SUN குழுமத்திலிருந்து வெளிவரும் காலை நாளிதழ்

சொத்தை மீட்டுத்தரக்கோரி கலெக்டர் கார் முன் உட்கார்ந்து தர்ணா

7/16/2019 12:31:43 AM

திருவள்ளூர், ஜூலை 16: தங்களுக்கு சொந்தமான சொத்தினை மீட்டுத்தரக்கோரி, திருவள்ளூரில் கலெக்டர் கார் முன் உட்கார்ந்து தர்ணா போராட்டத்தில் சகோதரிகள் இருவர் ஈடுபட்ட சம்பவம் பெரும் பரபரப்பை ஏற்படுத்தி உள்ளது.
திருவள்ளூர் மாவட்டம் திருத்தணி ஜோதிசாமி தெருவை சேர்ந்தவர்கள் இந்துமதி, சுஜாதா. சகோதரிகளான இவர்களுக்கு சொந்தமாக கிருஷ்ணன் தெரு, பழைய பஜார், ம.பொ.சி.சாலை ஆகிய பகுதிகளில் காலி மனைகள் உள்ளன. இந்த மனைகளை, அதே பகுதியை சேர்ந்த யோகலட்சுமி, சந்தோஷ் மற்றும் திவாகர் ஆகியோர் ஏமாற்றி எழுதி வாங்கிக்கொண்டதாக கூறப்படுகிறது.இதுகுறித்து சொத்துக்களை காப்பாற்ற திருத்தணி மாவட்ட உரிமையியல் நீதிமன்றத்தில் வழக்கு தொடுத்து, தங்களது சொத்துகளை பதிவு செய்யக்கூடாது என சார்பதிவாளர் அலுவலகத்துக்கும் தெரிவிக்கப்பட்டுள்ளது. இந்நிலையில், குறைந்த விலைக்கு எங்களது  சொத்துகளை விற்க யோகலட்சுமி முயற்சித்து வருகிறார். எனவே, தங்களக்கு சொந்தமான சொத்தினை மாவட்ட கலெக்டர் மீட்டுத்தர நடவடிக்கை எடுக்க வேண்டும் என கோரி, இந்துமதி, சுஜாதா ஆகியோர் நேற்று மாவட்ட கலெக்டர் அலுவலகம் வந்து, கலெக்டரின் கார் முன் உட்கார்ந்து தர்ணா போராட்டத்தில் ஈடுபட்டனர். இதைக்கண்ட திருவள்ளூர் டவுன் போலீசார் அவர்களை சமாதானப்படுத்தி, கலெக்டர் மகேஸ்வரி ரவிக்குமாரிடம் அழைத்துச் சென்றனர். அங்கு அவர்கள் கலெக்டரிடம் மனு கொடுத்தனர். இம்மனு மீது உரிய நடவடிக்கை எடுப்பதாக கலெக்டர் கூறியதை தொடர்ந்து, சகோதரிகளை போலீசார் அனுப்பி வைத்தனர். இச்சம்பவம் அப்பகுதியில் பரபரப்பை ஏற்படுத்தியது.

மேலும் செய்திகள்

Like Us on Facebook Dinkaran Daily News
  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

  • mouni_amavaaa1

    வட இந்தியாவில் மவுனி அமாவாசை : திரிவேணி சங்கமத்தில் லட்சக்கணக்கானோர் புனித நீராடி, தங்களது முன்னோர்களுக்கு தர்பணம் கொடுத்து வழிபாடு

படங்கள் வீடியோ கல்வி சினிமா ஜோ‌திட‌ம்