SUN குழுமத்திலிருந்து வெளிவரும் காலை நாளிதழ்

மதுராபுரி ஊராட்சி 3வது வார்டில் அடிப்படை வசதிகளை செய்துதராவிட்டால் பாராளுமன்ற தேர்தலை புறக்கணிப்போம் ஒன்றிய அலுவலரிடம் மனு

3/26/2019 5:53:05 AM

துறையூர், மார்ச் 26:  துறையூர் அருகே உள்ள மதுராபுரி ஊராட்சி 3வது வார்டில் அடிப்படை வசதிகளை செய்துதராவிட்டால் மக்களவை தேர்தலை புறக்கணிப்போம் என்று அப்பகுதி மக்கள் தெரிவித்துள்ளனர்.துறையூர் ஊராட்சி ஒன்றிய அலுவலகத்தில் நேற்று வட்டார வளர்ச்சி அலுவலர் சகுந்தலாவிடம் மதுராபுரி ஊராட்சி 3வது வார்டு பகுதி மக்கள் மனு அளித்தனர். அந்த மனுவில்: மதுராபுரி ரேஷன்கடை அருகே உள்ள காவிரி குடிநீர்குழாயில் பல மாதங்களாக தண்ணீர் வரவில்லை. இதனை சரி செய்து உடனடியாக குடிநீர் வழங்க வேண்டும். வீட்டு குடிநீர் இணைப்புகளில் குறைந்த அளவே தண்ணீர் வருகிறது. அதனை சரி செய்து சீரான முறையில் குடிநீர் வழங்க வேண்டும். புதிதாக கட்டப்பட்ட 10 ஆயிரம் லிட்டர் கொள்ளளவு கொண்ட மேல்நிலை நீர்தொக்க தொட்டி அமைத்து பல வருடங்கள் ஆகியும் மக்களின் பயன்பாட்டிற்கு கொண்டு வரவில்லை. இதில் அரசு பணம் விரையம் ஆகிறது. இதனால் மேல்நிலை நீர்தோக்க தொட்டியை மக்களின் பயன்பாட்டிற்கு கொண்டுவர வேண்டும்.

மதுராபுரி நூலகம் அருகே குப்பைகள் தேங்கி கிடப்பதால் சுகாதாரகேடு ஏற்படுகிறது. உடனடியாக குப்பை தொட்டி வைக்க வேண்டும். கதிரவன் பட்டறையிலிருந்து மதுராபுரி ரேஷன்கடைக்கு செல்லும் சாலை குண்டும் குழியுமாக உள்ளதால் சாலையை சீரமைத்து தர வேண்டும் என்பது உள்ளிட்ட கோரிக்கைகளை வலியுறுத்தியுள்ளனர். மேலும் தங்களின் கோரிக்கைகளை வருகிற பாராளுமன்ற தேர்தலுக்கு முன்பரிசீலனை செய்து நடவடிக்கை எடுக்காவிட்டால் தேர்தலை புறக்கணிப்பதாக கூறினர். மனுவை பெற்றுக்கொண்ட வட்டார வளர்ச்சி அலுவலர் சகுந்தலா இன்னும் ஓரிரு நாளில் புதிதாக போர்வெல்அமைத்து குடிநீர்வழங்க ஏற்பாடு செய்யப்படுவதாக கூறினார். அதையடுத்து பொதுமக்கள் அங்கிருந்து சென்று விட்டனர்.


தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • jetairweys_delli11

    வாழ்வாதாரத்தை காக்க வலியுறுத்தி, டெல்லி, மும்பையில்ஜெட்ஏர்வேஸ் ஊழியர்கள் போராட்டம்

  • nortkorean_adhibar1

    வடகொரிய அதிபர் ரஷியா பயணம் : வரலாற்றில் முதன்முறையாக ரஷ்ய அதிபர் விளாடிமிர் புதினை சந்திக்கிறார் கிம்ஜாங்

  • 25-04-2019

    25-04-2019 இன்றைய சிறப்பு படங்கள்

  • kedarnath

    கேதர்நாத் பகுதியில் யாத்திரை மேற்கொள்ள ஏற்பாடுகள் மும்மரம்: பனிபடர்ந்த பகுதிகளை அகற்றும் பேரழிவு நிவாரணப் படை

  • JadeMineMyanmar

    மியான்மரில் உள்ள மரகதக் கல் வெட்டி எடுக்கும் சுரங்க பகுதியில் பயங்கர நிலச்சரிவு...50க்கும் மேற்பட்டோர் பலி!

படங்கள் வீடியோ கல்வி சினிமா ஜோ‌திட‌ம்