SUN குழுமத்திலிருந்து வெளிவரும் காலை நாளிதழ்

ஊழியர்கள், உரிமையாளரை தாக்கி பெட்ரோல் பங்க் சூறை : 9 பேருக்கு வலை

7/16/2019 12:33:51 AM

தாம்பரம், ஜூலை 16: ஊழி யர்கள், உரிமையாளரை தாக்கி பெட்ரோல் பங்க் சூறையாடிய 9 பேரை போலீசார்  வலைவீசி தேடி வருகின்றனர். பெருங்களத்தூர் அருகே உள்ள ஆலப்பாக்கம், காந்தி சாலையை சேர்ந்த ராஜீவ்காந்தி (31), அதே பகுதியில் பெட்ரோல் பங்க் நடத்தி வருகின்றார். நேற்று முன்தினம் இரவு நெடுங்குன்றம் பகுதியை சேர்ந்த மணி என்பவர், 2 பேருடன் ஆட்டோவில் பெட்ரோல் நிரப்ப வந்துள்ளார். அப்போது அங்கு பணியில் இருந்த இளவரசன் (23) என்பவர், பெட்ரோல் போடாமல் செல்போனில் படம் பார்த்துக் கொண்டிருந்ததாக கூறப்படுகிறது. இதனால் ஆத்திரமடைந்த மணி மற்றும் அவரது நண்பர்கள் இளவரசனை சரமாரியாக தாக்கி உள்ளனர்.

இதை பார்த்த சக ஊழியர்கள் பதிலுக்கு தாக்கியுள்ளனர். அங்கிருந்து சென்ற மணி சிறிது நேரத்தில் 6 பேருடன் வந்து பெட்ரோல் பங்க் ஊழியர்கள் மற்றும் உரிமையாளரான ராஜீவ்காந்தி ஆகியோரை சரமாரியாக தாக்கியுள்ளார். இதில் பங்க் உரிமையாளர் ராஜீவ்காந்தி கையில் வெட்டு விழுந்தது. பின்னர், பெட்ரோல் பங்க்கையும் அடித்து உடைத்து சூறையாடிவிட்டு தப்பினர். இதுகுறித்த புகாரின் பேரில், பீர்க்கன்காரணை போலீசார் வழக்கு பதிவு செய்து, தப்பியோடிய மணி மற்றும் அவரது நண்பர்கள் பிரவின், விவேக், உதயா, நவீன், வெங்கட், சந்தோஷ், ராம் மற்றும் சிவா ஆகிய ஒன்பது பேரை தேடி வருகின்றனர்.

மேலும் செய்திகள்

Like Us on Facebook Dinkaran Daily News
  • doublee_engineflightt1

    உலகிலேயே மிக நீண்ட, மிகப் பெரிய இரட்டை எஞ்சின் விமானம் சோதனை ஓட்டம் வெற்றி!!!

  • chennai_rebbb

    சென்னையில் குடியரசு தின விழா : கண்ணை கவர்ந்த கலாச்சாரத்தை பறைசாற்றும் கலை நிகழ்ச்சிகள்

  • 11kudiyrasu12

    விண்ணில் சாகசம் காட்டிய விமானப்படை, முப்படைகளின் அணிவகுப்பு, அலங்கார ஊர்திகள், கலை நிகழ்ச்சிகள் : குடியரசு தின கொண்டாட்டத்தின் கண்கவர் படங்கள்

  • 27-01-2020

    27-01-2020 இன்றைய சிறப்பு படங்கள்

  • 26-01-2020

    26-01-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்