SUN குழுமத்திலிருந்து வெளிவரும் காலை நாளிதழ்

சுருக்கு வலையை இழந்த மீனவர்களுக்கு இழப்பீடு

6/18/2019 1:23:18 AM

புதுச்சேரி, ஜூன் 18:  புதுச்சேரி மாநில அதிமுக சட்டமன்ற கட்சி தலைவர் அன்பழகன் எம்எல்ஏ வெளியிட்டுள்ள அறிக்கை:  மீன் உற்பத்தி வளத்தை மீன் குஞ்சு பருவத்திலேயே முழுமையாக அழிக்கும் சுருக்கு வலை, மடிப்பு வலை, இரட்டை மடிப்பு வலைகளை மீனவர்கள் பயன்படுத்தக் கூடாது என மத்திய அரசு மூன்று வருடங்களுக்கு முன் சட்டம் இயற்றி தடை உத்தரவு பிறப்பித்தது. அதன்படி, தமிழகம், கேரளா, ஆந்திரா, ஒடிசா, குஜராத், மகாராஷ்டிரா உள்ளிட்ட பல மாநிலங்களில் தடை சட்டத்தை பின்பற்றி வருகின்றன. ஆனால் புதுச்சேரி அரசு எந்த நடவடிக்கையும் எடுக்கவில்லை. இந்நிலையில் மடிப்பு வலைகளை பயன்படுத்தி தமிழக பகுதியில் மீன் பிடிக்கும், புதுச்சேரி மீனவர்களுக்கு தமிழக மீனவர்கள் தொடர்ந்து எதிர்ப்பு தெரிவித்து வந்தனர். கடலூர் மாவட்ட ஆட்சியர் உத்தரவின் பேரில் மூன்று தினங்களுக்கு முன், புதுச்சேரி சுருக்கு வலை மற்றும் மடிப்பு வலைகளை தமிழக பகுதியில் கைப்பற்றியுள்ளனர். புதுச்சேரி அரசு மவுனம் காக்காமல், சுருக்குவலை. மடிப்பு வலை, இரட்டை மடிப்பு வலைகளுக்கு உடனடியாக தடை விதிக்க வேண்டும். புதுவை அரசின் அலட்சிய போக்கினால் வலைகளை இழந்த மீனவர்களுக்கு உரிய இழப்பீட்டு தொகையை வழங்க வேண்டும். அந்த மீனவர்கள் வேறு வலைகளை பயன்படுத்தி தொடர்ந்து மீன்பிடி தொழில் செய்ய உரிய நிவாரண உதவி வழங்க வேண்டும்.இவ்வாறு அவர் கூறியுள்ளார்.

மேலும் செய்திகள்

Like Us on Facebook Dinkaran Daily News
  • 12-11-2019

    16-11-2019 இன்றைய சிறப்பு படங்கள்

  • jet15

    1 மணி நேரத்தில் 86 மைல் தூரத்தை கடந்து உலக சாதனை படைத்த ஜெட் மேன்: புகைப்படங்கள்

  • amgun

    அமெரிக்கா பள்ளியில் மர்மநபர் சரமாரி துப்பாக்கி சூடு: 2 மாணவர்கள் உயிரிழப்பு

  • zimbabwe_elephant111

    ஜிம்பாப்வேயில் வரலாறு காணாத கடும் வறட்சி : 200 யானைகள் உள்பட நூற்றுக்கணக்கான வனவிலங்குகள் உயிரிழப்பு

  • peru_kovilll11

    பெருநாட்டில் பூமிக்கு அடியில் புதையுண்டு கிடந்த 3000 ஆண்டுகால பழமை வாய்ந்த 21 கோபுரங்களுடன் கூடிய ஆலயம் கண்டுபிடிப்பு

படங்கள் வீடியோ கல்வி சினிமா ஜோ‌திட‌ம்