SUN குழுமத்திலிருந்து வெளிவரும் காலை நாளிதழ்

நேர்மையான வேட்பாளர்களுக்கு வாக்களித்து இடைத்தேர்தலில் பணநாயகத்திற்கு முற்றுப்புள்ளி வைக்க கோரிக்கை

5/19/2019 3:00:06 AM

திருப்பூர், மே19: வாக்களிக்க பணம் கொடுக்கும் நபர்களிடம் நம்பிக்கை, நாணயம், தூய நிர்வாகத்தை எதிர்பார்க்க முடியாது என கள் இயக்க ஒருங்கிணைப்பாளர் கவலை தெரிவித்துள்ளார். இது குறித்து கள் இயக்க ஒருங்கிணைப்பாளர் நல்லசாமி கூறியிருப்பதாவது: ஜனநாயக நாட்டில் அனைவரும் வாக்களிப்பது நம்முடைய கடமை. மக்கள் சேவை செய்பவர்கள் எதிர்பார்ப்புகள் இன்றி சொந்த பணத்தை மக்களுக்கு கொடுத்து உதவி செய்ய வேண்டும். ஏழை, எளியோர் முதல் பணக்காரர்கள் வரை கஷ்டப்பட்டு உழைத்து சம்பாதிக்கும் பணத்தை உள்ளாட்சி அமைப்புகளில் வரியாக செலுத்தும் தொகைகளை  எம்.பி., எம்.எல்.ஏ.க்களுக்கு தொகுதி வளர்ச்சி நிதியாக மத்திய, மாநில அரசுகள் வழங்குகிறது. இந்த நிதியில் லஞ்சம் வாங்காமல் நேர்மையாக தரமான பணிகளை செய்ய வேண்டும். பணத்தை வாங்கி கொண்டு ஓட்டளிப்பது அதிகரித்து விட்டது. எங்கள் வீட்டில் இவ்வளவு ஓட்டு என பேரம் பேசி பெற்றுக்கொண்டு ஓட்டளிக்கின்றனர்.


இது, ஜனநாயகத்துக்கு பேராபத்து. இன்று கால்களை பிடித்து, பணம் கொடுத்து, ஓட்டு வாங்குவோர், நாளை கழுத்தை நெரிப்பது உறுதி. அரசியல் கூட்டங்களுக்கு பணம், மது, கறிவிருந்து கொடுத்து வாகனங்களில் அழைத்து செல்கின்றனர். மொத்தத்தில், தேர்தலை எதிர்கொள்ள பணமே பிரதானம் என்றாகி விட்டது. பணத்தை வாங்கிக்கொண்டு ஓட்டளிப்பதும், ‘கிட்னி’யை விற்பதும் ஒன்றுதான். அரவக்குறிச்சி, சூலூர் ஆகிய சட்டசபை தொகுதிகளில் ஒரு ஓட்டுக்கு ரூ.2 ஆயிரம் முதல் ரூ.5 ஆயிரம் வரை விநியோகிப்பதாக கூறப்படுகிறது. பணம் கொடுத்து வெற்றி பெறும் நபர்களிடம் நேர்மையும், தூய நிர்வாகத்தை எதிர்பார்க்க முடியாது. வாக்காளர்களே பணம் கொடுக்காத நேர்மையான வேட்பாளர்களுக்கு வாக்களித்து பணநாயகத்திற்கு முற்றுப்புள்ளி வைக்க வேண்டும். இவ்வாறு அவர் கூறியுள்ளார்.

மேலும் செய்திகள்

Like Us on Facebook Dinkaran Daily News
  • nevadaarea11

    அமெரிக்காவில் ஏலியன் நடமாடும் மர்ம இடம் என்றழைக்கப்படும் ஏரியா-51ல் குவியும் ஆர்வலர்கள்!

  • 20-09-2019

    20-09-2019 இன்றைய சிறப்பு படங்கள்

  • motor_strike1

    புதிய மோட்டார் வாகன சட்டத்திற்கு எதிராக ஸ்டிரைக் : டெல்லியில் ஆட்டோ, வாடகை கார் இயங்கவில்லை; மக்கள் சிரமம்

  • jellifish_shapee1

    உருவத்தை மாற்றும் வினோத ஜெல்லி மீன் : பசிபிக் பெருங்கடலில் கண்டுபிடிப்பு

  • malar_palam11

    கர்நாடகாவின் குல்பர்கா நகரில் நடைபெற்ற பழம் மற்றும் மலர் கண்காட்சியின் கண்கவர் படங்கள்

படங்கள் வீடியோ கல்வி சினிமா ஜோ‌திட‌ம்