SUN குழுமத்திலிருந்து வெளிவரும் காலை நாளிதழ்

திருப்பதி கங்கையம்மன் கோயிலில் முதல்வர் சந்திரபாபு நாயுடு சுவாமி தரிசனம்

5/23/2019 12:29:22 AM

திருமலை, மே 23: திருப்பதி கங்கையம்மன் கோயிலில் முதல்வர் சந்திரபாபு நாயுடு தனது மனைவியுடன் சுவாமி தரிசனம் செய்தார். ஆந்திர மாநிலம், சித்தூர் மாவட்டம், குப்பத்தில் பிரசித்திபெற்ற பிரசன்ன திருப்பதி கங்கையம்மன் கோயில் திருவிழா நடைபெற்று வருகிறது. இந்நிலையில் ஆந்திர மாநில முதல்வர் சந்திரபாபு நாயுடுவின் தனது சொந்த தொகுதியான குப்பத்தில் நடைபெறும் இந்த திருவிழாவில் பங்கேற்பதற்காக நேற்று காலை குப்பம் வந்தார். விஜயவாடா கண்ணவரம் விமான நிலையத்தில் இருந்து ரேணிகுண்டா விமான நிலையத்துக்கு தனி விமானத்தில் வந்த முதல்வர் சந்திரபாபு நாயுடு, அங்கிருந்து ஹெலிகாப்டர் மூலம் கணேசபுரத்தில் அமைக்கப்பட்ட ஹெலிபேட் தளத்தில் தனது மனைவி புவனேஸ்வரியுடன் இறங்கினார்.

பின்னர் அங்கிருந்து குப்பம் தனியார் மருத்துவக்கல்லூரி விருந்தினர் மாளிகைக்கு சென்று அங்கிருந்து 10.30 மணிக்கு திருப்பதி கங்கையம்மன் கோயில் சென்று சுவாமி தரிசனம் செய்தார். தொடர்ந்து அங்கு நடைபெற்ற சிறப்பு பூஜைகளில் பங்கேற்றுவிட்டு 11.30 மணிக்கு கணேசபுரத்தில் இருந்து மீண்டும் ஹெலிகாப்டர் மூலமாக பெங்களூரு புறப்பட்டார். இன்று வாக்கு எண்ணிக்கை நடக்க உள்ள நிலையில் முதல்வர் சந்திரபாபு நாயுடு திருவிழாவில் பங்கேற்பாரா என்ற சந்தேகம் இருந்த நிலையில் அவர் தனது மனைவியுடன் பங்கேற்று சுவாமி தரிசனம் செய்தது குறிப்பிடத்தக்கது.

மேலும் செய்திகள்

Like Us on Facebook Dinkaran Daily News
  • 18-09-2019

    18-09-2019 இன்றைய சிறப்பு படங்கள்

  • guiness_sathana

    எவராலும் செய்யமுடியாத அசாத்திய சாதனைகள் ... வியக்க வைத்த சாதனையாளர்கள்..!

  • mexico_isai111

    இராணுவ அணிவகுப்பு, வாண வேடிக்கையுடன் கூடிய இசை, நடன நிகழ்ச்சிகள்!.. : மெக்ஸிக்கோவில் சுதந்திர தின விழா கோலாகல கொண்டாட்டம்

  • 17-09-2019

    17-09-2019 இன்றைய சிறப்பு படங்கள்

  • dragan_canadaa

    கனடாவில் டிராகன் திருவிழா : காற்றில் மிதந்து வருவது போன்ற மாயத்தோற்றத்தை ஏற்படுத்திய டிராகன்களின் உருவ பொம்மைகள்

படங்கள் வீடியோ கல்வி சினிமா ஜோ‌திட‌ம்