SUN குழுமத்திலிருந்து வெளிவரும் காலை நாளிதழ்

குப்பை, கூளமாக மாறிய நரசய்யர் குளம்

4/23/2019 4:36:57 AM

தர்மபுரி, ஏப்.23: தர்மபுரி நகராட்சிக்கு சொந்தமான நரசய்யர் குளத்தில் குப்பை நிரம்பி வழிகிறது. இதை அகற்றி மழை நீரை சேமிக்கும் வகையில் தூர்வார வேண்டும் என பொதுமக்கள் வலியுறுத்தியுள்ளனர். தர்மபுரி கந்தசாமி வாத்தியார் தெருவில் நரசய்யர் குளம் உள்ளது. இந்த குளத்தை சுற்றிலும், சிலர் ஆக்கிரமித்து வீடுகளை கட்டி  கடந்த 20 ஆண்டுகளுக்கும் மேலாக வசித்து வருகின்றனர். தொடக்கத்தில் குடிசை வீடுகளாக இருந்தவை, நாளடைவில் அடுக்குமாடி வீடுகளாகவும், வணிக நிறுவனங்களாகவும் மாறின. இந்நிலையில், தர்மபுரி நகராட்சி சார்பில், சாலை விரிவாக்கம் மற்றும் கழிவுநீர் கால்வாய் அமைக்கும் பணிக்காக ஆக்கிரமிப்பு கட்டடங்களை இடிக்க நடவடிக்கை எடுக்கப்பட்டது.

இதன்படி, நரசய்யர் குளம் அருகே உள்ள ஆக்கிரமிப்புகளை அகற்றவும் முடிவு செய்யப்பட்டுள்ளது. ஆனால், இந்த குளம் தற்போது குப்பை, கூளமாக காணப்படுகிறது. இதுகுறித்து பொதுமக்கள் கூறுகையில், ‘அன்னசாகரம் ஏரியில் இருந்து மழை நீர், நரசய்யர் குளத்திற்கு வந்து நிரம்பும். கடந்த 30 ஆண்டுகளுக்கு முன்பு வரை, இந்த குளம் எப்போதும் தண்ணீர் நிரம்பி காணப்பட்டது. காலப்போக்கில் ஆக்கிரமிப்பால் குளம் இருக்கும் இடமே பலருக்கு தெரியாத நிலை ஏற்பட்டு விட்டது. தற்போது நகராட்சி நிர்வாகம், குளத்தினை ஒட்டிய கந்தசாமி தெருவில் ஆக்கிரமிப்புகளை அகற்றும் பணியில் ஈடுபட்டுள்ளனர். இதே போல், இந்த குளத்தையும் தூர்வாரி மழைநீர் சேமிப்பு தொட்டியாக மாற்ற நடவடிக்கை எடுக்க வேண்டும்,’ என்றனர்.

மேலும் செய்திகள்

Like Us on Facebook Dinkaran Daily News
  • 21-08-2019

    21-08-2019 இன்றைய சிறப்பு படங்கள்

  • beijingroboshow

    பெய்ஜிங்கில் நடைபெற்ற உலக ரோபோ மாநாடு: மருத்துவத்துறை, தீயணைப்பு துறைக்கான புதிய ரோபோக்கள் அறிமுகம்

  • syriaairstrike

    சிரிய எல்லையில் அந்நாட்டு ராணுவம் நடத்தி வரும் வான்வழி தாக்குதல்...மூவர் பலி;அச்சத்தில் மக்கள்: காட்சித்தொகுப்பு!

  • boliviafire

    பொலிவியாவில் பரவிய காட்டுத்தீ: 4 லட்சம் ஹெக்டர் பரப்பளவு தீயில் கருகி நாசம்!

  • russiatomatofight

    ரஷ்யாவில் நடைபெற்ற தக்காளி சண்டை நிகழ்ச்சி: பலர் ஆர்வத்துடன் பங்கேற்பு

படங்கள் வீடியோ கல்வி சினிமா ஜோ‌திட‌ம்