SUN குழுமத்திலிருந்து வெளிவரும் காலை நாளிதழ்

பள்ளி, கல்லூரிகள் திறப்பை முன்னிட்டு மாணவர்களுக்கான ‘பேக்’ விற்பனைக்கு குவிப்பு

5/25/2019 4:12:45 AM

சேலம், மே 25:  ஜூன் மாதம் பள்ளிகள் திறக்கப்படவுள்ளதால் சேலத்தில் பள்ளி, கல்லூரி மாணவர்களுக்காக எண்ணற்ற ரகங்களில் ‘பேக்’ விற்பனைக்கு குவிக்கப்பட்டுள்ளது. தமிழகத்தில் ேகாடை விடுமுறை முடிந்து வரும் ஜூன் 3ம் தேதி பள்ளிகள் திறக்கப்படுகின்றன. இதையொட்டி பள்ளி, கல்லூரி மாணவ, மாணவிகளுக்கான  பேக்குகள் விற்பனைக்கு குவிக்கப்பட்டுள்ளது. சேலத்தில் தங்கள் குழந்தைகளுக்கு தேவையான பேக்குகளை பெற்றோர்கள் ஆர்வத்துடன் வாங்கி வருகின்றனர். இது குறித்து விற்பனையாளர்கள் கூறியதாவது:

பல ஆண்டுகளாக பள்ளி, கல்லூரி மாணவ, மாணவிகளுக்கான பேக்குகளை தயாரித்து விற்பனை செய்து வருகிறோம். எல்கேஜி.,யில் இருந்து பிளஸ் 2 வரையும், கல்லூரி மாணவ, மாணவிகளுக்கான பேக்குகளையும் தயாரித்து வருகிறோம். சிங்கிள் பார்டர், டபுள் பார்டர், டிரிபிள் பார்டர் பேக்குகளும், குழந்தைகளை கவரும் வகையில் சோட்டாபீம், பெண்டன் உள்ளிட்ட கார்ட்டூன் வகை பேக்குகளும், இயற்கை காட்சி, மிருகங்கள் உள்ளிட்ட பிரிண்டிங் பேக்குகளும் விற்பனைக்கு வைத்துள்ளோம்.  

பள்ளி மாணவ, மாணவிகளுக்கான பேக் ₹180 முதல் ₹300 வரையும், கல்லூரி மாணவர்களுக்கான  பேக் ₹200 முதல் ₹600 வரையும், லஞ்ச் பேக் ₹120 முதல் ₹170 எனவும், ஆபீஸ் பேக் ₹500 எனவும், ஷாப்பிங் பேக் ₹200 முதல் ₹300 எனவும், டிராவல்ஸ் பேக் ₹300 முதல் ₹500 என விற்பனை செய்யப்படுகிறது. தற்போது 20 சதவீதமாக உள்ள விற்பனை, அடுத்த வாரம் 80 சதவீதம் வரை உயரும். சேலம் சுற்றுவட்டார பகுதியில் இருந்தும், கிருஷ்ணகிரி, பெங்களூரு, நாமக்கல், தர்மபுரி உள்ளிட்ட பகுதிகளிலிருந்தும் பெற்றோர்கள் பேக்குகளை வாங்கிச்செல்கின்றனர்.  இவ்வாறு விற்பனையாளர்கள் கூறினர்.  

மேலும் செய்திகள்

Like Us on Facebook Dinkaran Daily News
  • vagaidamflood

    பாசனத்திற்கு திறந்துவிடப்பட்ட தண்ணீரால் வைகை ஆற்றில் வெள்ளப்பெருக்கு... 2 தரைப்பாலங்கள் மூழ்கியது!

  • bangladeshtrain

    வங்கதேசத்தில் இரண்டு எக்ஸ்பிரஸ் ரயில்கள் நேருக்கு நேர் மோதி பயங்கர விபத்து: 16 பேர் பலியான சோகம்!

  • wildfireaus

    காட்டுத்தீ காரணமாக அபாய நிலையை எட்டியுள்ள ஆஸ்திரேலியா: பேரழிவு காரணமாக அவசரநிலை பிரகடனம்

  • hongkongprofire

    ஹாங்காங் போராட்டத்தில் அதிர்ச்சி சம்பவம்: வாக்குவாதத்தில் ஈடுபட்ட நபருக்கு தீ வைத்த போராட்டக்காரர்கள்

  • chicagosnow

    பனிப்பொழிவின் உச்சத்தில் சிகாகோ: 6 அங்குலத்திற்கு பனிப்போர்வை படர்ந்து காட்சியளிக்கும் நகரம்

படங்கள் வீடியோ கல்வி சினிமா ஜோ‌திட‌ம்