SUN குழுமத்திலிருந்து வெளிவரும் காலை நாளிதழ்

சென்னை விமான நிலையத்தில் 31 லட்சம் மதிப்பு தங்கம் பிடிபட்டது: 4 பேர் சிக்கினர்

5/22/2019 12:26:30 AM

சென்னை: இலங்கையில் இருந்து நேற்று அதிகாலை 2.45 மணிக்கு இன்டிகோ ஏர்லைன்ஸ் விமானம் சென்னை சர்வதேச விமான நிலையம் வந்தது. அதில் வந்த பயணிகளை விமான நிலைய சுங்க அதிகாரிகள் சோதனையிட்டனர். அப்போது ராமநாதபுரத்தை சேர்ந்த முகமது யாசர் அராபத் (25), ஜகீர் உசேன் (34) ஆகியோர் இலங்கைக்கு சுற்றுலா பயணியாக சென்று சென்னைக்கு திரும்பி வந்தனர். சந்தேகத்தின் பேரில் சுங்க அதிகாரிகள் அவர்களை சோதனை செய்தபோது, உள்ளாடைக்குள் 340 கிராம் தங்க கட்டிகள் மறைத்து வைத்திருந்தது தெரிந்தது. இதன் மொத்த மதிப்பு  11.1 லட்சம். அவற்றை பறிமுதல் செய்து, 2 பேரையும் கைது செய்தனர். இந்நிலையில், நேற்று அதிகாலை 4 மணிக்கு அபுதாபியில் இருந்து எட்டியார்டு ஏர்லைன்ஸ் விமானம் சென்னை விமான நிலையம் வந்தது. அதில், ஆந்திர மாநிலம் கடப்பாவை சேர்ந்த பாசா மொகிதீன் (35) என்பவர் சுற்றுலா பயணியாக அபுதாபி சென்று, சென்னைக்கு திரும்பி வந்தார்.

அவரிடம் இருந்த பழச்சாறு பிழியும்  புதிய மெஷினை சோதனை செய்தபோது, அதில் தங்கம் இருப்பது தெரிந்தது. இதன் எடை  175 கிராம். இதன் சர்வதேச மதிப்பு 5.42 லட்சம். அவரை கைது செய்து தங்கத்தை பறிமுதல் செய்தனர்.   
நேற்று காலை 7.45 மணிக்கு சார்ஜாவில் இருந்து ஏர் இந்தியா விமானம் சென்னைக்கு வந்தது.  அதில் ராமநாதபுரத்தை  சேர்ந்த சதக்கத்துல்லா (46) என்பவர் சார்ஜாவிற்கு சுற்றுலா பயணி விசாவில் சென்று திரும்பி வந்தார். அவரை சோதனை செய்தபோது, உள்ளாடைக்குள் 443 கிராம் தங்க கட்டிகள் மறைத்து வைத்திருந்தது தெரிந்தது. இதன் சர்வதேச மதிப்பு 14.5 லட்சம். அவரை கைது செய்து, தங்கத்தை மீட்டனர். 

மேலும் செய்திகள்

Like Us on Facebook Dinkaran Daily News
  • 24-08-2019

    24-08-2019 இன்றைய சிறப்பு படங்கள்

  • FloatingNuclearPlant23

    ரஷ்யாவில் உருவாக்கப்பட்டுள்ள உலகின் முதல் மிதக்கும் அணு ஆயுத ஆலை: தனது முதல் பயணத்தை தொடங்கியது..!

  • robo

    பெய்ஜிங்கில் நடைபெற்ற 2019 உலக ரோபோ மாநாடு: தொழிற்துறை, பயோனிக் ரோபோ மீன் உள்ளிட்டவை காட்சிக்கு வைப்பு

  • france_modi11112

    பிரதமர் மோடி பிரான்ஸ் நாட்டிற்கு பயணம் : பிரெஞ்சு அதிபர் இமானுவேல் மக்ரோனை சந்தித்து பேசினார்

  • cleb_11_kri

    கிருஷ்ண ஜெயந்தி : நாடு முழுவதும் கொண்டாட்டங்கள் களைகட்டின

படங்கள் வீடியோ கல்வி சினிமா ஜோ‌திட‌ம்