SUN குழுமத்திலிருந்து வெளிவரும் காலை நாளிதழ்

நாகை அருகே காரில் கடத்தி வரப்பட்ட ரூ.1.50 லட்சம் மது பறிமுதல் தப்பி ஓடிய டிரைவருக்கு வலை

3/21/2019 12:49:53 AM

காரைக்கால், மார்ச் 21: நாகை அருகே காரில் கடத்தி வரப்பட்ட ரூ.1.50 லட்சம் மதிப்புள்ள மது பாட்டில்கள் பறிமுதல் செய்யப்பட்டது. காரைக்கால் பிராவிடன் ஆறு அருகே டி.ஆர்.பட்டினம் காவல் நிலைய எஸ்ஐ பெருமாள் மற்றும் போலீசார் நேற்று அதிகாலை வாகன தணிக்கையில் ஈடுபட்டிருந்தனர். அப்போது காரைக்காலில் இருந்து நாகை நோக்கி ஒரு கார் வந்தது. போலீசார் அந்த காரை தடுத்தனர். ஆனால் கார் நிற்காமல் வேகமாக சென்றது. போலீசாரிடம் டூவீலர்கள் மட்டுமே இருந்ததால், அந்த காரை விரட்டிச்செல்ல முடியவில்லை.இதனால் நாகை அருகே மேலவாஞ்சூரில் உள்ள சோதனை சாவடிக்கு தகவல் தெரிவித்தனர். இதையடுத்து காரை பிடிக்க பேரிகார்டுகளை நடுரோட்டில் வைத்து சாலையை மறித்து சோதனை சாவடியில் போலீசார் காத்திருந்தனர். இந்த தகவல் எப்படியே காரை ஓட்டி வந்த டிரைவருக்கு தெரிந்து விட்டது. இதனால் சோதனை சாவடிக்கு ஒன்றரை கிமீ தூரத்துக்கு முன்பே காரை நிறுத்தி விட்டு, டிரைவர் தப்பி ஓடி விட்டார்.இதுபற்றி அறிந்ததும் போலீசார் சென்று, காரை திறந்து சோதனையிட்டனர். இதில் காரின் பின் சீட் மற்றும் டிக்கியில் பெட்டி பெட்டியாக புதுச்சேரி மதுபாட்டில்கள் இருந்தது. ரூ.1.50 லட்சம் மதிப்புடைய மதுபாட்டில்களை போலீசார் பறிமுதல் செய்தனர். மேலும் ரூ.2.50 லட்சம் மதிப்புடைய காரும் பறிமுதல் செய்யப்பட்டது. தப்பி ஓடிய கார் டிரைவரை போலீசார் தேடி வருகின்றனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • iyesumakal11

    இயேசு கிறிஸ்துவின் சிலுவைப் பாடுகளை நினைவுகூரும் புனிதவெள்ளி இன்று அனுசரிப்பு

  • 19-04-2019

    19-04-2019 இன்றைய சிறப்பு படங்கள்

  • 18-04-2019

    18-04-2019 இன்றைய சிறப்பு படங்கள்

  • chinaautoshow

    சீனாவில் நடைபெற்ற ஆட்டோ ஷோ 2019: BMW, Mercedes-Benz நிறுவனங்களின் புதிய கார்கள் அறிமுகம்

  • thirunangai

    கூத்தாண்டவர் கோவில் சித்திரை திருவிழா...சுவாமி திருக்கண் திறக்கும் நிகழ்ச்சியில் தாலி கட்டிக்கொண்ட திருநங்கைகள்

படங்கள் வீடியோ கல்வி சினிமா ஜோ‌திட‌ம்