SUN குழுமத்திலிருந்து வெளிவரும் காலை நாளிதழ்

டிரான்ஸ்பார்மர் பழுதால் குடிநீர் தட்டுப்பாடு கண்டித்து பொதுமக்கள் சாலை மறியல்

6/21/2019 2:19:15 AM

சேதுபாவாசத்திரம், ஜூன் 21: தஞ்சை மாவட்டம் சேதுபாவாசத்திரம் அருகே உள்ள முடச்சிக்காடு கலைஞர் நகர் சமத்துவபுரத்தில் உள்ள டிரான்ஸ்பார்மர் 15 நாட்களுக்க முன் பழுதடைந்தது. இதனால் மின்மோட்டார் இயக்க முடியாமல் குடிநீர் தட்டுப்பாடு ஏற்பட்டது. மேல்நிலை நீர்த்தேக்க தொட்டியில் தண்ணீர் நிரப்ப முடியாத நிலை ஏற்பட்டது. இதனால் பொதுமக்கள் அருகில் உள்ள விவசாய நிலங்களில் உள்ள ஆழ்துளை கிணற்றில் தண்ணீர் பிடித்து வந்து பயன்படுத்தினர். ஆனால் இதுவரை டிரான்ஸ்பார்மரை சரி செய்யவில்லை.

இதுகுறித்து ஊராட்சி செயலாளர், வட்டார வளர்ச்சி அலுவலர் மற்றும் மின்வாரிய அதிகாரி என பலரிடமும் முறையிட்டும் இதுவரை உரிய நடவடிக்கை எடுக்கவில்லையென கூறப்படுகிறது. இதனால் ஆத்திரமடைந்த 50க்கும் மேற்பட்ட பொதுமக்கள், சமத்துவபுரம் நால்ரோடு அருகில் பேராவூரணி - ஊமத்தநாடு சாலையில் மறியல் போராட்டம் நடத்தினர்.

தகவல் அறிந்ததும் ஊராட்சி ஒன்றிய அலுவலர்கள், மின்வாரிய அதிகாரிகள், பேராவூரணி காவல்துறை உதவி ஆய்வாளர் இல.அருள்குமார், கிராம நிர்வாக அலுவலர் ராஜசேகர் ஆகியோர் சம்பவ இடத்துக்கு வந்து பொதுமக்களிடம் சமாதான பேச்சுவார்த்தை நடத்தினர். இதில் மின்மாற்றி உடனடியாக மாற்றப்பட்டு குடிநீர் தட்டுப்பாடின்றி வழங்கப்படும் என்று உறுதியளித்தனர். இதையடுத்து போராட்டத்தை கைவிட்டு பொதுமக்கள் கலைந்து சென்றனர்.

மேலும் செய்திகள்

Like Us on Facebook Dinkaran Daily News
  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

  • mouni_amavaaa1

    வட இந்தியாவில் மவுனி அமாவாசை : திரிவேணி சங்கமத்தில் லட்சக்கணக்கானோர் புனித நீராடி, தங்களது முன்னோர்களுக்கு தர்பணம் கொடுத்து வழிபாடு

படங்கள் வீடியோ கல்வி சினிமா ஜோ‌திட‌ம்