SUN குழுமத்திலிருந்து வெளிவரும் காலை நாளிதழ்

மேட்டுப்பாளையம் மைதானம் மாரியம்மன் கோயிலில் குண்டம் திருவிழா

3/20/2019 4:10:53 AM

மேட்டுப்பாளையம், மார்ச் 20: மேட்டுப்பாளையம் மைதானம் மாரியம்மன் கோயிலில் 91ம் ஆண்டு குண்டம் திருவிழா நேற்று நடந்தது.  
 மேட்டுப்பாளையம் காந்தி மைதானம் பகுதியில் 90 ஆண்டு பழமைவாய்ந்த மைதானம்  மாரியம்மன் கோயில் உள்ளது இங்கு 91ம் ஆண்டு  குண்டம் திருவிழா கடந்த ஐந்தாம் தேதி பூச்சாட்டுதலுடன் தொடங்கியது. விழாவின் முக்கிய நாளான குண்டம் இறங்கும் நிகழ்ச்சி நேற்று நடந்தது.  காலை 8.00 மணிக்கு பவானி ஆற்றங்கரையில் இருந்து நாதஸ்வர மேளதாளங்கள் வாண வேடிக்கைகள் முழங்க அம்மன் அழைப்பு நிகழ்ச்சி நடந்தது. ஏராளமான பக்தர்கள் அலகு குத்தியும், கரகம் எடுத்தும்  ஆடிப் பாடி வந்தனர். காலை 10 மணிக்கு கோயில் தலைமை பூசாரி மோகன் குமார்  மாரியம்மனுக்கு சிறப்பு பூஜைகள் செய்து கையில் சூலாயுதம் எடுத்து குண்டம் இறங்கும் பகுதிக்கு அழைத்து வரப்பட்டார்.

பின்னர் குண்டத்தை வலம் வந்து  குண்டத்தில் மல்லிகை பூச்செண்டு, எலுமிச்சம் பழம் ஆகியவற்றை வீசி எறிந்தார். பக்தர்கள் ‘அம்மா தாயே மாரியம்மா’ என முழங்க தலைமை பூசாரி, முதலில் குண்டம் இறங்கினார். தொடர்ந்து உதவி பூசாரிகள், பக்தர்கள் கரகம் எடுத்தும் கோலக்கூடை  எடுத்தும் குண்டம் இறங்கினர். நீண்ட வரிசையில் நின்று ஆண்களும் பெண்களும் குண்டம் இறங்கினர். விழா ஏற்பாடுகளை தக்கார் மணிகண்டன் செயல் அலுவலர்  பெரிய மருது பாண்டியன், விழா  குழுவினர் கே.வெள்ளிங்கிரி, என்.பாலன், பூசாரிகள் சிறப்பாக செய்திருந்தனர். இன்று மாலை தேரோட்டம் நடக்கிறது. மேட்டுப்பாளையம் போலீஸ் இன்ஸ்பெக்டர் சென்னகேசவன் தலைமையில்  போலீசார் மற்றும் ஊர்க்காவல் படையினர் பாதுகாப்பு பணியில் ஈடுபட்டுள்ளனர்.


மேலும் செய்திகள்

Like Us on Facebook Dinkaran Daily News
  • modi1

    ஜி-20 உச்சி மாநாட்டில் பங்கேற்ற பிரதமர் மோடி ஜப்பான் பிரதமர் ஷின்சோ அபே உடன் சந்திப்பு

  • dr

    மியான்மரில் போதைப்பொருள் தடுப்பு தினத்தை முன்னிட்டு 747 கோடி மதிப்பிலான போதை பொருள்கள் தீ வைத்து அழிப்பு

  • hongkong

    சீனாவுக்கு நாடுகடத்தி விசாரிக்கும் மசோதாவை எதிர்த்து ஹாங்காங்கில் 1000க்கும் மேற்பட்டோர் போராட்டம்

  • jappan

    ஜப்பானில் நெற்பயிரில் உள்ள பூச்சிகளை அழிப்பதற்காக புதிய ரோபோ கண்டுபிடிப்பு

  • fire

    அமெரிக்காவின் புளோரிடா மாகாணத்தின் வனப்பகுதியில் மூன்று நாட்களாக காட்டுத் தீ

படங்கள் வீடியோ கல்வி சினிமா ஜோ‌திட‌ம்