SUN குழுமத்திலிருந்து வெளிவரும் காலை நாளிதழ்

100 சதவீதம் நேர்மையான வாக்குப்பதிவு வலியுறுத்தி பெற்றோர்களுக்கு கடிதம் எழுதிய 1000 மாணவர்கள்

3/22/2019 12:56:29 AM

பேராவூரணி, மார்ச் 22: நூறு சதவீத வாக்குப்பதிவு மற்றும் நேர்மையான முறையில் வாக்களிக்க வலியுறுத்தி பேராவூரணியில் உள்ள ஒரு தனியார் மேல்நிலைப்பள்ளி மாணவ, மாணவிகள் 1000 பேர், தங்களது பெற்றோர்களுக்கு அஞ்சல் அட்டையில் கடிதம் எழுதி அனுப்பினர். தேர்தல் ஆணையம் 100 சதவீத வாக்குப்பதிவை வாக்காளர்கள் நேர்மையான முறையில் வாக்களிக்க வலியுறுத்தி பல்வேறு விழிப்புணர்வு நிகழ்ச்சிகளை நடத்தி வருகிறது. இந்நிலையில் பேராவூரணியில் உள்ள ஒரு தனியார் பள்ளி மாணவர்கள், தேர்தல் ஆணையத்தின் நடவடிக்கைகளுக்கு ஆதரவாக வித்தியாசமான முறையில் விழிப்புணர்வு ஏற்படுத்த முடிவு செய்து பெற்றோர்களுக்கு விழிப்புணர்வு கடிதம் எழுத முடிவு செய்தனர்.

அதன்படி அஞ்சல் அட்டையில் பெற்றோர்களுக்கு கடிதம் எழுதும் நிகழ்ச்சி, பள்ளி விழா அரங்கில் நடந்தது. பேராவூரணி தாசில்தார் ஜெயலட்சுமி தலைமை வகித்தார். பள்ளி தாளாளர் முன்னிலை வகித்தார். இதில் 1,000 மாணவ மாணவிகள் பெற்றோர்களுக்கு அஞ்சல் அட்டையில் கடிதம் எழுதி தபால் நிலையத்தில் சேர்த்தனர். தேர்தல் பிரிவு துணை தாசில்தார் யுவராஜ், மண்டல துணை தாசில்தார் சுந்தரமூர்த்தி, வருவாய் ஆய்வாளர்கள் சுப்பிரமணியன், அஷ்ரப் அலி, நகர வர்த்தக கழக பொருளாளர் ஜகுபர்அலி, ஆசிரியர்கள் விஜய், மூர்த்தி, நந்தினி மற்றும் ஆசிரியர்கள், மாணவர்கள் பங்கேற்றனர். முன்னதாக மாணவ, மாணவிகள் தேர்தல் விழிப்புணர்வு உறுதிமொழி ஏற்றனர்.

மேலும் செய்திகள்

Like Us on Facebook Dinkaran Daily News
  • modi1

    ஜி-20 உச்சி மாநாட்டில் பங்கேற்ற பிரதமர் மோடி ஜப்பான் பிரதமர் ஷின்சோ அபே உடன் சந்திப்பு

  • dr

    மியான்மரில் போதைப்பொருள் தடுப்பு தினத்தை முன்னிட்டு 747 கோடி மதிப்பிலான போதை பொருள்கள் தீ வைத்து அழிப்பு

  • hongkong

    சீனாவுக்கு நாடுகடத்தி விசாரிக்கும் மசோதாவை எதிர்த்து ஹாங்காங்கில் 1000க்கும் மேற்பட்டோர் போராட்டம்

  • jappan

    ஜப்பானில் நெற்பயிரில் உள்ள பூச்சிகளை அழிப்பதற்காக புதிய ரோபோ கண்டுபிடிப்பு

  • fire

    அமெரிக்காவின் புளோரிடா மாகாணத்தின் வனப்பகுதியில் மூன்று நாட்களாக காட்டுத் தீ

படங்கள் வீடியோ கல்வி சினிமா ஜோ‌திட‌ம்