SUN குழுமத்திலிருந்து வெளிவரும் காலை நாளிதழ்

திருவள்ளூர் நாடாளுமன்ற தொகுதி வாக்குப்பதிவில் இரண்டு இயந்திரங்களால் புதிய வாக்காளர்கள் குழப்பம்

4/19/2019 4:58:44 AM

திருவள்ளூர், ஏப். 19: திருவள்ளூர் நாடாளுமன்ற தொகுதியில் ஒரு வாக்குச்சாவடிக்கு இரண்டு இயந்திரங்கள் பயன்படுத்தியதால் பெண்கள், முதியவர்கள், புதிய வாக்காளர்கள் குழப்பத்துடன் மாற்றி வாக்களித்தனர்.திருவள்ளூர் நாடாளுமன்ற தொகுதியில் காங்கிரஸ், அதிமுக, அமமுக உட்பட 20 பேர் போட்டியிடுகின்றனர். ஒரு மின்னணு இயந்திரத்தில் 16 வேட்பாளர்களின் பெயர்கள் மட்டுமே இடம்பெற முடியும். திருவள்ளூரில் 20 வேட்பாளர்கள் போட்டியிட்டதால் ஒவ்வொரு வாக்குச்சாவடியில் தலா இரண்டு மின்னணு இயந்திரங்கள் பயன்படுத்தப்பட்டன. நோட்டா பட்டனுடன் சேர்த்து மொத்தம் 21 பட்டன்கள் இயந்திரங்களில் அமைக்கப்பட்டிருந்தது.வாக்குச்சாவடிகளில் இரண்டு இயந்திரங்களும் ஒரே இடத்தில் அடுத்தடுத்து வைக்கப்பட்டிருந்தது. இயந்திரத்தில் உள்ள வேட்பாளர்களின் பெயர்கள் வரிசைப்படி இருப்பதை குறிக்கும் சுவரொட்டிகள் வாக்குச்சாவடி வாசலில் ஒட்டப்பட்டிருந்தது.இந்த சுவரொட்டிகள் மூலம் ஓட்டுப்போடும் வேட்பாளரது, பட்டனை கணக்கிட்டு ஓட்டுப்போட வாக்காளர்கள் வாக்குச்சாவடிக்குள் சென்றனர். வாக்குச் சாவடிகளில் ஏஜன்ட்கள், வாக்காளர் பட்டியலில் பெயரை சரிபார்க்கும் அலுவலர், சீட்டு வழங்குபவர், மை வைப்பவர், கையெழுத்து பெறுபவர் என அனைவரையும் கடந்த பிறகு தான் வாக்களிக்கும் இயந்திரத்தை வாக்காளர் அடையமுடியும்.
படித்த ஆண்கள், பெண்கள் பலர் தைரியமாக சென்று சரியான பட்டனை அமுக்கிவிட்டு மகிழ்ச்சியுடன் வெளியே வந்தனர். ஆனால், படிக்காத பெண்கள், முதியவர்கள், புதிய வாக்காளர்கள் வாக்குச்சாவடிகளில் ஏற்படுத்தப்படும் பரபரப்பு காரணமாக பதற்றத்துடன் இயந்திரத்தை அடைந்தனர்.

இயந்திரம் வைக்கப்பட்டிருக்கும் பகுதியின் உள்ளே நுழையும்போது, இரண்டாவதாக பயன்படுத்தப்படும் இயந்திரம் முதலில் இருக்கும். பதற்றத்தில் சென்ற பலர், இரண்டாவது இயந்திரத்தில் இருக்கும் பட்டன் எண்ணிக்கையை கணக்கிட்டு ட்டுபோட்டுவிடுகின்றனர். ஓட்டுப்போட்ட பிறகு தான் அய்யய்யோ! தவறாக அமுக்கி விட்டோமே என புலம்பிக் கொண்டே வெளியில் வருவதைக் காண முடிந்தது.இரண்டு இயந்திரங்களையும் ஒன்றின் கீழ் ஒன்றாக வைத்திருந்தால், பட்டனை எண்ணுவதற்கு வசதியாக இருந்திருக்கும். அருகருகே வைத்திருந்ததால் பதற்றத்தில் இரண்டாவது இயந்திரத்தி ஓடுப்போட்டுவிட்டோமே என பெண்கள் பலர் கவலையுடன் தெரிவித்தனர்.


மேலும் செய்திகள்

Like Us on Facebook Dinkaran Daily News
  • ilavarsar_pakisthn111

    பிரித்தானிய இளவரசர் வில்லியம் தனது மனைவியுடன் முதன்முறையாக பாகிஸ்தான் பயணம்

  • kavan_manavai11

    அமெரிக்காவில் மனைவியை சுமந்து ஓடும் போட்டி : சேறும் சகதியுமான குட்டை, மணல் மேடு உள்ளிட்ட பல தடைகளை கடந்து கணவன்மார்கள் ஓட்டம்

  • seuol_expooo1

    தென்கொரியாவில் சர்வதேச ஏரோஸ்பேஸ் கண்காட்சி : சாகசத்தில் ஈடுபட்ட ராணுவ விமானங்கள்

  • pumbkin_comp111

    அமெரிக்காவில் ராட்சத பூசணிக்காய்களுக்கான போட்டி : 987 கிலோ எடையுள்ள பூசணிக்காய் முதலிடத்தை பிடித்தது

  • bday_day11

    ஏவுகணை நாயகனின் 88வது பிறந்த தினம் இன்று!.. : கனவுகளை விதைத்த அப்துல் கலாமின் அறிய புகைப்படங்கள்

படங்கள் வீடியோ கல்வி சினிமா ஜோ‌திட‌ம்