SUN குழுமத்திலிருந்து வெளிவரும் காலை நாளிதழ்

இன்று பிளஸ்2 தேர்வு முடிவுகள் வெளியீடு

4/19/2019 1:44:26 AM

மதுரை, ஏப். 19: பிளஸ்2 பொதுத்தேர்வு முடிவுகள் பள்ளி கல்வித்துறை தேர்வுத்துறையால் இன்று வெளியிடப்படுகிறது.  தமிழகம் முழுவதும் பிளஸ்2 பொதுத்தேர்வு, கடந்த மார்ச் 1ம் தேதி துவங்கி மார்ச் 19ம் தேதி வரை நடந்தது. மதுரை வருவாய் மாவட்டத்தில் உள்ள மதுரை, உசிலம்பட்டி, மேலூர், திருமங்கலம் ஆகிய 4 கல்வி மாவட்டங்களில் ரெகுலர் மாணவர்கள் 35 ஆயிரத்து 74 பேரும், தனித்தேர்வர்கள் 101 பேரும் விண்ணப்பித்திருந்தனர். மொத்தம் 35 ஆயிரத்து 175 மாணவ, மாணவிகள் தேர்வு எழுதினர்.இதுதவிர, மாற்றுத்திறனாளிகள் 152 பேரும் தேர்வெழுதினர். இத்தேர்வை மாவட்டத்தில் உள்ள 513 பள்ளிகளைச் சேர்ந்த மாணவ, மாணவிகள் எழுதினர். இதற்காக 114 தேர்வு மையங்கள் அமைக்கப்பட்டிருந்தன.கடந்த ஆண்டு வரை 1200 மதிப்பெண்களுக்கு நடந்த தேர்வு, இவ்வாண்டு முதல் 600 மதிப்பெண்களாக குறைக்கப்பட்டது. அதனால், மொழிப்பாடங்கள் முதல்தாள், 2ம் தாள் என்று நடத்தப்படாமல், ஒரேதாள் தேர்வாக நடத்தப்பட்டது. தேர்வு பணிகளில் 114 முதன்மை கண்காணிப்பாளர்கள், 114 துறை அலுவலர்கள், 272 பறக்கும் படை உறுப்பினர்கள் ஈடுபடுத்தப்பட்டனர். விடைத்தாள் திருத்தும் பணி, மதிப்பெண் பட்டியல் தயாரிப்பு, மதிப்பெண் சான்றிதழ் அச்சடிக்கும் பணிகள் அனைத்தும் முடிவடைந்து விட்டன.
 இந்நிலையில் அரசு ஏற்கனவே அறிவித்திருந்தபடி பிளஸ்2 தேர்வு முடிவுகள் இன்று (19ம் தேதி) காலை 9.30 மணியளவில் பள்ளி கல்வித்துறை தேர்வுத்துறையால் வெளியிடப்படுகிறது. கடந்த ஆண்டு முதல் பிளஸ்2 தேர்வு முடிவுகள் ஆன்லைனில், குறு செய்தி மூலம் மட்டுமே வெளியிடப்படுகிறது. அதன்படியே இவ்வாண்டும், தேர்வு முடிவுகள் இணையதளம் வழியாக அனைத்து பள்ளிகளுக்கும் அனுப்பி வைக்கப்படுகிறது. மாணவர்கள் அளித்த செல்போன் எண்ணுக்கு ேதர்வு முடிவுகள் அனுப்பி வைக்கப்படும். மேலும் தேர்வு முடிவுகளை மாணவர்கள் www.tnresults.nic.in, www.dge.tn.nic.in மற்றும் www.dge.tn.gov.in போன்ற இணையதளத்திலும் காணலாம். பள்ளிகளுக்கும் ஆன்லைன் வழியாக மாணவர்களின் பாடம்வாரியாக பெற்ற மதிப்பெண்கள் விவரம் அனுப்பி வைக்கப்படுகிறது.

மேலும் செய்திகள்

Like Us on Facebook Dinkaran Daily News
  • virat_koh11

    உலககோப்பை தொடரில் பங்கேற்க விராட் கோலி தலைமையிலான இந்திய அணி இங்கிலாந்து பயணம்

  • libya_sandai11

    தொடரும் உக்கிரமான தாக்குதல்கள் : லிபியாவில் ஆயுதக் குழுவினர் , அரசுப் படைகளுடன் கடும் துப்பாக்கிச் சண்டை

  • thuppaki-12jk

    13 பேரை காவு வாங்கிய தூத்துக்குடி துப்பாக்கிச்சூடு : ஓராண்டு நினைவலைகளை ஏந்தும் தமிழகம்

  • hurricane_12

    அமெரிக்காவை கலங்கடித்த தொடர் சூறாவளித் தாக்குதல் : மழை,வெள்ளத்தால் மக்களின் இயல்பு வாழ்க்கை முடக்கம்

  • milkashake1111

    பிரிட்டனில் மில்ஷேக்கிங் போராட்டம் : வேட்பாளர்கள் மீது மில்ஷேக்குகளை வீசி எதிர்ப்பை தெரிவிக்கும் மக்கள்

படங்கள் வீடியோ கல்வி சினிமா ஜோ‌திட‌ம்