SUN குழுமத்திலிருந்து வெளிவரும் காலை நாளிதழ்

வேலூர் மாவட்டத்தில் நேரம் தவறி இயங்கும் அரசு பஸ்களால் பள்ளி, கல்லூரி மாணவர்கள் அவதி அதிகாரிகள் நடவடிக்கைக்கு கோரிக்கை

7/12/2019 12:03:45 AM


வேலூர், ஜூலை 12: வேலூர் மாவட்டத்தில் நேரம் தவறி இயங்கும் அரசு பஸ்களால் பள்ளி, கல்லூரி மாணவர்கள் அவதிக்குள்ளாகி வருவதாக புகார் எழுந்துள்ளது. வேலூர் மற்றும் சுற்றியுள்ள பகுதிகளில் உள்ள பள்ளி, கல்லூரிகளுக்கு மாவட்டத்தின் பல்வேறு பகுதிகளில் இருந்து அதிகளவில் மாணவர்கள் வந்து செல்கின்றனர். இந்நிலையில், கிராமங்களில் இருந்து குறிப்பிட்ட நேரத்துக்கு பஸ்கள் இயக்கப்படுவதில்லை என்று குற்றச்சாட்டு எழுந்துள்ளது. அதேபோல், காட்பாடி- பாகாயம் வழித்தடத்தில் பள்ளி, கல்லூரிகளுக்கு மாணவர்கள் செல்லும் நேரத்தில் பஸ்கள் குறைந்தளவில் இயக்கப்படுவதாக புகார் எழுந்துள்ளது. இதனால், குறிப்பிட்ட நேரத்துக்கு செல்ல தனியார் பஸ்களில் மாணவர்கள் பயணிக்கின்றனர். எனவே, அரசு பஸ்களை சரியான நேரத்தில் இயக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என்று கோரிக்கை எழுந்துள்ளது.

இதுகுறித்து மாணவர்கள் மற்றும் பொதுமக்கள் கூறியதாவது: அரசு பஸ்கள் காலை, மாலை நேரங்களில் குறிப்பிட்ட நேரத்துக்கு இயக்கப்படுவதில்லை. இதனால், இலவச பஸ் பாஸ் இருந்தும் பெரும்பாலான மாணவர்கள் தனியார் பஸ்களில் செல்கின்றனர். மேலும் பள்ளிகளுக்கு அருகில் உள்ள பஸ் நிறுத்தங்களில் சில அரசு பஸ்கள் நிறுத்தப்படுவதில்லை. இதனால், பஸ்களுக்கு பின்னால் ஓடிச் சென்று மாணவர்கள் ஆபத்தான நிலையில் ஏறுகின்றனர். கிராமப்பகுதிகளில் இருந்து குறைந்தளவில் பஸ்கள் இயக்கப்படுவதால், படியில் தொங்கியபடி பலர் பயணிக்கின்றனர். மேலும் ஆங்காங்கே பஸ்கள் பழுதாகி நடுவழியில் நின்றுவிடுகிறது. பஸ்களை சரிவர பராமரிக்காமல் இருப்பதே இதற்கு காரணம். இவைகளை கண்டுகொள்ளாமல் அதிகாரிகள் அலட்சியம் காட்டி வருகின்றனர்.

அரசு பஸ்களுக்கான நேர கண்காணிப்பாளர்கள் சரியான நேரத்தில் பஸ்கள் இயக்கப்படுகிறதா? என்பதை தொடர்ந்து கண்காணிக்க வேண்டும். மேலும் டிக்கெட் பரிசோதகர்கள் பெயரளவிற்கு எப்போதாவது ஒருமுறை மட்டுமே பஸ்நிறுத்தங்களில் சோதனை நடத்துகின்றனர். டிக்கெட் பரிசோதகர்கள் தொடர்ந்து பணியில் இருந்தால், பஸ்கள் குறிப்பிட்ட நேரத்துக்கு வருகிறதா? என்பது குறித்து கண்காணிக்க முடியும்.மேலும் பஸ்களில் எந்தெந்த நேரத்தில் எந்தெந்த இடத்தில் நிற்கும், எந்த வழித்தடத்தில் இயங்கும் என்பதற்கான அட்டவணை மற்றும் வரைபடங்களை பஸ்களில் வைக்க வேண்டும். அதோடு, மாநகராட்சி பகுதிகளில் உள்ள பஸ் நிறுத்தங்களில் பஸ்கள் வந்து செல்லும் நேரத்துக்கான அட்டவணையை வைக்க வேண்டும். இதுபோன்ற நடவடிக்கைகளால் பஸ்களை சரியான நேரத்துக்கு இயக்குவதை உறுதிப்படுத்த முடியும். இவ்வாறு அவர்கள் கூறினர்.

மேலும் செய்திகள்

Like Us on Facebook Dinkaran Daily News
  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

  • mouni_amavaaa1

    வட இந்தியாவில் மவுனி அமாவாசை : திரிவேணி சங்கமத்தில் லட்சக்கணக்கானோர் புனித நீராடி, தங்களது முன்னோர்களுக்கு தர்பணம் கொடுத்து வழிபாடு

படங்கள் வீடியோ கல்வி சினிமா ஜோ‌திட‌ம்