SUN குழுமத்திலிருந்து வெளிவரும் காலை நாளிதழ்

பைக்குகள் மோதலில் ஆசிரியர் படுகாயம்

6/18/2019 12:46:05 AM

புதுக்கோட்டை, ஜூன் 18: புதுக்கோட்டை அருகே பைக்குகள் மோதலில் ஆசிரியர் படுகாயமடைந்தார். புதியம்புத்தூர் அம்மன் கோவில் தெருவைச் சேர்ந்தவர் ஹெர்பர்ட் முத்துராஜ் (55).  இவர் அங்குள்ள பள்ளியில் ஆசிரியராக வேலைபார்த்து வருகிறார். இவரது மனைவி விஜிலா (50), தூத்துக்குடி அருகேயுள்ள செம்புலிங்கபுரம் டயோசீசன் பள்ளியில் ஆசிரியையாக பணிபுரிந்து வருகிறார். நேற்று முன்தினம் இவர்களது மகனும், பொறியியல் பட்டதாரியும், கால்பந்து வீரருமான ஹெர்பின் (23) என்பவர், புதியம்புத்தூரில் விளையாடிக் கொண்டிருந்த போது தவறி விழுந்ததில் படுகாயமடைந்தார். இதையடுத்து அவரை மீட்ட விஜிலா தூத்துக்குடியில் உள்ள தனியார் மருத்துவமனையில் சேர்த்தார்.

இதனிடையே அதே நாளில் நெல்லையில் உள்ள உறவினர் வீட்டில் துக்கம் விசாரிக்க சென்ற ஹெர்பர்ட் முத்துராஜ், புதுக்கோட்டைக்கு காரில் வந்து இறங்கினார். பின்னர் அங்கு நிறுத்தியிருந்த தனது பைக்கை ஓட்டியபடி தூத்துக்குடி மருத்துவமனையில் சேர்க்கப்பட்ட மகனை பார்க்கச் சென்றார். புதுக்கோட்டை அருகே மீன்பதப்படுத்தும் ஆலை முன்பாக வந்தபோது எதிரே வந்த மற்றொரு பைக் இவரது பைக் மீது பயங்கரமாக மோதியது. இதில் படுகாயமடைந்த ஹெர்பர்ட் முத்துராஜை அக்கம்பக்கத்தினர் மீட்டு தூத்துக்குடி தனியார் மருத்துவமனையில் சேர்த்தனர். விபத்து குறித்து புதுக்கோட்டை எஸ்ஐ அந்தோணிராஜ் வழக்குப் பதிந்து விசாரணை  நடத்தி வருகிறார்.

மேலும் செய்திகள்

Like Us on Facebook Dinkaran Daily News
  • gggg20

    ஸ்பெயின் நாட்டை தாக்கிய குளோரியா புயல்: 144 கி.மீ வேகத்தில் காற்று வீச்சு; 44 அடி உயரத்திற்கு கடல் அலைகள் எழும்பியன

  • QuarantineWuhan24

    சீனாவை ஆட்டிப்படைக்கும் கொரோனா வைரஸ் தொற்றால் மொத்தமாக மூடப்பட்டுள்ள வூஹான் நகரம்..: பொதுமக்கள் பரிதவிப்பு!

  • rp23

    நாடு முழுவதும் முழுவீச்சில் நடைபெற்று வரும் குடியரசு தினவிழா ஒத்திகை நிகழ்ச்சியின் கண்கவர் படங்கள்

  • thai_ammamam

    தை அமாவாசை : ராமேஸ்வரம், காவிரி உள்ளிட்ட நீர்நிலைகளில் புனித நீராடி, முன்னோர்களுக்கு தர்ப்பணம் கொடுத்து மக்கள் வழிபாடு

  • mouni_amavaaa1

    வட இந்தியாவில் மவுனி அமாவாசை : திரிவேணி சங்கமத்தில் லட்சக்கணக்கானோர் புனித நீராடி, தங்களது முன்னோர்களுக்கு தர்பணம் கொடுத்து வழிபாடு

படங்கள் வீடியோ கல்வி சினிமா ஜோ‌திட‌ம்