SUN குழுமத்திலிருந்து வெளிவரும் காலை நாளிதழ்

எரிசாராயம் கடத்திச்சென்ற மினிவேன் கவிழ்ந்தது எஸ்பி விசாரணை

4/26/2019 5:45:53 AM


திருவண்ணாமலை, ஏப்.26: திருவண்ணாமலை அருகே எரிசாராயம் கடத்திச்சென்ற, மினிவேன் சாலையில் கவிழ்ந்து விபத்துக்குள்ளானது. தகவலறிந்த எஸ்பி சிபிசக்கரவர்த்தி சம்பவ இடத்திற்கு சென்று விசாரணை நடத்தினார்.திருவண்ணாமலை அடுத்த கெங்கம்பட்டு ஏரிக்கரை அருகே நேற்று, மினிவேன் ஒன்று லோடுடன் சென்றுகொண்டிருந்தது. அப்போது, திடீரென டயர் வெடித்ததில் டிரைவரின் கட்டுப்பாட்டை இழந்த வேன் சாலையில் கவிழ்ந்தது. இதில் வேனில் இருந்த பிளாஸ்டிக் கேன்கள் சாலையில் சிதறியது. இதனால் அதிர்ச்சியடைந்த டிரைவர் அங்கிருந்து தப்பியோடினார். அவ்வழியாக சென்ற பொதுமக்கள் வேன் அருகே சென்று பார்த போது கேன்களில் எரிசாராயம் இருப்பது தெரிந்தது. இதுகுறித்து உடனடியாக திருவண்ணாமலை தாலுகா போலீசார், கலால் போலீசாருக்கு தகவல் தெரிவித்தனர்.

அதன்பேரில், விரைந்து வந்த கலால் இன்ஸ்பெக்டர் லட்சுமி, தாலுகா இன்ஸ்பெக்டர் கோவிந்தசாமி விபத்துக்குள்ளான வாகனத்தை அப்புறப்படுத்தினர். மேலும், தகவலறிந்த எஸ்பி சிபிசக்கவர்த்தி சம்பவ இடத்திற்கு சென்று விசாரணை நடத்தினார்.விசாரணையில், மினிவேனில் சரக்கு மூட்டைகள் ஏற்றி வருவது போன்று, பிளாஸ்டிக் தார்பாய் போர்த்தி மறைத்து, 35 லிட்டர் கொள்ளளவு கொண்ட 50 கேன்களில் எரிசாராயம் கடத்திச்சென்றது தெரியவந்தது. இதையடுத்து, கேன்களில் இருந்த 1,750 லிட்டர் சாராயத்தை பறிமுதல் செய்தனர்.மேலும், வாகன பதிவெண்ணை கொண்டு ஆய்வு மேற்கொண்டதில், அதன் உரிமையாளர் ஒசூர் பகுதியை சேர்ந்த சீனிவாசன் என்பது தெரியவந்தது. அதன்பேரில், கலால் போலீசார் வழக்குப்பதிந்து விசாரணை நடத்தி வருகின்றனர்.




மேலும் செய்திகள்

Like Us on Facebook Dinkaran Daily News
  • 20-10-2019

    20-10-2019 இன்றைய சிறப்பு படங்கள்

  • 19-10-2019

    19-10-2019 இன்றைய சிறப்பு படங்கள்

  • boniaredlady

    தனது வாழ்க்கையை சிகப்பு வண்ணத்தில் நிரப்பிய மூதாட்டி: வீடு, ஆடை என அனைத்திலும் சிகப்பு வண்ணம்!

  • chisa

    தகவல் தொடர்பு தொழில்நுட்ப செயற்கைக்கோளை விண்ணில் வெற்றிகரமாக ஏவியது சீனா

  • karvachauth_2019

    கணவரின் நலனுக்காக மனைவி அனுசரிக்கும் கர்வா சவுத் விரதம் : நோன்பு இருந்து கணவனை சல்லடை வழியாக பார்க்கும் பெண்கள்

படங்கள் வீடியோ கல்வி சினிமா ஜோ‌திட‌ம்