SUN குழுமத்திலிருந்து வெளிவரும் காலை நாளிதழ்

பார்சல் கம்பெனி உரிமையாளருக்கு துப்பாக்கியை காட்டி கொலை மிரட்டல்: டிரான்ஸ்போர்ட் உரிமையாளர் உள்பட 3 பேர் கைது

6/25/2019 12:35:52 AM

பூந்தமல்லி: பார்சல் கம்பெனி உரிமையாளர் கழுத்தில் துப்பாக்கி வைத்து கொலை மிரட்டல் விடுத்த டிரான்ஸ்போர்ட் உரிமையாளர் உள்பட 3 பேரை போலீசார் கைது செய்தனர். பூந்தமல்லி அருகே செந்நீர்குப்பத்தை சேர்ந்தவர் குல்பிப்சிங் (34). இவர் அதே பகுதியில் பார்சல் சர்வீஸ் கம்பெனி நடத்தி வருகிறார். அதே பகுதியை சேர்ந்த சுனில்குமார் (22) என்பவர் அப்பகுதியில் லாரி டிரான்ஸ்போர்ட் நடத்தி வருகிறார். சில நாட்களுக்கு பார்சல் நிறுவனத்தில் இருந்து அனுப்பப்பட்ட பார்சல்களில் 2 பார்சல்கள் மாயமானது. இதனால் பார்சல் எடுத்து செல்லும் கட்டணம் 7 ஆயிரம் ரூபாயை கொடுக்காமல் குல்பிப்சிங் காலம் தாழ்த்தி வந்ததாக தெரிகிறது.

இதனால் குல்பிப்சிங்குக்கும், சுனில்குமாருக்கும் இடையே கடும் வாக்குவாதம் ஏற்பட்டுள்ளது. கடந்த 22ம் தேதி இரவு சுனில்குமார் உட்பட 3 பேர் பார்சல் சர்வீஸ் நிறுவனத்துக்கு சென்றுள்ளனர். அங்கிருந்த குல்பிப்சிங் கழுத்தின் மீது கைத் துப்பாக்கியை வைத்து “பணம் தரவில்லை என்றால் கொலை செய்துவிடுவேன்” என்று மிரட்டியுள்ளனர். இதனால் குல்பிப்சிங் கடும் அதிர்ச்சி அடைந்தார். இதுகுறித்து பூந்தமல்லி போலீசில் குல்பிப்சிங் புகார் செய்தார். போலீசார் வழக்குப்பதிவு செய்து விசாரித்து சுனில்குமார் உட்பட 3 பேரை கைது செய்தனர். அவர்களிடம் இருந்து கைதுப்பாக்கியை பறிமுதல் செய்தனர்.

மேலும் செய்திகள்

Like Us on Facebook Dinkaran Daily News
  • 130eng_11

    இங்கிலாந்தில் 130 ஆண்டுகால ஆட்டோமொபைல் வரலாற்றை பறைசாற்றும் கண்காட்சி!!

  • plastic22

    பிரான்ஸில் பிளாஸ்டிக் கழிவுகளை கொண்டு அமைக்கப்பட்ட செயற்கை தீவு: சுற்றுச்சூழலை பாதுகாக்க புதிய முயற்சி

  • pink_kolkatta11

    இந்திய வரலாற்றில் முதல் முறையாக பகல் - இரவு டெஸ்ட் போட்டி : பிங்க் நிறத்தில் ஜொலிக்கும் கொல்கத்தா நகரம்

  • panta22

    சர்வதேச பாண்டா அமைப்பால் தத்தெடுக்கப்பட்ட பழுப்பு நிற பாண்டா: புகைப்படங்கள்

  • 22-11-2019

    22-11-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்