SUN குழுமத்திலிருந்து வெளிவரும் காலை நாளிதழ்

ரங்கம் ரங்கநாதர் கோயிலில் சித்திரை தேர் திருவிழா கொடியேற்றத்துடன் துவக்கம்

4/26/2019 2:57:36 AM

திருச்சி, ஏப். 26: ரங்கம் ரங்கநாதர் கோயிலில் சித்திரை தேர்திருவிழா கொடியேற்றத்துடன் நேற்று துவங்கியது. மே 3ம் தேதி தேரோட்டம் நடைபெறுகிறது. பூலோக வைகுண்டம் என்றழைக்கப்படும் ஸ்ரீரங்கம் ரங்கநாதர் கோயிலில் ஆண்டுதோறும் நடைபெறும் விழாக்களில் சித்திரை மாதம் நடைபெறும் தேர் திருவிழா மிகவும் சிறப்பு வாய்ந்தது. இந்த விழாவில் தேரோட்டத்தில் திருச்சி, கரூர், பெரம்பலூர், அரியலூர், புதுக்கோட்டை போன்ற மாவட்டங்களில் இருந்து கிராமமக்கள் ஆயிரக்கணக்கான பக்தர்கள் பங்கேற்பர். இத்தகைய சிறப்புமிக்க சித்திரை திருவிழா கொடியேற்றத்துடன் நேற்று துவங்கியது. இதையொட்டி அதிகாலை 3.30 மணிக்கு நம்பெருமாள் மூலஸ்தானத்தில் இருந்து புறப்பட்டார். 3.45 மணிக்கு கொடி மரம் மண்டபத்தை அடைந்தார். காலை 4.30 மணிமுதல் 5.15 மணிக்குள் மீன லக்னத்தில் சித்திரை தேர்திருவிழாவின் கொடியினை அர்ச்சகர்கள் ஏற்றினர். 6 மணிக்கு கொடி மண்டபத்தில் இருந்து புறப்பட்ட நம்பெருமாள் 6.30 மணிக்கு கண்ணாடி அறையை அடைந்தார்.

மாலை 6.30 மணி வரை பேரிதாடனம் நடைபெற்றது.  மாலை 6.30 மணிக்கு உபயநாச்சியார்களுடன் நம்பெருமாள் புறப்பட்டார். சித்திரை வீதிகளில் வலம் வந்து பக்தர்களுக்கு சேவை சாதித்தார். இரவு 8.30 மணிக்கு சந்தன மண்டபத்தை அடைந்தார். இரவு 9 மணி முதல் நள்ளிரவு 1 மணிவரை யாகசாலையில் திருமஞ்சனம் கண்டருளினார். விழாவின் 4ம் திருநாளான 28ம் தேதி மாலை 6 மணிக்கு நம்பெருமாள் கருடவாகனத்தில் சேவையும், மே 1ம் தேதி நெல் அளவு நம்பெருமாள் கண்டருளுகின்றார். 9ம் திருநாளான மே 3ம் தேதி சித்திரை தேரோட்டம் காலை 6 மணிக்கு நடைபெறுகிறது.
 விழா ஏற்பாடுகளை கோயில் இணை ஆணையர் ஜெயராமன் மற்றும் கோயில் பணியாளர்கள் செய்து வருகின்றனர்.

மேலும் செய்திகள்

Like Us on Facebook Dinkaran Daily News
  • 21-08-2019

    21-08-2019 இன்றைய சிறப்பு படங்கள்

  • beijingroboshow

    பெய்ஜிங்கில் நடைபெற்ற உலக ரோபோ மாநாடு: மருத்துவத்துறை, தீயணைப்பு துறைக்கான புதிய ரோபோக்கள் அறிமுகம்

  • syriaairstrike

    சிரிய எல்லையில் அந்நாட்டு ராணுவம் நடத்தி வரும் வான்வழி தாக்குதல்...மூவர் பலி;அச்சத்தில் மக்கள்: காட்சித்தொகுப்பு!

  • boliviafire

    பொலிவியாவில் பரவிய காட்டுத்தீ: 4 லட்சம் ஹெக்டர் பரப்பளவு தீயில் கருகி நாசம்!

  • russiatomatofight

    ரஷ்யாவில் நடைபெற்ற தக்காளி சண்டை நிகழ்ச்சி: பலர் ஆர்வத்துடன் பங்கேற்பு

படங்கள் வீடியோ கல்வி சினிமா ஜோ‌திட‌ம்