SUN குழுமத்திலிருந்து வெளிவரும் காலை நாளிதழ்

மாநில தலைவர் சஸ்பெண்ட் அரசு ஊழியர்கள் மதுரையில் ஆர்ப்பாட்டம்

6/4/2019 2:26:33 AM

மதுரை, ஜூன் 4: சங்கத்தின் மாநில தலைவர் மீதான சஸ்பெண்ட் உத்தரவை ரத்து செய்ய கோரி தமிழ்நாடு அரசு ஊழியர் சங்கத்தினர் மதுரை கலெக்டர் அலுவலகத்தில் கண்டன ஆர்ப்பாட்டம் நடத்தினர்.  தமிழ்நாடு அரசு ஊழியர் சங்க மாநில தலைவர், ஜாக்டோ ஜியோ ஒருங்கிணைப்பாளர் சுப்ரமணியன். இவர் ஊரக வளர்ச்சித்துறையில் பணியாற்றினார். ஜாக்டோ ஜியோ சார்பில் அரசுக்கு எதிராக காலவரையற்ற வேலைநிறுத்த போராட்டத்தை நடத்தினார்.

கடந்த மே 31ம் பணி ஓய்வு பெறும் நாளில் இவரை சஸ்பெண்ட் செய்து தமிழக அரசு உத்தரவிட்டது.  இதற்கு தமிழ்நாடு அரசு ஊழியர் சங்கத்தினர் கண்டனம் தெரிவித்தனர். ஓய்வு பெறும் நாளில் இவர் மீது தமிழக அரசு பழிவாங்கும் நோக்கில் அரசின் அதிகார வர்க்கத்தால், நீதிக்கு எதிரான நெறியற்ற முறையை பின்பற்றி சஸ்பெண்ட் செய்யப்பட்டுள்ளார்.  அவரின் சஸ்பெண்ட் உத்தரவை ரத்து செய்ய கோரி தமிழகம் முழுவதும் கலெக்டர் அலுவலக முன்பு நேற்று கண்டன ஆர்ப்பாட்டம் நடந்தது.

மதுரை கலெக்டர் அலுவலத்தில் நடந்த போராட்டத்திற்கு அரசு ஊழியர் சங்க மாவட்ட செயலாளர் நீதிராஜா தலைமை வகித்தார். தலைவர் ஜெயராஜராஜேஸ்வரன், ஜாக்டோ ஜியோ மாநில ஒருங்கிணைப்பாளர் சுரேஷ், தமிழ்நாடு ஆரம்ப பள்ளி ஆசிரியர் கூட்டணியின் மாவட்ட செயலாளர் ஒச்சுக்காளை, தமிழ்நாடு நெடுஞ்சாலைத்துறை சாலை பணியாளர் சங்கத்தின் மாநில பொருளாளர் தமிழ், அரசு ஊழியர் சங்க மாநில துணைத் தலைவர் செல்வம் ஆகியோர் கண்டன உரையாற்றினர்.  அரசு ஊழியர் சங்க மாவட்ட இணைச் செயலாளர் பாலாஜி நன்றி கூறினார். இதில் ஊரக வளர்ச்சித்துறை, ஜாக்டோஜியோவினர் திரளாக கலந்து கொண்டனர். பின்னர் கோரிக்கை மனுவை கலெக்டரிடம் வழங்கினர்.

மேலும் செய்திகள்

Like Us on Facebook Dinkaran Daily News
  • watervapormoon

    வியாழன் கோளை சுற்றி வரும் யூரோபா நிலவில் நீராவி தடயங்கள் இருப்பதை உறுதி செய்துள்ளது நாசா!

  • kuwaitcamelRace

    குவைத்தில் ஒட்டகங்களுக்கான ஓட்டப்பந்தயம்: ரோபோ ஜாக்கி மூலம் ஒட்டகங்கள் போட்டியிட்டன ..புகைப்படங்கள்!

  • amazonTraders

    Amazon, Flipkart- க்கு எதிராக டெல்லியில் நேற்று போராட்டத்தில் குதித்த அகில இந்திய வணிகர்கள் சங்கம்!

  • dubaiairshow2019

    துபாயில் வெகு விமர்சையாக நடைபெற்ற விமான கண்காட்சி: கண்கவர் சாகசங்களை செய்து ஆச்சர்யத்தில் ஆழ்த்திய வீரர்கள்!

  • LAautoshow

    லாஸ்ஏஞ்சல்ஸ் நகரில் நடைபெற்ற ஆட்டோ ஷோ: பார்வையாளர்களை அரசவைத்த BMW, Mercedes கார்கள்!

படங்கள் வீடியோ கல்வி சினிமா ஜோ‌திட‌ம்