SUN குழுமத்திலிருந்து வெளிவரும் காலை நாளிதழ்

இதய சிகிச்சை தொடர்பாக சென்னையில் சர்வதேச கருத்தரங்கு

6/7/2019 12:52:43 AM

சென்னை: இதய சிகிச்சை தொடர்பாக 3 நாள் சர்வதேச கருத்தரங்கு ‘‘சென்டியன்ட் சம்மிட்’’ சென்னையில் இன்று நடக்கிறது. அப்போலோ மருத்துவமனையின் மூத்த இதய சிகிச்சை மருத்துவர் சாய் சதிஷ் இதய சிகிச்சை தொடர்பான 3 நாள் கருத்தரங்குக்கு ஏற்பாடு செய்துள்ளார். இதுதொடர்பாக மருத்துவர் சாய் சதீஷ் நிருபர்களிடம் கூறியதாவது: இதய அறுவை சிகிச்சை மேற்கொள்ளும் டாக்டர்கள், இதய சிகிச்சை மருத்துவர்கள் ஒரே நோயாளிக்கு வெவ்வேறு விதமான சிகிச்சையை பரிந்துரைப்பார்கள். ஒரே நோயாளிக்கு ஒவ்வொரு டாக்டரும் ஒவ்வொரு விதமான சிகிச்சையை பரிந்துரைப்பார்கள். அதனால் இதயம் சார்ந்த சிகிச்சை மேற்கொள்ளும் அனைத்து டாக்டர்களையும் ஒருங்கிணைக்க ‘‘சென்டியன்ட் சம்மிட்’’ கருத்தரங்குக்கு ஏற்பாடு செய்துள்ளோம்.

உலகின் தலைசிறந்த 20 டாக்டர்களை மட்டும் இந்த கருத்தரங்கு, பயிற்சி  பட்டறைக்கு அழைக்க திட்டமிட்டிருந்தோம். ஆனால் 400 டாக்டர்கள்  கருத்தரங்கில் பங்கேற்கிறார்கள். அமெரிக்கா, ஐரோப்பிய நாடுகள், சிங்கப்பூர், ஆஸ்திரேலியா உள்பட பல்வேறு நாடுகளை சேர்ந்த டாக்டர்கள் அந்தந்த நாடுகளின் தலைசிறந்த இதய சிகிச்சை டாக்டர்கள் ஆவர். கருத்தரங்கின் முதல்நாளில் உலகின் மிகக்கடினமான 50 இதய அறுவை சிகிச்சை, நுண்துளை அறுவை சிகிச்சை வீடியோக்களை பார்த்து டாக்டர்கள் அந்த சிகிச்சை தொடர்பாக விவாதிக்க உள்ளனர். கருத்தரங்கின் 2வது, 3வது நாட்களில் மருத்துவர்கள் தங்கள் மேற்கொண்ட அறுவை சிகிச்சை, நுண்துளை அறுவை சிகிச்சை தொடர்பான தகவல்களை பகிர்ந்துகொள்கின்றனர்.
மூத்த டாக்டர்கள், இளம் டாக்டர்கள் இடையேயான தகவல் பரிமாற்றம் மூலம் இனி வரும் காலங்களில் சிறப்பான சிகிச்சைக்கு பரிந்துரைக்க முடியும். சிறப்பான சிகிச்சை வழங்க முடியும். இவ்வாறு கூறினார்.         

மேலும் செய்திகள்

Like Us on Facebook Dinkaran Daily News
  • 20-11-2019

    20-11-2019 இன்றைய சிறப்பு படங்கள்

  • indiraganthipics

    இந்தியாவின் ஒரே பெண் பிரதமரான மறைந்த இந்திரா காந்தியின் அரிய புகைப்படங்களின் தொகுப்பு!

  • pakmissiletest

    இந்தியாவுக்கு போட்டியாக கண்டம் விட்டு கண்டம் பாயும் ஷாஹீன்-1 ஏவுகணையை சோதனை செய்தது பாகிஸ்தான்!

  • indhragandhi102

    இந்திரா காந்தியின் 102வது பிறந்த தினம் இன்று: சோனியாகாந்தி உள்ளிட்ட கட்சித் தலைவர்கள் இந்திரா காந்தி நினைவிடத்தில் மரியாதை

  • californiagunshot

    பார்ட்டியில் புகுந்து மர்மநபர்கள் சரமாரி துப்பாக்கிசூடு: கலிஃபோர்னியாவில் நடந்த இந்த சம்பவத்தில் 4 பேர் பலி!

படங்கள் வீடியோ கல்வி சினிமா ஜோ‌திட‌ம்