SUN குழுமத்திலிருந்து வெளிவரும் காலை நாளிதழ்

போராட்டத்தில் ஈடுபட்டவர்களை அரசு பழிவாங்க கூடாது

6/14/2019 6:53:41 AM

ஈரோடு, ஜூன் 14:  போராட்டத்தில் ஈடுபட்ட அரசு ஊழியர்கள் மீது பழிவாங்கும் நடவடிக்கைகளில் அரசு ஈடுபடக்கூடாது என ஜாக்டோ ஜியோ வலியுறுத்தி உள்ளது. தமிழ்நாடு ஊரக வளர்ச்சி துறை அலுவலர் சங்க மாநில செயலாளரும், ஜாக்டோ ஜியோ ஒருங்கிணைப்பாளருமான பாஸ்கர்பாபு ஈரோட்டில் நேற்று செய்தியாளர்களிடம் கூறியதாவது:கடந்த ஜனவரி மாதம் ஜாக்டோ ஜியோ சார்பில் புதிய பென்ஷன் திட்டத்தை ரத்து செய்ய வேண்டும். இடைநிலை ஆசிரியர்களுக்கு மத்திய அரசுக்கு இணையான ஊதியம் வழங்க வேண்டும்  என்பன உள்ளிட்ட 9 அம்ச கோரிக்கைகளை வலியுறுத்தி அரசு ஊழியர்கள், ஆசிரியர்கள் தொடர் போராட்டத்தில் ஈடுபட்டனர். போராட்டத்தை முடிவுக்கு கொண்டு வர வேண்டும் என அரசு நிர்வாகம் கைது நடவடிக்கைகளில் ஈடுபட்டது. மாநில அளவில் 120 பேர் கைது செய்யப்பட்டு சிறையில் அடைக்கப்பட்டனர். பின்னர், ஜாமீனில் விடுவிக்கப்பட்டனர். போராட்டத்தில் ஈடுபட்டதாக 4,500 ஆசிரியர்கள், அரசு ஊழியர்களுக்கு ‘17 பி’ மெமோ கொடுக்கப்பட்டது. போராட்ட காலத்துக்கான சம்பளம் பிடித்தம் செய்யப்பட்டது. கைது நடவடிக்கை மற்றும் ‘17 பி’ மெமோவால் உடனடியாக பதவி உயர்வு பட்டியலில் உள்ள 300க்கும் மேற்பட்டோருக்கு பதவி உயர்வு தாமதமாகும் நிலை ஏற்பட்டுள்ளது.

அடுத்த சில மாதங்களில் மேலும் பலருக்கு பதவி உயர்வு வர உள்ளது. அரசு ஊழியர்களுக்கு இதுபோன்ற நெருக்கடியை அரசு வழங்குவது ஏற்புடையது அல்ல. போராட்டத்தில் ஈடுபட்ட அரசு ஊழியர்கள், ஆசிரியர்கள் மீதான அனைத்து நடவடிக்கையையும் முழுமையாக கைவிட வேண்டும். ஆந்திராவில் புதிய பென்ஷன் திட்டத்தை ரத்து செய்துவிட்டு, பழைய பென்சன் திட்டத்தை செயல்படுத்துவதாக அம்மாநில அரசு அறிவித்துள்ளது.  எனவே, தமிழகத்திலும் பழைய பென்சன் திட்டத்தை அமல்படுத்த வேண்டும்.  இவ்வாறு பாஸ்கர்பாபு கூறினார்.


மேலும் செய்திகள்

Like Us on Facebook Dinkaran Daily News
  • gujarath_111

    குஜராத் மாநிலம் சூரத்தில் 10 மாடிகள் கொண்ட ஜவுளி வணிக வளாகத்தில் பயங்கர தீ விபத்து

  • srilankaa_twinnss1

    இலங்கையில் உலக சாதனை நிகழ்ச்சியாக அதிக இரட்டையர்கள் ஒன்று கூடிய மாபெரும் நிகழ்வின் மெய்சிலிர்ப்பூட்டும் படங்கள்

  • iyesu_kudaamuu1

    இயேசு கிறிஸ்து திருமுழுக்கு பெற்ற நாள் கொண்டாட்டம் : ரஷ்யாவில் 53,000 பேர் புனித நீராடினர்

  • nirmalaa_alawaa1

    டெல்லியில் 'அல்வா' தயாரிப்புடன் மத்திய பட்ஜெட் ஆவண பதிப்பித்தல் பணியை தொடங்கி வைத்தார் நிதியமைச்சர் நிர்மலா சீதாராமன்!!

  • telanagana_leopardd1

    தெலங்கானாவில் வீட்டு மாடியில் பதுங்கிய சிறுத்தை: நீண்ட போராட்டத்திற்கு பிறகு வனத்துறையிடம் பிடிப்பட்டது

படங்கள் வீடியோ கல்வி சினிமா ஜோ‌திட‌ம்