SUN குழுமத்திலிருந்து வெளிவரும் காலை நாளிதழ்

கோவில்பட்டியில் அகில இந்திய ஹாக்கி போட்டி சென்னை தெற்கு ரயில்வே, ஐசிஎப் அணி வெற்றி

5/23/2019 12:52:47 AM

கோவில்பட்டி, மே 23: கோவில்பட்டியில் லட்சுமியம்மாள் நினைவு கோப்பைக்காக அகில இந்திய அளவில் நடந்துவரும் ஹாக்கி போட்டியில் 7ம் நாளான நேற்றைய ஆட்டத்தில் சென்னை தெற்கு ரயில்வே அணியும், சென்னை ஐசிஎப் அணியும் வெற்றி பெற்றன. கோவில்பட்டியில் உள்ள செயற்கை புல்வெளி ஹாக்கி மைதானத்தில் லட்சுமி அம்மாள் நினைவு கோப்பைக்காத 11வது அகில இந்திய அளவிலான ஹாக்கி போட்டி கடந்த 16ம் தேதி துவங்கி நடந்து வருகிறது. இந்நிலையில் நேற்று (22ம் தேதி) 7ம் நாள் போட்டிகள் நடந்தன. இதில் காலை 6.30 மணிக்கு நடந்த முதல் ஆட்டத்தில் நியூடெல்லி நேஷனல் ஹாக்கி அகாடமி அணியினருடன் சென்னை தெற்கு ரயில்வே அணியினர் விளையாடினர். இதில் சென்னை தெற்கு ரயில்வே அணியினர் 4:3 எனும் கோல்கணக்கில் வெற்றி பெற்றனர். தொடர்ந்து மாலையில் நடந்த 2வது ஆட்டத்தில் பெங்களூரு ஹாக்கி அசோசியேசன் பெங்களூரு அணியுடன் சென்னை இந்தியன் வங்கி அணியினர் மோதினர். இதில் இரு அணிகளும் தலா 5 கோல் போட்டு சமநிலை பெற்றனர். பின்னர் நடந்த 3வது ஆட்டத்தில் சென்னை ஐசிஎப் அணியுடன் புனே பிஇஜி அன்ட் சென்டர் கிர்கி அணியினர் விளையாடினர். இதில் சென்னை ஐசிஎப் அணியினர் 3:0 எனும் கோல்கணக்கில் வெற்றி பெற்றனர். தொடர்ந்து நடந்த 4வது ஆட்டத்தில் செகந்திராபாத் சவுத் சென்ட்ரல் ரயில்வே அணியுடன் கர்நாடகா ஹாக்கி கூர்க் அணி மோதியது. இதில்  செகந்திராபாத் சவுத் சென்ட்ரல் ரயில்வே அணியினர் 2 : 1 என்ற கோல்கணக்கில் வெற்றிபெற்றனர். 8ம் நாளான இன்று (23ம் தேதி) காலிறுதி போட்டி நடக்கிறது.

மேலும் செய்திகள்

Like Us on Facebook Dinkaran Daily News
  • turkeyprotest

    துருக்கியில் மேயர்களை பணிநீக்கம் செய்ததற்கு எதிராக மக்கள் ஆர்ப்பாட்டம்: தண்ணீரை பீய்ச்சியடித்து விரட்டிய போலீசார்

  • 21-08-2019

    21-08-2019 இன்றைய சிறப்பு படங்கள்

  • beijingroboshow

    பெய்ஜிங்கில் நடைபெற்ற உலக ரோபோ மாநாடு: மருத்துவத்துறை, தீயணைப்பு துறைக்கான புதிய ரோபோக்கள் அறிமுகம்

  • syriaairstrike

    சிரிய எல்லையில் அந்நாட்டு ராணுவம் நடத்தி வரும் வான்வழி தாக்குதல்...மூவர் பலி;அச்சத்தில் மக்கள்: காட்சித்தொகுப்பு!

  • boliviafire

    பொலிவியாவில் பரவிய காட்டுத்தீ: 4 லட்சம் ஹெக்டர் பரப்பளவு தீயில் கருகி நாசம்!

படங்கள் வீடியோ கல்வி சினிமா ஜோ‌திட‌ம்