SUN குழுமத்திலிருந்து வெளிவரும் காலை நாளிதழ்

உசரத்துக்குடியிருப்பில் சாலையில் அறுந்து விழுந்த மின்கம்பியால் உயிர்பலி அபாயம்

5/15/2019 4:39:33 AM

சாத்தான்குளம், மே 15: உசரத்துக்குடியிருப்பில் இருந்து செட்டிவிளை செல்லும் சாலையோரம் மின்கம்பி அறுந்து விழுந்து  15 நாள்களாகியும் சீரமைக்காததால் உயிர் பலி அபாயம் நிலவுவதாக  கிராம மக்கள் புகார் தெரிவித்துள்ளனர். சாத்தான்குளம் ஒன்றியம் புத்தன்தருவை ஊராட்சிக்குட்பட்ட உசரத்துக்குடியிருப்பில் இருந்து செட்டிவிளை, படுக்கப்பத்து செல்லும் கிராம சாலை உள்ளது. இந்த வழியாக கிராம மக்கள்  பாதசாரியாக மற்றும் இரு சக்கரவாகனம், இதர வாகனங்களில் சென்று திரும்புகின்றனர்.  இந்நிலையில் உசரத்துக்குடியிருப்பில் இருந்து செட்டிவிளை செல்லும் சாலையோரம் ஒரு மின்கம்பத்தில் இருந்து மின்வயர் கம்பி அறுந்து விழுந்து 15 நாள்களாக கிடப்பில் கிடக்கிறது. இதனால் அப்பகுதியில் தோட்டம் உள்ளிட்ட சில பகுதிகளில் மின்தடை ஏற்பட்டுள்ளது.  இதுகுறித்து கிராம மக்கள் படுக்கப்பத்து மின்வாரிய அதிகாரிகளுக்கு தகவல் தெரிவித்தும் யாரும் அதனை பார்த்து சீரமைக்க முன்வரவில்லை என கிராம மக்கள் புகார் தெரிவித்துள்ளனர். மின்கம்பி அறுந்து விழுந்து சாலையோரத்தில் காணப்படுவதால் மேய்ச்சலுக்கு வரும் ஆடு, மாடு மற்றும் பாதசாரி, வாகனத்தில் வருபவர்கள் விபத்தில் சிக்கும் நிலை காணப்படுகிறது. இதனால் கிராம மக்கள் அச்சத்துடன் காணப்படுகின்றனர். எனவே  அதிகாரிகள் உடனடியாக சம்பவ இடத்தை பார்வையிட்டு அறுந்து விழுந்த மின்கம்பிகளை  சீரமைக்க நடவடிக்கை எடுக்க வேண்டும் என கிராம மக்கள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • motor_strike1

    புதிய மோட்டார் வாகன சட்டத்திற்கு எதிராக ஸ்டிரைக் : டெல்லியில் ஆட்டோ, வாடகை கார் இயங்கவில்லை; மக்கள் சிரமம்

  • jellifish_shapee1

    உருவத்தை மாற்றும் வினோத ஜெல்லி மீன் : பசிபிக் பெருங்கடலில் கண்டுபிடிப்பு

  • malar_palam11

    கர்நாடகாவின் குல்பர்கா நகரில் நடைபெற்ற பழம் மற்றும் மலர் கண்காட்சியின் கண்கவர் படங்கள்

  • banglore_fire11

    பெங்களூரு யூக்கோ வங்கியில் பயங்கர தீ விபத்து : வங்கிக்குள் இருந்தவர்கள், மாடியின் ஜன்னல் வழியாக கீழிறங்கி தப்பித்தனர்

  • 19-09-2019

    19-09-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்