SUN குழுமத்திலிருந்து வெளிவரும் காலை நாளிதழ்

குந்தவை நாச்சியார் அரசு பெண்கள் கல்லூரியில் சேர்க்கை விண்ணப்பம் வழங்க தாமதம் காத்து கிடந்த மாணவிகளின் பெற்றோர்

4/23/2019 4:59:46 AM

தஞ்சை, ஏப். 23: தஞ்சை குந்தவை நாச்சியார் அரசு பெண்கள் கல்லூரியில் நடப்பு கல்வியாண்டு சேர்க்கை விண்ணப்பம் வழங்க காலதாமதம் ஏற்பட்டது. இதனால் மாணவிகளின் பல மணி ேநரம் காத்து கிடந்தனர்.தஞ்சை குந்தவை நாச்சியார் அரசு பெண்கள் கல்லூரியில் உள்ளூர் மட்டுமின்றி அரியலூர், பெரம்பலூர், திருவாரூர் மாவட்டத்தை சேர்ந்த ஏராளமான மாணவிகள் படித்து வருகின்றனர். இந்நிலையில் நடப்பு கல்வியாண்டுக்கு மாணவிகள் சேர்க்கைக்கு விண்ணப்பம் நேற்று முதல் விநியோகம் செய்யப்படுவதாக அறிவிக்கப்பட்டது. இதையடுத்து நேற்று காலை முதல் மாணவிகள் தங்களது பெற்றோர்களுடன் விண்ணப்பம் வாங்க குவிந்தனர். ஆனால் நீண்ட நேரமாக விண்ணப்பம் வழங்கவில்லை. இதனால் விண்ணப்பம் விநியோகம் செய்யப்படுமா, விநியோகம் செய்யப்படாதா என்று குழப்பத்தில் மாணவிகள் தங்களது பெற்றோருடன் நின்றனர்.

அருகில் உள்ள மாவட்டங்களில் இருந்து பெற்றோர்களுடன் வந்த மாணவிகள், விண்ணப்பம் வழங்கவில்லை என்றால் தங்களது ஊருக்கு சென்று விட்டு மீண்டும் வர வேண்டுமென புலம்பி கொண்டிருந்தனர்.சில மாணவிகள் கொளுத்தும் வெயிலை கூட பொருட்படுத்தாமல் நீண்ட வரிசையில் நின்றனர். இதனால் விரக்தியடைந்த மாணவிகள் அவர்களது பெற்றோருடன் இணைந்து மறியல் போராட்டம் நடத்த முடிவு செய்தனர். இதனால் அங்கு பரபரப்பு ஏற்பட்டது. இதுகுறித்து தகவல் அறிந்ததும் கல்லூரி நிர்வாகம் விண்ணப்பம் வழங்கியது.


மேலும் செய்திகள்

Like Us on Facebook Dinkaran Daily News
  • 17-09-2019

    17-09-2019 இன்றைய சிறப்பு படங்கள்

  • dragan_canadaa

    கனடாவில் டிராகன் திருவிழா : காற்றில் மிதந்து வருவது போன்ற மாயத்தோற்றத்தை ஏற்படுத்திய டிராகன்களின் உருவ பொம்மைகள்

  • gurgaun_cameraa1

    குர்கானில் உலகின் மிகப்பெரிய கேமரா அருங்காட்சியகம் : வரலாற்றை கண்முன்னே கொண்டு வரும் 2000 பழங்கால கேமராக்கள்

  • apayin_kuppai11

    ஸ்பெயினில் வரலாறு காணாத கனமழை : வெள்ளத்தில் இழுத்துச் செல்லப்பட்ட கார்கள் குப்பை போல குவிந்துள்ள அவலம்

  • protest_dailymail111

    சீனாவின் இலையுதிர்கால திருவிழா :மலைகளில் ‘போராட்டம் சார்ந்த வாசகத்துடன்’ விளக்குகளை ஏற்றிய ஹாங்காங் போராட்டக்காரர்கள்

படங்கள் வீடியோ கல்வி சினிமா ஜோ‌திட‌ம்