SUN குழுமத்திலிருந்து வெளிவரும் காலை நாளிதழ்

மது குடிப்பதை தட்டிக்கேட்டதால் ஆத்திரம் தந்தையை சரமாரி கத்தியால் குத்திக்கொன்ற மகன் கைது: பாடியில் பயங்கரம்

4/24/2019 12:01:36 AM

அண்ணாநகர்: சென்னை பாடி கலைவாணர் நகர் பகுதியை சேர்ந்தவர் தமிழ்செல்வன் (60). இவருக்கு மனைவி மற்றும் சூரியபிரகாஷ் (26), குமரேசன் என்ற மகன்களும், பிரியா என்ற மகளும் உள்ளனர். தமிழ்செல்வன், தனது வீட்டின் அருகே பழக்கடை நடத்தி வந்தார். இவருக்கு உதவியாக அவரது குடும்பத்தினர் இருந்து வருகின்றனர்.சூரியபிரகாஷ் குடிப்பழக்கம் உடையவர். அடிக்கடி குடித்து விட்டு, பெற்றோருடன் தகராறு செய்து வந்தார். இந்நிலையில், நேற்று முன்தினம் இரவு, வீட்டில் அனைவரும் சாப்பிட்டுவிட்டு தூங்குவதற்கு தயாராகினர்.அப்போது, வெளியே சென்ற சூரியபிரகாஷ், மது அருந்தி விட்டு வீட்டுக்கு வந்தார். இதனால், ஆத்திரமடைந்த தமிழ்செல்வன், மகனை கண்டித்துள்ளார். இதனால், அவர்களுக்குள் வாக்குவாதம் ஏற்பட்டது.

ஆத்திரமடைந்த சூரியபிரகாஷ், சமையல் அறையில் இருந்த கத்தியை எடுத்து வந்து, தந்தையை சரமாரியாக குத்திவிட்டு அங்கிருந்து தப்பி ஓடினார். ரத்த வெள்ளத்தில் தமிழ்செல்வன் அலறி துடித்தார். குடும்பத்தினர் மற்றும் அக்கம் பக்கத்தினர் அவரை மீட்டு, அதே பகுதியில் உள்ள தனியார் மருத்துவமனையில் சேர்த்தனர். டாக்டர்கள் பரிசோதனையில், தமிழ்செல்வன் இறந்தது தெரிந்தது. தகவலறிந்து ஜெ.ஜெ.நகர் போலீசார் சம்பவ இடத்துக்கு வந்து உடலை கைப்பற்றி பிரேத பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பி வைத்தனர். இதனிடையே, கோயம்பேடு பஸ் நிலையத்தில் சுற்றித்திரிந்த சூரியபிரகாஷை போலீசார் கைது செய்து விசாரித்து வருகின்றனர்.

மேலும் செய்திகள்

Like Us on Facebook Dinkaran Daily News
  • 23-09-2019

    23-09-2019 இன்றைய சிறப்பு படங்கள்

  • 22-09-2019

    22-09-2019 இன்றைய சிறப்பு படங்கள்

  • 21-09-2019

    21-09-2019 இன்றைய சிறப்பு படங்கள்

  • aljemerss_nadai11

    உலக அல்ஜீமர்ஸ் தினம் : சேத்துப்பட்டு பசுமை பூங்காவில் மெமரி வாக் விழிப்புணர்வு நடைபயணம்

  • china20

    சீனாவின் நடைபெற்ற கருப்பொருள் ஒப்பனை தயாரிப்பு கண்காட்சி: அலங்காரப் பொருட்கள், பொம்மைகள் காட்சிக்கு வைப்பு

படங்கள் வீடியோ கல்வி சினிமா ஜோ‌திட‌ம்