SUN குழுமத்திலிருந்து வெளிவரும் காலை நாளிதழ்

மே மாதம் ஜமாபந்தி நடைபெறாது ஜூன் முதல் வாரத்தில் தொடங்க திட்டம் தேர்தல் நடத்தை விதிமுறையால்

4/23/2019 2:58:13 AM

திருவண்ணாமலை, ஏப்.23: இந்த ஆண்டுக்கான ஜமாபந்தி, தேர்தல் நடத்தை விதிமுறைகள் காரணமாக ஜூன் முதல் வாரத்தில் நடத்த திட்டமிடப்பட்டுள்ளது.மக்களவைத் தேர்தல் வாக்குப்பதிவு கடந்த 18ம் தேதி நடந்தது. மே 23ம் தேதி வாக்கு எண்ணிக்கை நடைபெற உள்ளது. எனவே, வாக்கு எண்ணிக்கை முடிந்து, வரை தேர்தல் நடத்தை விதிமுறைகளை தேர்தல் ஆணையம் விலக்கிக்கொள்ளும் வரை, அரசு நிகழ்ச்சிகள், குறைகேட்பு கூட்டங்கள் நடத்த தடை செய்யப்பட்டன.இந்நிலையில், வருவாய் கணக்கு தணிக்கை எனப்படும் ஜமாபந்தி ஆண்டுதோறும் மே மாதத்தில் நடைபெறுவது வழக்கம். அப்போது, வருவாய் கணக்குகளை கிராம நிர்வாக அலுவலர்கள் தாக்கல் செய்து, தணிக்கைக்கு உட்படுத்துவதும், பொதுமக்களிடம் இருந்து கோரிக்கை மனுக்களை பெற்று உடனுக்குடன் தீர்வு காண்பதும் நடைபெறும். ஜமாபந்தியின் நிறைவாக அனைத்து தாலுகாக்களிலும் விவசாயிகள் மாநாடும் நடைபெறும்.தற்போது தேர்தல் நடத்தை விதிமுறைகள் மே இறுதிவரை வரை நடைமுறையில் உள்ளதால், இந்த ஆண்டு திட்டமிட்டபடி மே மாதம் ஜமாபந்தி நடத்த இயலாத நிலை ஏற்பட்டுள்ளது. எனவே, ஜூன் முதல் வாரத்தில் தொடங்கி, தொடர்ந்து 25 நாட்களுக்கு அனைத்து தாலுகாக்களிலும் ஜமாபந்தி நடத்த மாவட்ட நிர்வாகம் திட்டமிட்டுள்ளது.எனவே, நடப்பு பசலி ஆண்டுக்கான (வருவாய் ஆண்டு) கணக்கு பதிவேடுகளை பராமரித்து, ஜமாபந்திக்கு தங்களை தயார்படுத்திக்கொள்ளுமாறு கிராம நிர்வாக அலுவலர்கள் மற்றும் வருவாய் ஆய்வாளர்களுக்கு வருவாய்த்துறை சார்பில் உத்தரவிடப்பட்டுள்ளது.

மேலும் செய்திகள்

Like Us on Facebook Dinkaran Daily News
  • 20-07-2019

    20-07-2019 இன்றைய சிறப்பு படங்கள்

  • hotairballoonchina

    சீனாவில் நடைபெற்ற ராட்சத பலூன் போட்டி: சுமார் 100 பலூன்கள் ஒரே சமயத்தில் வானுயர பறந்த காட்சிகள்

  • CornwallJellyfishEncounter

    இங்கிலாந்தில் ஆளுயரத்திற்கு வளர்ந்துள்ள பிரம்மாண்டமான ஜெல்லி மீன்..: ஆச்சரியமூட்டும் புகைப்படங்கள்

  • newzealandexplosion

    எரிவாயு கசிவு காரணமாக நியூஸிலாந்தில் வீடு ஒன்று வெடித்து சிதறி தரைமட்டம்: 6 பேருக்கு படுகாயம்!

  • apollo

    புளோரிடாவில் மனிதன் நிலவில் கால்பதித்த 50-ம் ஆண்டு நிகழ்வு கொண்டாட்டம்: விண்வெளி வீரர்கள் சிலைகள் பார்வைக்கு வைப்பு

படங்கள் வீடியோ கல்வி சினிமா ஜோ‌திட‌ம்