SUN குழுமத்திலிருந்து வெளிவரும் காலை நாளிதழ்

மயான ஆக்கிரமிப்பை அகற்றக் கோரி கூடலூரில் பொதுமக்கள் மறியல் முயற்சி

6/11/2019 6:02:14 AM

திட்டக்குடி, ஜூன் 11: திட்டக்குடி அருகே கூடலூரில் சுடுகாட்டின் ஆக்கிரமிப்பை அகற்றக் கோரி பொதுமக்கள் சாலை மறியல் செய்ய முயற்சி செய்தனர். இச்சம்பவம் அப்பகுதியில் பரபரப்பை ஏற்படுத்தியது.திட்டக்குடி அடுத்துள்ள கூடலூர் கிராமத்தில் விருத்தாசலம்-திட்டக்குடி மாநில நெடுஞ்சாலையோரத்தில் சலவை தொழிலாளர், ஆதிதிராவிடர், கிறிஸ்தவர், வள்ளுவர் உட்பட பல்வேறு சமூகங்களை சேர்ந்த சுமார் 70க்கும் மேற்பட்ட குடும்பத்தினர் வசித்து வருகின்றனர். இவர்கள் பயன்படுத்தும் வகையில் இப்பகுதியில் 2 சென்ட் பரப்பளவில் ஒரு மயானம் உள்ளது. இந்த மயானத்தை ஆதிதிராவிட இனத்தை சேர்ந்த தனிநபர் ஒருவர் ஆக்கிரமிப்பு செய்துள்ளதாக தெரிகிறது. இந்த ஆக்கிரமிப்புகளை அகற்றக் கோரி அப்பகுதி மக்கள் நேற்று கூடலூர் மெயின் ரோட்டில் சாலை மறியலில் ஈடுபட முயன்றனர். இதுகுறித்து தகவலறிந்த திட்டக்குடி தாசில்தார் புகழேந்தி, இன்ஸ்பெக்டர் பிரியா ஆகியோர் சம்பவ இடத்துக்கு விரைந்து வந்து பொதுமக்களிடம் பேச்சுவார்த்தை நடத்தினர். அதில், உரிய நடவடிக்கை எடுத்து குறிப்பிட்ட ஆக்கிரமிப்பு அகற்றப்படும் எனவும் தொடர்ந்து எடுக்கப்பட வேண்டிய பல்வேறு நடவடிக்கைகள் குறித்து கிராமமக்களிடம் விரிவாக பேசி அதன்பேரில் நடவடிக்கை எடுக்கப்படும் எனவும் கூறி உறுதியளித்தார். இதனை ஏற்று அப்பகுதி மக்கள் சாலை மறியல் முயற்சியை கைவிட்டு கலைந்து சென்றனர். இச்சம்பவம் அப்பகுதியில் சிறிது நேரம் பரபரப்பை ஏற்படுத்தியது.

மேலும் செய்திகள்

Like Us on Facebook Dinkaran Daily News
  • 11-12-2019

    11-12-2019 இன்றைய சிறப்பு படங்கள்

  • jnu_studentss1

    குடியரசுத்தலைவர் மாளிகையை நோக்கி பேரணி சென்ற ஜேஎன்யு பல்கலை. மாணவர்கள் மீது கண்மூடித்தனமாக தடியடி நடத்திய போலீஸார்

  • bushfire_aussiee1

    ஆஸ்திரேலியாவில் 100-க்கும் மேற்பட்ட இடங்களில் புதர் தீ : புகை மண்டலமாக காட்சியளிக்கும் சிட்னி நகரம்

  • asutra_bushfirr1

    ஆஸ்திரேலியாவில் ஏற்பட்டுள்ள காட்டுத்தீயில் சிக்கி சுமார் 2000த்திற்கும் மேற்பட்ட கோலா விலங்குகள் உயிரிழப்பு

  • parani_deepam11

    கார்த்திகை தீபத் திருவிழா : தி.மலை அண்ணாமலையார் கோவிலில் பரணி தீபம் ஏற்றப்பட்டது

படங்கள் வீடியோ கல்வி சினிமா ஜோ‌திட‌ம்