SUN குழுமத்திலிருந்து வெளிவரும் காலை நாளிதழ்

வாகன சோதனையில் வியாபாரி பலி சிபிசிஐடி விசாரணை நடத்த வேண்டும்

6/19/2019 5:04:07 AM

மதுரை, ஜூன் 19: போலீஸ் வாகன சோதனையில் டயர் வியாபாரி இறந்த சம்பவம் தொடர்பாக சிபிசிஐடி விசாரணை நடத்த வேண்டும் என திமுக எம்எல்ஏ பழனிவேல் தியாகராஜன் கோரிக்கை விடுத்துள்ளார். மதுரையில் வாகன சோதனையில் போலீசார் லத்தியால் அடித்ததில் டயர் வியாபாரி விவேகானந்த குமார் இறந்தார். இதைத்தொடர்ந்து கணவன் இறந்த துக்கத்தால் மனைவி கஜப்பிரியா தூக்குமாட்டி தற்கொலைக்கு முயன்றார். அவர் ஆபத்தான நிலையில் சிகிச்சை பெற்று வருகிறார். உடலை வாங்க மறுத்து உறவினர்கள் போராட்டம் நடத்தி வருகின்றனர். இந்த சம்பவம் குறித்து, திமுக எம்எல்ஏ பழனிவேல் தியாகராஜன் நேற்று வெளியிட்டுள்ள அறிக்கையில், ‘‘இறந்த விவேகானந்த குமாரின் இறப்பால் அவருடைய மனைவி தற்கொலைக்கு முயலும் அளவுக்கு நடந்த சம்பவம் அவரை கடுமையாக பாதித்துள்ளது. அவர் முழு சிகிச்சை பெற்று பூரணகுணமடைய வேண்டும். இது வேதனையான சம்பவம்.

இந்த சம்பவம் குறித்து உண்மை நிலை வெளிவர வேண்டும். இதற்கு, எய்ம்ஸ் மருத்துவமனையை சேர்ந்த டாக்டர்கள் மூலம் பிரேத பரிசோதனை செய்து, அதனை வீடியோ எடுத்து, உண்மை நிலையை வெளியிட வேண்டும். நடந்த சம்பவம் குறித்து சிபிசிஐடி விசாரணை நடத்த வேண்டும். மேலும் சம்பவம் நடந்த இடத்தில் பதிவான சிசிடிவி பதிவுகளை போலீசார் வெளியிட வேண்டும். அப்போதுதான் போலீசார் மீதான உண்மை தன்மையை பொதுமக்கள் தெரிந்து கொள்ள முடியும்’’ இவ்வாறு தெரிவித்துள்ளார்.  கோரிக்கை மனுவை தமிழக டிஜிபிக்கும், மதுரை போலீஸ் கமிஷனருக்கும் அனுப்பியுள்ளார்.

மேலும் செய்திகள்

Like Us on Facebook Dinkaran Daily News
  • intelexopchina17

    சீனாவில் நடைபெற்ற சர்வதேச ஆட்டோமொபைல் எக்ஸ்போ: Audi உள்ளிட்ட நிறுவனங்களின் புதிய கார்கள் அறிமுகம்

  • 17-07-2019

    17-07-2019 இன்றைய சிறப்பு படங்கள்

  • DongriBuildingCollapse

    மும்பையில் 100 ஆண்டு பழமையான கட்டிடம் இடிந்து பெரும் விபத்து: 12 பேர் உயிரிழப்பு..மீட்பு பணிகள் தீவிரம்!

  • KyrgyzstanSlapping

    ஒருவரை ஒருவர் கன்னத்தில் பளார் பளாரென அறையும் வித்தியாசமான போட்டி: கிர்கிஸ்தானில் நடைபெற்றது!

  • ChangchunZoologicalPark

    உயிரியல் பூங்காவில் உள்ள மரங்களில் விலங்குகளை தத்ரூபமாக வரையும் கலைஞர்: ஆச்சரியமூட்டும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்