SUN குழுமத்திலிருந்து வெளிவரும் காலை நாளிதழ்

தமிழகம் முழுவதும் தேர்தல் பாதுகாப்பு ஏற்பாடு குறித்து அதிகாரிகளுடன் டிஜிபி ஆலோசனை

3/19/2019 12:35:41 AM

சென்னை: நாடாளுமன்ற தேர்தலை முன்னிட்டு, தமிழகம் முழுவதும் பாதுகாப்பு ஏற்பாடுகள் குறித்து அனைத்து மாவட்ட கண்காணிப்பாளர்கள் மற்றும் காவல் துறை உயர் அதிகாரிகளுடன் டிஜிபி டி.கே.ராஜேந்திரன் நேற்று ஆலோசனை நடத்தினார். தமிழகத்தில் நாடாளுமன்ற தேர்தல் வரும் ஏப்ரல் 18ம் தேதி நடக்கிறது. இதையடுத்து தேர்தல் ஆணைய உத்தரவுப்படி மாவட்ட வாரியாக பறக்கும் படைகள் மற்றும் கட்டுப்பாட்டு அறைகள் அமைத்து போலீசார் பாதுகாப்பு பணியில் ஈடுபட்டுள்ளனர். தமிழகம் முழுவதும் பதற்றம் மற்றும் மிக பதற்றமான வாக்குச்சாவடிகளை கணக்கெடுத்து தேர்தல் ஆணையம் அறிவித்துள்ளது. பதற்றமான வாக்குச்சாவடிகள் அமைந்துள்ள பகுதியில் துணை ராணுவ படையினருடன் மாவட்ட வாரியாக கொடி அணிவகுப்பில் போலீசார் ஈடுபட்டு வருகின்றனர்.

இந்நிலையில், தமிழக காவல்துறை இயக்குநர் அலுவலகத்தில் டிஜிபிக்கள், கூடுதல் டிஜிபிக்கள், கமிஷனர்கள், ஐஜிக்கள், டிஐஜிக்கள் மற்றும் அனைத்து மாவட்ட கண்காணிப்பாளர்களுடன் டிஜிபி டி.கே.ராஜேந்திரன் நேற்று முக்கிய ஆலோசனை நடத்தினார். அப்போது, மாநிலம் முழுவதும் வாக்குச்சாவடிகளுக்கு பாதுகாப்பு மற்றும் வாக்குப்பதிவு இயந்திரங்களுக்கு பாதுகாப்பு அளிப்பது, அரசியல் கட்சிகள் கொடுக்கும் தேர்தல் புகார்களை பெறுவது மற்றும் புகாரின் கீழ் நடவடிக்கை எடுப்பது எப்படி, வாக்காளர்களுக்கு பணம் பட்டுவாடா செய்வதை தடுப்பது எப்படி என்பது குறித்து ஆலோசனை நடத்தப்பட்டது.

இரவு 10 மணிக்கு மேல் பிரசாரம் செய்யும் அரசியல் கட்சியினர் மீது வழக்கு பதிவு செய்வது உள்ளிட்ட முக்கிய முடிவுகள் எடுக்கப்பட்டன. மேலும், மாவட்ட வாரியாக தேர்தல் புகார்கள் குறித்து அனைத்து மாவட்ட கட்டுப்பாட்டு அறையில் இருந்து டிஜிபி அலுவலகத்தில் அமைக்கப்பட்டுள்ள கட்டுப்பாட்டு அறைக்கு உடனுக்குடன் தகவல் தெரிவிக்க வேண்டும் என்றும் கூட்டத்தில் உத்தரவிடப்பட்டதாகவும், 2 மணி நேரத்திற்கு மேல் நடந்த கூட்டத்தில் பாதுகாப்பு தொடர்பாக பல முக்கிய நடவடிக்கைகள் எடுக்கப்பட்டதாகவும் உயர் அதிகாரிகள் தெரிவித்தனர்.

மேலும் செய்திகள்

Like Us on Facebook Dinkaran Daily News
  • china23

    சீனாவின் வுலியன் அருங்காட்சியத்தில் நடைபெற்ற கலாச்சார நினைவுச் சின்னங்களின் கண்காட்சி: புகைப்படங்கள்

  • 23-08-2019

    23-08-2019 இன்றைய சிறப்பு படங்கள்

  • mamtateashop

    மேற்குவங்க கிராமத்தின் டீ கடையில் முதல்வர் மம்தா பானர்ஜி: தேநீர் தயாரித்து மக்களுக்கு வழங்கிய காட்சிகள்!

  • chidambaramprotest

    ப.சிதம்பரம் கைது செய்யப்பட்டதை கண்டித்து சென்னையில் பேரணி நடத்த முயன்ற காங்கிரஸ் தொண்டர்கள் கைது!

  • delhiprotest22

    காஷ்மீரில் சிறை வைக்கப்பட்டுள்ள தலைவர்களை விடுவிக்கக்கோரி டெல்லியில் திமுக உள்ளிட்ட 14 கட்சிகள் ஆர்ப்பாட்டம்: புகைப்படங்கள்

படங்கள் வீடியோ கல்வி சினிமா ஜோ‌திட‌ம்