SUN குழுமத்திலிருந்து வெளிவரும் காலை நாளிதழ்

சென்ட்ரல் ரயில் நிலையத்தில் 3 வயது ஆண் குழந்தை கடத்தல்: சிசிடிவி கேமரா பதிவு மூலம் ஆசாமிக்கு வலை

7/16/2019 12:31:26 AM

சென்னை, ஜூலை 16: சென்னை சென்ட்ரல் ரயில் நிலையத்திலிருந்து 3 வயது ஆண் குழந்தை கடத்தப்பட்ட சம்பவம் பரபரப்பை ஏற்படுத்தியது. இது தொடர்பாக சிசிடிவி பதிவுகளை வைத்து போலீசார் விசாரிக்கின்றனர். சென்னை சென்ட்ரல் ரயில் நிலையத்தில் இருந்து டெல்லி, மும்பை, கொல்கத்தா உள்ளிட்ட பல்வேறு பகுதிகளுக்கு ரயில்கள் இயக்கப்படுகின்றன. இந்த ரயில்கள் மூலம் நாள் ஒன்றுக்கு 1 லட்சத்துக்கும் மேற்பட்டோர் பயணம் செய்கின்றனர். இதனால், சென்ட்ரல் ரயில் நிலையம் எப்போதும் பரபரப்பாக காணப்படும்.இந்நிலையில் நேற்று முன்தினம் இரவு ஒடிசா மாநிலம் நவுரங்க்பூர் மாவட்டத்தை சேர்ந்த ராம் சிங் (25) என்பவர், தனது மனைவி நீலாவதி (23) மற்றும் மகன் சோம்நாத் (3) ஆகியோருடன் சென்னையில் இருந்து ஒடிசா செல்வதற்காக சென்ட்ரல் ரயில் நிலையத்துக்கு வந்தார். ரயில் அதிகாலை என்பதால் தனது குடும்பத்தினருடன் ராம் சிங் ரயில் நிலையத்திலேயே படுத்து தூங்கியுள்ளார்.

நள்ளிரவில் நீலாவதி எழுந்து பார்த்தபோது மகன் சோம்நாத்தை காணவில்லை. அவர் தனது கணவர் ராம் சிங்கை எழுப்பி இதுகுறித்து கூறியுள்ளார். பின்னர் இருவரும் ரயில் நிலையம் முழுவதும் சிறுவனை தேடி பார்த்தனர். ஆனால் எங்கு தேடியும் சிறுவன் கிடைக்கவில்லை. இதையடுத்து சென்னை சென்ட்ரல் ரயில்வே போலீசாரிடம் ராம் சிங் புகார் கொடுத்தார்.புகாரின் அடிப்படையில் போலீசார் வழக்குப்பதிவு செய்தனர். தமிழக ரயில்வே ஐ.ஜி. வனிதா உத்தரவின் பேரில், ரயில்வே சூப்பிரண்டு முருகன் மற்றும் இன்ஸ்பெக்டர் தாமஸ் ஜேசுதாசன் தலைமையிலான போலீசார் சிறுவன் சோம்நாத்தை தேடும் பணியில் ஈடுபட்டு வருகின்றனர். இந்த சம்பவம் குறித்து போலீசார் கூறியதாவது:சிறுவன் சோம்நாத் காணவில்லை என புகார் வந்ததும் ரயில் நிலையத்தில் உள்ள கண்காணிப்பு கேமராவை ஆய்வு செய்தோம். அப்போது சிறுவனை அடையாளம் தெரியாத நபர் ஒருவர் கடத்திச் சென்றது தெரியவந்தது. அந்த நபர் பூங்கா ரயில் நிலையம் நோக்கி சென்றதால் சென்னை கடற்கரை, தாம்பரம் மார்க்கத்தில் உள்ள அனைத்து ரயில் நிலைய கண்காணிப்பு கேமராவின் பதிவை பார்த்தோம். அப்போது அந்த அடையாளம் தெரியாத நபர் சிறுவன் சோம்நாத்துடன் மின்சார ரயிலில் சென்று தாம்பரம் ரயில் நிலையத்தில் இறங்கி வெளியே சென்றது தெரியவந்தது. இதையடுத்து அந்த அடையாளம் தெரியாத நபர் குறித்து விசாரணை நடத்தி வருகிறோம்.இவ்வாறு அவர்கள் தெரிவித்தனர்.

மேலும் செய்திகள்

Like Us on Facebook Dinkaran Daily News
  • 24-08-2019

    24-08-2019 இன்றைய சிறப்பு படங்கள்

  • FloatingNuclearPlant23

    ரஷ்யாவில் உருவாக்கப்பட்டுள்ள உலகின் முதல் மிதக்கும் அணு ஆயுத ஆலை: தனது முதல் பயணத்தை தொடங்கியது..!

  • robo

    பெய்ஜிங்கில் நடைபெற்ற 2019 உலக ரோபோ மாநாடு: தொழிற்துறை, பயோனிக் ரோபோ மீன் உள்ளிட்டவை காட்சிக்கு வைப்பு

  • france_modi11112

    பிரதமர் மோடி பிரான்ஸ் நாட்டிற்கு பயணம் : பிரெஞ்சு அதிபர் இமானுவேல் மக்ரோனை சந்தித்து பேசினார்

  • cleb_11_kri

    கிருஷ்ண ஜெயந்தி : நாடு முழுவதும் கொண்டாட்டங்கள் களைகட்டின

படங்கள் வீடியோ கல்வி சினிமா ஜோ‌திட‌ம்