SUN குழுமத்திலிருந்து வெளிவரும் காலை நாளிதழ்

காலிக்குடத்துடன் அலையும் சூழலில் தினமும் பல்லாயிரம் லிட்டர் வீணாகும் காவிரி குடிநீர்: மேலூர் மக்கள் அதிருப்தி

6/25/2019 1:44:36 AM

மேலூர், ஜூன் 25:  மேலூர் பகுதியில் குடிநீர் பற்றாக்குறையால் தண்ணீர் தேடி அலையும் மக்கள் ஒருபக்கம் என்றால் குழாய்கள் உடைந்து தினசரி பல்லாயிரம் லிட்டர் தண்ணீர் வீணாகும் அவலமும் நடக்கிறது. கடும் குடிநீர் பஞ்சத்தில் ஆண்டுதோறும் தவித்த சில மாவட்ட மக்களுக்கு வரபிரசாதமாக அமைந்தது காவிரி கூட்டு குடிநீர் திட்டம். இதற்காக திருச்சி மாவட்டம் கரூரில் இருந்து ராட்சத குழாய்கள் 200 கிமீ தூரத்திற்கு அமைக்கப்பட்டு தினசரி தண்ணீர் விநியோகிக்கப்பட்டு வருகிறது.  இவற்றை கண்காணிக்க ஒரு குறிப்பிட்ட தூரத்திற்கு ஒரு அலுவலகம் அமைக்கப்பட்டு அதிகாரிகள் நியமிக்கப்பட்டுள்ளனர். இவர்கள் தினசரி பூமிக்கு அடியில் புதைக்கப்பட்டுள்ள குடிநீர் குழாய்களில் சேதம் ஏற்பட்டு, தண்ணீர் கசிகிறதா, குடிநீர் வால்வுகளில் சேதம் உள்ளதா, குழாய்களை உடைத்து தண்ணீர் திருடப்படுகிறதா,

மொத்தத்தில் தண்ணீர் வீணாகாமல் உள்ளதா என்பதை ஆய்வு செய்ய வேண்டும். ஆனால் அதிகாரிகள் மற்றும் ஊழியர்கள் இதை கண்டுகொள்வதே இல்லை. பத்திரிகைகளில் தண்ணீர் வீணாவது குறித்து செய்தி வெளியான பிறகே அவற்றை சீர் செய்வதை வழக்கமாக கொண்டுள்ளனர். மேலூர் அருகே கல்லம்பட்டியில் சாலையோரம் உள்ள காவிரி கூட்டு குடிநீர் குழாயின் வால்வு உடைந்து, தினசரி பல்லாயிரக்கணக்கான லிட்டர் குடிநீர் வீணாகி வருகிறது. பல நாட்கள் இப்படி தொடர்ந்து தண்ணீர் வெளியேறி வருவதால் அருகில் உள்ள வயல்வெளிகளில் பாய்ந்து அந்த இடத்தில் புதிய குளமே உருவாகி விட்டது. உடனடியாக இதை சரி செய்து வீணாகும் குடிநீரை பொதுமக்களுக்கே வழங்க வேண்டும் என கோரிக்கை எழுந்துள்ளது.

மேலும் செய்திகள்

Like Us on Facebook Dinkaran Daily News
  • ilavarsar_pakisthn111

    பிரித்தானிய இளவரசர் வில்லியம் தனது மனைவியுடன் முதன்முறையாக பாகிஸ்தான் பயணம்

  • kavan_manavai11

    அமெரிக்காவில் மனைவியை சுமந்து ஓடும் போட்டி : சேறும் சகதியுமான குட்டை, மணல் மேடு உள்ளிட்ட பல தடைகளை கடந்து கணவன்மார்கள் ஓட்டம்

  • seuol_expooo1

    தென்கொரியாவில் சர்வதேச ஏரோஸ்பேஸ் கண்காட்சி : சாகசத்தில் ஈடுபட்ட ராணுவ விமானங்கள்

  • pumbkin_comp111

    அமெரிக்காவில் ராட்சத பூசணிக்காய்களுக்கான போட்டி : 987 கிலோ எடையுள்ள பூசணிக்காய் முதலிடத்தை பிடித்தது

  • bday_day11

    ஏவுகணை நாயகனின் 88வது பிறந்த தினம் இன்று!.. : கனவுகளை விதைத்த அப்துல் கலாமின் அறிய புகைப்படங்கள்

படங்கள் வீடியோ கல்வி சினிமா ஜோ‌திட‌ம்