SUN குழுமத்திலிருந்து வெளிவரும் காலை நாளிதழ்

விரைவில் திறக்க கோரிக்கை 15 அம்ச கோரிக்கைகளை வலியுறுத்தி அங்கன்வாடி ஊழியர்கள் ஆர்ப்பாட்டம்

7/12/2019 12:01:59 AM

காரைக்கால், ஜூலை 12: அங்கன்வாடி ஊழியர்களின் 15 அம்ச கோரிக்கைகளை வலியுறுத்தி காரைக்காலில் அங்கன்வாடி ஊழியர்களின் அகில இந்திய கோரிக்கை தினத்தை அனுசரிக்கும் விதமாக மத்திய, மாநில அரசுகளுக்கு அங்கன்வாடி ஊழியர்களின் கோரிக்கைகளை எடுத்துரைக்கும் முகமாக ஆர்ப்பாட்டம் நடைபெற்றது.மத்தியில் ஆளுகின்ற மோடி தலைமையிலான மத்திய அரசு மகளிர் மற்றும் குழந்தைகள் மேம்பாட்டுத்துறைக்கு ஒவ்வொரு ஆண்டும் நிதி அளவை குறைத்து வருகிறது. நிதி அளவு குறைக்கப்படுவதால் மகளிர் மற்றும் குழந்தைகளுக்கு செயல்படுத்தப்படும் திட்டங்கள் குறைந்து கொண்டே வருகின்றன. ஆகவே மகளிர் மற்றும் குழந்தைகள் மேம்பாட்டுத்துறைக்கு ஒதுக்கப்படும் நிதி அளவை குறைக்காமல் அதிகப்படுத்த மத்திய அரசை வலியுறுத்தியும், காலியாகவுள்ள நிரந்தர அங்கன்வாடி ஊழியர் மற்றும் உதவியாளர் பதவிகளில் 3 ஆண்டுகள் பணிமுடித்த அங்கன்வாடி ஊழியர்கள் மற்றும் உதவியாளர்களை பணி நிரந்தரம் செய்ய வேண்டும்.

மற்ற அரசு ஊழியர்களுக்கு வழங்குவதுபோல் மாத இறுதியில் அங்கன்வாடி ஊழியர்களுக்கும், உதவியாளர்களுக்கும் ஊதியம் வழங்க வேண்டும். அங்கன்வாடி ஊழியர்களுக்கும், உதவியாளர்களுக்கும் ஓய்வூதிய திட்டத்தை அமல்படுத்த வேண்டும் உட்பட 15 அம்ச கோரிக்கைகளை புதுச்சேரி அரசு நிறைவேற்ற வலியுறுத்தியும் அங்கன்வாடி ஊழியர் சங்கம் சார்பில் காரைக்கால் புதிய பேருந்து நிலையம் அருகே அகில இந்திய கோரிக்கை தின ஆர்ப்பாட்டம் நடைபெற்றது.சங்க தலைவர் முத்துலெட்சுமி தலைமை வகித்தார். ஆர்ப்பாட்டத்தில் காரை பிரதேச அரசு ஊழியர் சம்மேளன கவுரவ தலைவர்கள் ஜார்ஜ், ஜெய்சிங், பொதுச் செயலாளர் ஷேக் அலாவுதீன் ஆகியோர் கோரிக்கைகளை வலியுறுத்தி பேசினர். முன்னதாக சங்க செயலாளர் பாகிரதி வரவேற்றார். முடிவில் பொருளாளர் வாணி நன்றி கூறினார்.சம்மேளன அலுவலக செயலாளர் புகழேந்தி, பி.ஆர்.டி.சி ஊழியர் சங்க பொறுப்பாளர் சுப்புராஜ், வேளாண் துறை ஊழியர் சங்க தனசேகரன் ஆகியோர் கோரிக்கைக்கு ஆதரவு தெரிவித்து ஆர்ப்பாட்டத்தில் கலந்து கொண்டனர்.ஆர்ப்பாட்டத்தில் சங்க சங்க திட்ட செயலாளர் மல்லிகா, துணை தலைவிகள் இசபெல்லா, ராஜலெட்சுமி, மெஹர்பானு, துணை செயலாளர் சசிரேகா உட்பட அங்கன்வாடி ஊழியர்கள் மற்றும் உதவியாளர்கள் ஏராளமானோர் கலந்து கொண்டனர்.


மேலும் செய்திகள்

Like Us on Facebook Dinkaran Daily News
  • Chandrayaan2Isro22

    இந்திய விண்வெளியில் புதிய அத்தியாயத்தை எட்டவுள்ள சந்திராயன்-2: வெற்றிகரமாக விண்ணில் செலுத்தப்பட்ட புகைப்படங்கள்

  • DornierAircraftNavy

    இந்திய கடற்படையின் கிழக்கு பிராந்தியதிற்க்காக நாட்டுக்கு அற்பணிக்கப்பட்ட டார்னியர் விமானங்கள்: புகைப்படத் தொகுப்பு

  • SicilyMountEtna22

    சிசிலி தீவில் வெடித்து சிதறிய ஐரோப்பாவின் மிகப்பெரிய எரிமலையான மவுண்ட் எட்னா: தீப்பிழம்புகளை கக்கிய புகைப்படங்கள்

  • IcelandPilotWhale

    ஐஸ்லாந்தில் இறந்து கரை ஒதுங்கிய 50க்கும் மேற்பட்ட பைலட் திமிங்கலங்கள்: அதிர்ச்சியூட்டும் புகைப்படங்கள்

  • RainInChennai227

    சென்னை மற்றும் புறநகர் பகுதிகளில் பரவலாக பெய்த மழை: குளிர்ந்த வானிலையில் மகிழ்ச்சியோடு பள்ளி சென்ற மாணவர்கள்

படங்கள் வீடியோ கல்வி சினிமா ஜோ‌திட‌ம்