SUN குழுமத்திலிருந்து வெளிவரும் காலை நாளிதழ்

திருவல்லிக்கேணி - சேப்பாக்கம் தொகுதியில் துணை ராணுவம் கொடி அணிவகுப்பு

3/19/2019 12:35:22 AM

சென்னை: தமிழகத்தில் வரும் ஏப்ரல் 18ம் தேதி நாடாளுமன்ற தேர்தல் நடைபெற உள்ளது. இதற்கான ஏற்பாடுகளை தேர்தல் ஆணையம் செய்து வருகிறது. சென்னை மாநகராட்சி எல்லைக்கு உட்பட்ட பகுதியில் மத்திய சென்னை, தென் சென்னை, வடசென்னை என மூன்று நாடாளுமன்ற தொகுதிகள் வருகிறது. இதில் 170க்கும் மேற்பட்ட வாக்குச்சாவடிகள் பதற்றம் மற்றும் மிகவும் பதற்றமானவையாக கண்டறியப்பட்டுள்ளது. இதையடுத்து, பதற்றமான வாக்குச்சாவடிகள் அமைந்துள்ள பகுதிகளில் தேர்தல் ஆணைய உத்தரவுப்படி துணை ராணுவ படையினர் கொடி அணிவகுப்பு நடத்தி வருகின்றனர். அந்த வகையில், வாக்களிக்கும் பொதுமக்களுக்கு பாதுகாப்பை உறுதி செய்யும் வகையில் திருவல்லிக்கேணி-சேப்பாக்கம் சட்டமன்ற தொகுதிக்கு உட்பட்ட பகுதியில் திருவல்லிக்கேணி காவல் நிலையம் அருகே, துப்பாக்கி ஏந்திய துணை ராணுவ படையை சேர்ந்த 60 பேர் மற்றும் திருவல்லிக்கேணி காவல் நிலையத்தை சேர்ந்த 3 இன்ஸ்ெபக்டர்கள் மற்றும் 20 காவலர்கள் இந்த கொடி அணிவகுப்பில் கலந்து கொண்டனர்.

நேற்று பகல் 11.15 மணிக்கு துணை ராணுவத்தினரின் கொடி அணிவகுப்பை காவல் நிலையம் அருகே திருவல்லிக்கேணி துணை கமிஷனர் சுகுணா சிங் தொடங்கி வைத்தார். இந்த அணி வகுப்பு திருவல்லிக்கேணி நெடுஞ்சாலை வழியாக பாரதி சாலை, எல்லீஸ் சாலை வழியாக ெசன்று வாலாஜா சாலை சந்திப்பு வரை நடந்தது. இதேபோல், சென்னை முழுவதும் பதற்றமான வாக்குச்சாவடிகள் அமைந்துள்ள பகுதியில் பொதுமக்கள் பாதுகாப்புக்காக துணை ராணுவப்படையினர் கொடி அணிவகுப்பு நடத்தி வருகின்றனர்.

மேலும் செய்திகள்

Like Us on Facebook Dinkaran Daily News
  • CivilAviationJetAirways

    மத்திய விமானப் போக்குவரத்துத் துறை அமைச்சகம் முன்பு ஜெட் ஏர்வேஸ் நிறுவன ஊழியர்கள் போராட்டம்: புகைப்படங்கள்

  • RajivAnniversary28

    முன்னாள் பிரதமர் ராஜீவ் காந்தியின் 28ம் ஆண்டு நினைவு தினம்...மலர் தூவி அஞ்சலி செலுத்திய அரசியல் தலைவர்கள்!

  • ICRA2019

    கனடாவில் ரோபோக்கள் மற்றும் தானியங்கிகளுக்கான சர்வதேச கருத்தரங்கம் மற்றும் கண்காட்சி: புகைப்படங்கள்

  • ChongqingCycleRace

    சீனாவில் நடைபெற்ற குழந்தைகளுக்கான சைக்கிள் போட்டி: பார்வையாளர்களை வெகுவாக கவர்ந்தது

  • BrazilBarMassacre

    பிரேசில் மதுபான விடுதியில் மர்ம நபர்கள் துப்பாக்கிச்சூடு..: 6 பெண்கள் உள்பட 11 பேர் பலியான பரிதாபம்!

படங்கள் வீடியோ கல்வி சினிமா ஜோ‌திட‌ம்