SUN குழுமத்திலிருந்து வெளிவரும் காலை நாளிதழ்

நாகர்கோவிலில் வெறிச்சோடிய முக்கிய சாலைகள்

4/19/2019 5:09:28 AM

நாகர்கோவில், ஏப்.19: மக்களவை தேர்தலை முன்னிட்டு நாகர்கோவிலில் நேற்று 97 சதவீதம் கடைகள் மூடப்பட்டிருந்தன. ஒரு சில கடைகள் மட்டுமே திறந்திருந்தன. இதுபோல் டீக்கடைகள்,  வெற்றிலை பாக்கு கடைகளும் மூடப்பட்டிருந்தன. இதனால் பாலமோர் சாலை, கேபி சாலை, கேப் சாலை உள்பட பல முக்கிய சாலைகள் வெறிச்ேசாடி காணப்பட்டன.
* வழக்கத்தை விட பஸ் மற்றும் ஆட்டோக்கள் போக்குவரத்தும் வெகுவாக குறைந்து காணப்பட்டது.
* பூதப்பாண்டி, திருப்பதிசாரம், கிருஷ்ணன்கோயில் உள்பட பல கோயில்களில் தேரோட்டம் என்பதுடன் முகூர்த்த தினம் என்பதால், கிராமப்புறங்களிலும் காலையில் அதிகம் பேர் வாக்களிக்க வரவில்லை.
* புத்தளத்தில் காலை 8.45 மணி வரை வாக்குபதிவு இயந்திரங்கள் பழுதால் வேலை செய்யவில்லை. அதன்பின் வேறு இயந்திரங்கள் கொண்டு வரப்பட்டு வாக்குபதிவு தொடங்கியது.
* ஒழுகினசேரி ஆராட்டு ரோடு பகுதியில் சுமார் 100க்கும் மேற்பட்ட வாக்களார்கள் பெயர்கள் விடுபட்டிருந்தன. பலருக்கு பாகம் எண் மற்றும் வரிசை எண்கள் மாறி இருந்தன. இதனால் கடும் குழப்பம் ஏற்பட்டது.
* பூத் சிலிப் முறையாக விநியோகிக்கப்படவில்லை என்பதால், வாக்கு பதிவு மையங்களில் ஹெல்ப் டெஸ்கில் உள்ள பணியாளர்களிடம் அடையாள அட்டையை காண்பித்து, பூத் சிலிப் பெற கூட்டம் முண்டியடித்தது. இதனால் பல மையங்களில் பூத் சிலிப் மொத்தமாக அளித்து, தேடிப்பார்த்து எடுத்து செல்ல பணியாளர்கள் கூறினர். இதனால் குழப்பமான நிலை ஏற்பட்டது.
* காலை 9.45 மணியளவில் செட்டிக்குளம் சந்திப்பு கணபதி நகரில் பெரும் மோதல் நடப்பதாக பத்திரிகையாளர்கள் மற்றும் போலீசாருக்கு தகவல் வந்தது. ஆனால் பத்திரிகையாளர்கள் அங்கு சென்ற போது அது வதந்தி என்பது தெரிய வந்தது.

மேலும் செய்திகள்

Like Us on Facebook Dinkaran Daily News
  • 19-09-2019

    19-09-2019 இன்றைய சிறப்பு படங்கள்

  • china_shankaiii1

    பியானோ வாசிக்கும் ரோபோ, வெல்டிங் ரோபோ, பயோனிக் ரோபோ... வியக்க வைக்கும் கண்டுபிடிப்புகள் அடங்கிய சர்வதேச தொழில் கண்காட்சி

  • paris_taksi11

    போக்குவரத்து நெரிசலைக் குறைக்க பிரான்சில் ஃபிளையிங் டேக்ஸி எனும் பெயரில் நதியில் மிதவை வாகனம் வடிவமைப்பு

  • 18-09-2019

    18-09-2019 இன்றைய சிறப்பு படங்கள்

  • guiness_sathana

    எவராலும் செய்யமுடியாத அசாத்திய சாதனைகள் ... வியக்க வைத்த சாதனையாளர்கள்..!

படங்கள் வீடியோ கல்வி சினிமா ஜோ‌திட‌ம்