SUN குழுமத்திலிருந்து வெளிவரும் காலை நாளிதழ்

மழை பெய்ய வேண்டி சிறுவர்கள் நடத்தும் வினோத திருவிழா

5/23/2019 5:34:02 AM

ஆண்டிபட்டி, மே 23: ஆண்டிபட்டி அருகே உள்ள கிராமத்தில் வறட்சியில் மழை பெய்ய வேண்டி அம்மனுக்கு சிலை செய்து சிறுவர்கள் சாமி கும்பிட்டனர். ஆண்டிபட்டி அருகே மறவபட்டி கிராமம் உள்ளது. இங்கு ஆயிரத்திற்கும் மேற்பட்ேடார் வசித்து வருகின்றனர். கடந்த இரண்டு வாரங்களுக்கு முன்பு ஊர் பொதுமக்கள் சார்பில் முத்தாலம்மன் கோயில் திருவிழா சிறப்பாக கொண்டாடினர். இந்நிலையில் நேற்று இப்பகுதியில் மழை பெய்ய வேண்டி சிறுவர்களே முத்தாலம்மன் சிலை செய்து, ஊரை நகர்வலம் வந்தனர். இதன் பின் சிலையை ஊருக்கு மேற்குப் புறமாக உள்ள ஓடையில் உடைத்தனர்.

இதுகுறித்து அப்பகுதியைச் சேர்ந்த அறிவழகன் கூறுகையில், இப்பகுதியில் ஆண்டுதோறும் மழை பெய்ய வேண்டி முத்தாலம்மன் சிலை செய்து சிறுவர்களுடன் இணைந்து திருவிழா கொண்டாடி வருகிறேன். எங்கள் ஊரில் முத்தாலம்மன் திருவிழா சிறப்பாக நடைபெறும். இந்த திருவிழா நடந்து முடிந்த பின்னர் சில வாரங்கள் கழித்து, நானே முதல் நாள் முத்தாலம்மனுக்கு சிலை செய்வேன். அடுத்த நாள் அம்மனுக்கு வர்ணம் பூசி. அதற்கு அடுத்த நாள் அம்மனை மலர்களால் ஜோடித்து, சிறுவர்கள் நடனமாடிக் கொண்டு வாண வேடிக்கையுடன் நகரை வலம் வந்து, பின்னர் 3ம் நாள் சிலையை ஊரின் மேற்கே உள்ள ஓடையில் உடைப்போம் என்று தெரிவித்தார். இதுகுறித்து ஊர் பெரியவர்கள் கூறுகையில், இப்பகுதியில் மழை பெய்து விவசாயம் செழிக்க முத்தாலம்மனுக்கு சிலை செய்து சிறுவர்களை நடத்தும் இத்திருவிழா மிகவும் வினோதமாக உள்ளது என்று தெரிவித்தனர்.

மேலும் செய்திகள்

Like Us on Facebook Dinkaran Daily News
  • 21-09-2019

    21-09-2019 இன்றைய சிறப்பு படங்கள்

  • aljemerss_nadai11

    உலக அல்ஜீமர்ஸ் தினம் : சேத்துப்பட்டு பசுமை பூங்காவில் மெமரி வாக் விழிப்புணர்வு நடைபயணம்

  • china20

    சீனாவின் நடைபெற்ற கருப்பொருள் ஒப்பனை தயாரிப்பு கண்காட்சி: அலங்காரப் பொருட்கள், பொம்மைகள் காட்சிக்கு வைப்பு

  • bo20

    ஆப்கானிஸ்தானில் மருத்துவமனை அருகே குண்டு வெடிப்பு: 20 பேர் பலி, 95 பேர் படுகாயம்

  • airportchina2019

    சீனாவில் கட்டப்பட்டுள்ள பிரம்மாண்ட விமான நிலையம்: 97 கால்பந்து மைதானங்கள் அளவிற்கு பெரிது

படங்கள் வீடியோ கல்வி சினிமா ஜோ‌திட‌ம்