SUN குழுமத்திலிருந்து வெளிவரும் காலை நாளிதழ்

திண்டுக்கல்லில் பாலித்தீன் பயன்பாடு சுகாதாரத்துறை ரெய்டில் 50 கிலோ சிக்கியது

5/19/2019 2:17:59 AM

திண்டுக்கல், மே 19: தமிழகத்தில் கடந்த ஜன.1 முதல் பாலிதீன் பைகளை பயன்படுத்த தடை விதிக்கப்பட்டுள்ளது. இதை உற்பத்தி செய்யும் தொழிற்சாலைகளுக்கும் தடை விதிக்கப்பட்டுள்ளது. தற்போது தேர்தல் நடைமுறையால் மீண்டும் பாலிதீன் பயன்பாடு அதிகரிக்க துவங்கியுள்ளது. ஓட்டல்க, டீக்கடைகளில் மீண்டும் பாலிதீன் பைகளில் சாம்பார், குழம்பு, சட்னி, டீயை கட்டி தருகின்றனர். இதேபோல கறிக்கடை உட்பட பல இடங்களில் மீண்டும் பாலிதீன் பயன்பாடு அதிகரித்துள்ளது. தடை செய்யப்பட்ட தொழிற்சாலைகளும் மீண்டும் புத்துயிர் பெற துவங்கியுள்ளன. இதுகுறித்து பத்திரிக்கைகளில் செய்திகள் வெளியானது. இதையடுத்து சுகாதாரத்துறையினர் மீண்டும் அதிரடி சோதனையை துவங்கியுள்ளனர். திண்டுக்கல் வாணிவிலாஸ் மேடு, பழநிரோடு, தாடிக்கொம்புரோடு, பெரியகடை வீதி உட்பட பல இடங்களில் உள்ள ஓட்டல்கள், டீக்கடைகள், மளிகைகடைகளில் சுகாதாரத்துறை வட்டார மேற்பார்வையாளர் முகம்மது கமாலுதீன், சுகாதார ஆய்வாளர்கள் கணேசன், சண்முகவேல், அன்பரசு, வெற்றிவேல் ஆகியோர் சோதனை நடத்தினர். இதில் 50 கிலோ பாலிதீன் பைகள் பறிமுதல் செய்யப்பட்டன.

இதுகுறித்து சுகாதாரத்துறை அதிகாரிகள் கூறியதாவது, ‘பாலிதீன் பைகளில் சூடான பொருட்களை கட்டி கொடுப்பதால் வியாதிகள் ஏற்படுகிறது. பாலிதீனால் மண் வளம் பாதிக்கப்படுகிறது. கால்நடைகள் உண்பதால் குடல் இரப்பை நோய் ஏற்படுகிறது.இதற்காகவே பாலிதீன் பயன்பாடு தடை செய்யப்பட்டுள்ளது. தற்போது கடைகளில் முதல் முறையாக இருப்பதால் பறிமுதல் செய்துள்ளோம். இதேநிலை தொடர்ந்தால் கடுமையான நடவடிக்கை எடுத்து அபராதம் விதித்து, வழக்குபதிவு செய்வோம். பாலிதீன் உற்பத்தி செய்யும் தொழிற்சாலைகளை ரகசியமாக கண்காணித்து வருகிறோம். இரவு நேரங்களில செயல்பட்டால் கலெக்டரிடம் தெரிவித்து, அவற்றின் உரிமத்தை ரத்து செய்வதோடு, அந்த தொழிற்சாலைக்கும் சீல் வைப்பதற்கும், வழக்கு தொடர்வதற்கும் ஏற்பாடு செய்வோம். சட்டவிரோதமாக பாலிதீன் பயன்பாடுகள் இருந்தால் பொதுமக்கள் அந்த பகுதி சுகாதார ஆய்வாளர்களுக்கு தகவல் தரலாம். தகவல் தெரிவிப்பவர்களின் பெயர்கள் ரகசியமாக வைக்கப்படும்’ என்றனர்.

மேலும் செய்திகள்

Like Us on Facebook Dinkaran Daily News
  • bangla_train_crash11

    வங்கதேசத்தில் பாலம் இடிந்து விழுந்ததால் ரயில் கவிழ்ந்து விபத்து : 5 பேர் பலி, 100 பேர் காயம்

  • athibar_northkoreaa11

    14 ஆண்டுகளுக்கு பின் சீன அதிபர் ஜி ஜின்பிங் வடகொரியாவுக்கு மேற்கொண்ட பயணத்தின் காட்சித் தொகுப்பு

  • thaneer_laari_kudam11

    குடிநீர் பஞ்சம் எதிரொலி : 'குடம் இங்கே, தண்ணீர் எங்கே?’.. தமிழக அரசை கண்டித்து ஸ்டாலின் தலைமையில் திமுக ஆர்ப்பாட்டம்

  • kali_dogsa1

    கலிபோர்னியாவில் அழகற்ற நாய்களுக்கான போட்டி : 19 நாய்கள் பங்கேற்பு

  • firoilsuthigari11

    அமெரிக்காவில் எண்ணெய் சுத்திகரிப்பு ஆலையில் 2 நாட்களாக பற்றி எரிந்த தீ : மாபெரும் போராட்டத்திற்கு பின் அணைப்பு

படங்கள் வீடியோ கல்வி சினிமா ஜோ‌திட‌ம்