SUN குழுமத்திலிருந்து வெளிவரும் காலை நாளிதழ்

வருமானவரி துறை சோதனை நடத்தி எதிர்க்கட்சியினரை அடக்குவது சர்வாதிகார போக்கு திமுக பொருளாளர் துரைமுருகன் பேட்டி

4/19/2019 1:55:26 AM

வேலூர், ஏப்.19: வருமானவரித்துறை சோதனை நடத்தி எதிர்க்கட்சியினரை அடக்குவது சர்வாதிகார போக்குக்கு முதல் காரணமாக அமையும் என்று காட்பாடியில் திமுக பொருளாளர் துரைமுருகன் கூறினார்.அரக்கோணம் மக்களவை தொகுதிக்கு உட்பட்ட காட்பாடி டான்போஸ்கோ மேல்நிலைப்பள்ளியில் திமுக பொருளாளர் துரைமுருகன், மனைவி சாந்தகுமாரியுடன் நேற்று காலை 9.30 மணியளவில் வாக்குப்பதிவு செய்தார். மேலும் அவரது மகனும் வேலூர் மக்களவை திமுக வேட்பாளருமான கதிர்ஆனந்த், அவரது மனைவி சங்கீதா ஆகியோரும் வாக்களித்தனர்.பின்னர், திமுக பொருளாளர் துரைமுருகன் நிருபர்களிடம் கூறியதாவது:தேர்தல் நேரத்தில் வருமான வரி ரெய்டு நடத்துவது அதிகார துஷ்பிரயோகம் என்பதை தவிர வேறு இருக்க முடியாது. நடுநிலையாக செயல்பட வேண்டிய சிபிஐ, வருமான வரித்துறையினரை பிரதமர் மற்றும் அவருக்கு கீழ் இருப்பவர்கள் இயக்கக்கூடாது. இதுவரை தேர்தல் காலங்களில் எதிர்க்கட்சியினர் மீது வருமான வரித்துறையை ஏவி அடக்குமுறையை கட்டவிழ்த்து விட்டது கிடையாது. இந்தியாவில் இதுதான் முதன்முறையாக நடந்துள்ளது.நிர்வாகம், நீதிமன்றம், சட்டமன்றம் ஆகிய 3ம் தனித்தனியாக இயங்க வேண்டும் என்பது இந்திய அரசியலமைப்பு சட்டத்தின் நோக்கம். தன்னிச்சையாக செயல்படும் சில நிர்வாகங்களையும் ஆளுங்கட்சி கையில் எடுத்துக்கொண்டு எதிர்க்கட்சியினரை அடக்குவது என்பது அது சர்வாதிகார போக்குக்கு முதல் காரணமாக அமைகிறது என்பது எனது கருத்து. இந்த போக்கு தவிர்க்கப்பட வேண்டும். தேர்தல் நடைபெறும்போது கூட ஒரு பக்கம் வாக்குப்பதிவும் மறுபக்கம் வருமான வரித்துறையும் போய் பார்ப்பது என்பது, இது ஜனநாயக நாடா? என்ற கேள்வியை எழுப்புகிறது. வேலூர் தேர்தல் ரத்து செய்யப்பட்ட விஷயத்தில் எல்லாமே முரண்பாடாகத்தான் இருக்கிறது. இதுதொடர்பாக எங்கு சொல்ல வேண்டுமோ? அங்கு சொல்வேன்.இவ்வாறு அவர் கூறினார்.

மேலும் செய்திகள்

Like Us on Facebook Dinkaran Daily News
  • 21-05-2019

    21-05-2019 இன்றைய சிறப்பு படங்கள்

  • russiabicycle

    ரஷ்யாவில் களைகட்டிய பிரம்மாண்ட சைக்கிள் திருவிழா: சுமார் 47,000 பேர் பங்கேற்பு

  • canadaplastic

    கனடாவில் பிளாஸ்டிக்கை ஒழிக்க விழிப்புணர்வு கண்காட்சி: கடலில் வீசப்பட்ட பொருட்களை வைத்து கடல்வாழ் உயிரினங்கள் வடிவமைப்பு

  • paradechina

    சீனாவில் ஆசிய கலாச்சார திருவிழா 2019: பல நாடுகளின் நாகரிகங்களை பறைசாற்றும் வகையில் அணிவகுப்பு

  • buddhapurnima

    புத்தர் அவதரித்த தினமான புத்த பூர்ணிமா பண்டிகை உலகமெங்கும் விமர்சையாக கொண்டாடப்பட்டது: புகைபடங்கள்

படங்கள் வீடியோ கல்வி சினிமா ஜோ‌திட‌ம்