ரூ.3, தட்டு இலை ரூ.2க்கு விற்பனை செய்யப்படுகிறது.இதனால் வாழை பயிரிடும் விவசாயிகள் அதிக அளவில் பயிரிடுவதற்கு ஆர்வம் காட்டி வருகின்றனர்.
விவசாயி கவுண்டம்பட்டி சுப்பிரமணியன் கூறுகையில், காவிரி பாசன பகுதியில் குறிப்பாக கட்டளைமேட்டுவாய்க்கால் நீர்பாசனத்தில் வாழை அதிக அளவில் பயிரிடப்படுகிறது. கடந்த 6 ஆண்டுகளாக கடும் வறட்சியால் பாதிப்பு ஏற்பட்டது. வறட்சி நிவாரணமும் பாதிக்கப்பட்ட விவசாயிகளுக்கு முழுமையாக கிடைக்கவில்லை. காவிரி கரைபுரண்டு வரலாறு காணாத வெள்ளம் ஏற்பட்டும் கரூர் மாவட்ட காவிரி கடைமடை பகுதிக்கு உரிய நீர் வந்து சேரவில்லை. எனினும் இருக்கும் நீரை பயன்படுததி வாழை பயிரிடப்படுகிறது.வாய்க்கால் கிணற்றுப்பாசன நீரைக்கொண்டு வாழை அதிக ஏக்கரில் பயிரிடப்பட்டுள்ளது. மார்ச் ஏப்ரல் மாதங்களில் கோடை மழை கிடைக்கும் என்ற நம்பிக்கையில் பயிரிட ஆர்வத்துடன் விவசாயிகள் உள்ளனர். உரிய நீர் கிடைக்கவும், மானிய விலையில் உரம் கிடைக்கவும் அதிகாரிகள் நடவடிக்கை எடுக்க வேண்டும் என்றார்.

மேலும் செய்திகள்

Like Us on Facebook Dinkaran Daily News
  • 26-01-2020

    26-01-2020 இன்றைய சிறப்பு படங்கள்

  • 25-01-2020

    25-01-2020 இன்றைய சிறப்பு படங்கள்

  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

படங்கள் வீடியோ கல்வி சினிமா ஜோ‌திட‌ம்