SUN குழுமத்திலிருந்து வெளிவரும் காலை நாளிதழ்

பாப்ஸ்கோ ஊழியர்கள் ஸ்டிரைக் ரேசன் அரிசி லாரிகள் காத்திருப்பு

7/16/2019 12:43:31 AM

புதுச்சேரி, ஜூலை 16:    புதுவையில் காங்கிரஸ் அரசு அளித்த வாக்குறுதியில் ஒன்றான ரேசன் அரிசி  வழங்க கவர்னர் பல்வேறு முட்டுக்கட்டை போட்டும் அதை செயல்படுத்துவதில்  உறுதியாக உள்ளார். மக்களவை தேர்தலுக்கு பிறகு 2 மாதமாக ரேசன் அரிசி  வழங்கப்படாமல் இருந்த நிலையில் தற்போது சிவப்பு அட்டைதாரர்களுக்கு 20 கிலோ  அரிசி வழங்கப்பட்டு வருகிறது. இதற்காக தமிழகம், ஆந்திரா  உள்ளிட்ட வெளி மாநிலங்களில் இருந்து அரிசி கொள்முதல் செய்யப்படுகிறது. அவ்வப்போது லாரிகளில் ரேசன் அரிசி புதுச்சேரிக்கு வருகின்றன. இவ்வாறு வரும் ரேசன்  அரிசி லோடுகள் அனைத்தும் தட்டாஞ்சாவடி ஒழுங்குமுறை விற்பனைக்கூடம் அருகே  கொண்டு வரப்பட்டு அதிகாரிகளின் தரஆய்வு மேற்கொள்ளப்படுகிறது. அதில் ஏதேனும்  குறைபாடுகள் இருப்பின் அந்த லாரி திருப்பி அனுப்பப்பட்டு வருகின்றன.  இந்த நிலையில் புதுவைக்கு 5, 6 லாரிகளில் டன் கணக்கில் நேற்று ரேசன் அரிசி  வெளிமாநிலத்தில் இருந்து கொண்டு வரப்பட்டது. அவற்றை தர ஆய்வு செய்யும்  பணியை மேற்கொள்ளும் பாப்ஸ்கோ ஊழியர்கள் வேலை நிறுத்தத்தில் ஈடுபட்டுள்ளதால்  அவர்கள் இப்பணியை மேற்கொள்ளவில்லை. இதன் காரணமாக நீண்டநேரமாக அந்த  லாரிகள் லோடுகளை இறக்க முடியாமல் அங்கேயே பரிதவித்தன. இதுபற்றிய தகவல் துறை  அமைச்சரான கந்தசாமி மற்றும் சம்பந்தப்பட்ட அதிகாரிகளுக்கு  தெரிவிக்கப்பட்டது. இதையடுத்து அமைச்சர் தரப்பில் அவசர  பேச்சுவார்த்தைக்கு ஏற்பாடு செய்யப்பட்டது. இதில் சுமூக உடன்பாடு  ஏற்படும் பட்சத்தில் லாரிகளில் கொண்டு வரப்பட்ட ரேசன் அரிசிகள் தரஆய்வு  முடிக்கப்பட்டு ரேசன் கடைகளுக்கு அனுப்பி வைக்கப்படும் என்று தெரிகிறது.

மேலும் செய்திகள்

Like Us on Facebook Dinkaran Daily News
  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

  • mouni_amavaaa1

    வட இந்தியாவில் மவுனி அமாவாசை : திரிவேணி சங்கமத்தில் லட்சக்கணக்கானோர் புனித நீராடி, தங்களது முன்னோர்களுக்கு தர்பணம் கொடுத்து வழிபாடு

படங்கள் வீடியோ கல்வி சினிமா ஜோ‌திட‌ம்