SUN குழுமத்திலிருந்து வெளிவரும் காலை நாளிதழ்

பணம் கேட்டு மிரட்டுவதாக பொள்ளாச்சி இன்ஸ்பெக்டர் மீது கலெக்டரிடம் புகார்

3/14/2019 2:22:43 AM

கோவை, மார்ச்.14: கேரளா கொழிஞ்சாம்பாறை கரிமண்ணு பகுதியை சேர்ந்தவர் பிரவீன் ஆண்டனி(29). சரக்கு வேன் சொந்தமாக வைத்து தொழில் செய்து வருகிறார். இவர் நேற்று கோவை மாவட்ட கலெக்டர் அலுவலகத்தில் புகார் மனு அளித்தார்.  அந்த மனுவில் கூறியிருப்பதாவது: ‘பொலைரோ பிக் அப்’ என்ற சரக்கு வேனை கடந்த வருடம் செப்டம்பர் மாதம் வாடகை தொழிலுக்காக வாங்கினேன். இந்த நிலையில் கடந்த டிசம்பர் 29ம் தேதி பொள்ளாச்சி கிழக்கு காவல் நிலையத்தில் எம்.செல்வராஜ் என்பவர் கொடுத்த புகாரின் பேரில், என்னையும், எனது உறவினர் தங்கராஜையும், ஜனவரி 6ம் தேதி காவல் நிலையத்திற்கு வருமாறு போலீசார் அழைத்தனர். தங்கராஜும், நானும் அங்கு சென்ற போது இன்ஸ்பெக்டர் நடேசன் என்னை கன்னத்தில் மாறி, மாறி அறைந்தார். பின்னர் சரக்கு வேனை அபகரித்து கொண்டு பொள்ளாச்சி கிழக்கு காவல்நிலையத்தில் வைத்துள்ளனர்.

 இது குறித்து கேட்டபோது, செல்வராஜூக்கு ரூ.12 லட்சத்தை கொடுத்துவிட்டு வண்டியை எடுத்து செல் என்று இன்ஸ்பெக்டர் நடேசன் கூறுகிறார். செல்வராஜ் எனக்கு தொழில் நிமித்தமாக தெரிந்தவர்தான். ஆனால் அவரிடம் எந்த கொடுக்கல், வாங்கலும் இல்லை. இந்த செயல் சட்டத்திற்கு முரணானது. செல்வராஜ் சட்டமன்ற துணைசபாநாயகர் பொள்ளாச்சி ஜெயராமனின் உறவினர் ஆவார். துணைசபாநாயகர் சொன்னதின் பேரிலேயே அவர்கள் வண்டியை பிடுங்கி வைத்து கொண்டு, பணம் கேட்டு மிரட்டுகின்றனர். எனவே இன்ஸ்பெக்டர் நடேசன் மீதும், பொள்ளாச்சி ஜெயராமன் மீதும் உரிய நடவடிக்கை எடுத்து எனது வண்டியை மீட்டு தர வேண்டும்.இவ்வாறு அந்த மனுவில் கூறப்பட்டுள்ளது.உணவுத்துறை அதிகாரிகள் சோதனை


மேலும் செய்திகள்

Like Us on Facebook Dinkaran Daily News
  • 21-05-2019

    21-05-2019 இன்றைய சிறப்பு படங்கள்

  • russiabicycle

    ரஷ்யாவில் களைகட்டிய பிரம்மாண்ட சைக்கிள் திருவிழா: சுமார் 47,000 பேர் பங்கேற்பு

  • canadaplastic

    கனடாவில் பிளாஸ்டிக்கை ஒழிக்க விழிப்புணர்வு கண்காட்சி: கடலில் வீசப்பட்ட பொருட்களை வைத்து கடல்வாழ் உயிரினங்கள் வடிவமைப்பு

  • paradechina

    சீனாவில் ஆசிய கலாச்சார திருவிழா 2019: பல நாடுகளின் நாகரிகங்களை பறைசாற்றும் வகையில் அணிவகுப்பு

  • buddhapurnima

    புத்தர் அவதரித்த தினமான புத்த பூர்ணிமா பண்டிகை உலகமெங்கும் விமர்சையாக கொண்டாடப்பட்டது: புகைபடங்கள்

படங்கள் வீடியோ கல்வி சினிமா ஜோ‌திட‌ம்