SUN குழுமத்திலிருந்து வெளிவரும் காலை நாளிதழ்

ஆலங்குடி அருகே அரசு பள்ளி ெஹச்எம்மை கண்டித்து மாணவர்கள், பெற்றோர் போராட்டம்

2/22/2019 5:00:39 AM

ஆலங்குடி, பிப்.22: ஆலங்குடி அருகேயுள்ள பனங்குளம் கிழக்கு அரசு தொடக்கப்பள்ளி தலைமை ஆசிரியை கண்டித்து மாணவர்கள், பெற்றோர்கள் போராட்டத்தில் ஈடுபட்டனர்.புதுக்கோட்டை மாவட்டம், பனங்குளம் கிழக்கு ஊராட்சி ஒன்றிய தொடக்கப்பள்ளியில் கடந்த 19ம் தேதி தேசியக்கொடி ஏற்றப்பட்டுள்ளது. வாரத்தில் ஒரு நாள் பள்ளிகளில் தேசியக்கொடி ஏற்றி வைத்து மாலையில் இறக்கும் தொடர் நிகழ்வில், கடந்த 19ம் தேதி ஏற்றப்பட்ட தேசியக்கொடியை பள்ளியின் ஆசிரியர் இறக்காமல் சென்றுவிட்டதாக கூறப்படுகிறது. இதனால், தேசியக்கொடி இரவு முழுவதும் பறந்து கொண்டிருந்தது. இதனைக்கண்ட அப்பகுதியில் வசிக்கும் பொதுமக்கள் அளித்த தகவலை தொடர்ந்து, தேசியக்கொடி இறக்கப்பட்டது. இதுகுறித்த செய்தி நாளிதழ்களில் வந்தது.  இந்நிலையில், நேற்று காலை பள்ளிக்கு சென்ற  தலைமை ஆசிரியை ஜோதி, அப்பள்ளியில் பெற்றோர் ஆசிரியர் கழகத்தின் சார்பில் பணி செய்து வந்த ஆசிரியையை பணிக்கு வரவேண்டாமெனக்கூறி அனுப்பிவிட்டார். தகவலறிந்து பள்ளிக்கு சென்று பெற்றோர் ஆசிரியர் கழக நிர்வாகிகள், பெற்றோர்கள் கேட்டபோது, தேசியக்கொடி இரவிலும் பறந்த தகவலை நாளிதழ்களுக்கு தெரிவித்தது யார் எனக்கேட்டு தலைமை ஆசிரியை ஜோதி, அவர்களோடு வாக்குவாதத்தில் ஈடுபட்டார்.

இதனால், பள்ளி மாணவர்கள், பெற்றோர்கள் தலைமை ஆசிரியை ஜோதியை கண்டித்து போராட்டத்தில் ஈடுபட்டனர். தகவலறிந்து சென்ற திருவரங்குளம் வட்டார கல்வி அலுவலர் நடராஜன் பேச்சுவார்த்தை நடத்தினார். அப்போது, பெற்றோர்கள் பள்ளியில் கல்வித்தரம், சேர்க்கை விகிதம் குறைந்துவிட்டது என புகார் தெரிவித்தனர். தொடர்ந்து, வட்டார கல்வி அலுவலர் நடராஜன், விரைவில் பள்ளிக்கு உதவி ஆசிரியர் நியமிக்கப்படுவார். அதுவரை பெற்றோர் ஆசிரியர் கழகத்தில் இருந்து பணியாற்றிய ஆசிரியை தொடர்ந்து பாடம் நடத்துவார் என உறுதியளித்தார்.  இதனைத்தொடர்ந்து, மாணவர்கள் மற்றும் பெற்றோர் போராட்டத்தை கைவிட்டனர். இப்பள்ளியின் தலைமை ஆசிரியை ஜோதி, கறம்பக்குடி தாலுகா, வாழக்கொல்லை தொடக்கப்பள்ளியில் பணியாற்றிய போது, இக்கல்வியாண்டின் தொடக்கத்தில் அப்பள்ளியில் ஒரு மாணவர் கூட சேராததால், தலைமை ஆசிரியை ஜோதிக்கு கட்டாய இடமாறுதல் வழங்கப்பட்டது குறிப்பிடத்தக்கது.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • flood

    அமெரிக்காவின் அப்பர் மிட்வெஸ்ட் பகுதியில் வரலாறு காணாத வெள்ளம்: பல பகுதிகள் நீரில் மூழ்கிய புகைப்படங்கள்!

  • karnatakabuildingcollapse

    கர்நாடகாவில் கட்டுமான பணிகள் நடைபெற்று வந்த 5 மாடி கட்டிடம் சரிந்தது: இதுவரை 3 பேர் பலியான சோகம்

  • texas

    டெக்சாஸ் அருகே ரசாயன கிடங்கில் பயங்கர தீ விபத்து: பல மைல் தூரத்திற்கு கரும்புகை சூழ்ந்தது!

  • camelrace

    எகிப்து நாட்டில் சிறுவர்களுக்கான ஒட்டக ஓட்டப்பந்தய திருவிழா: உற்சாகத்துடன் எண்ணற்ற சிறுவர்கள் பங்கேற்பு

  • holifestivel

    வடமாநிலங்களில் வண்ணப்பொடிகளை பூசி ஹோலி பண்டிகை உற்சாகமாக கொண்டாட்டம்

படங்கள் வீடியோ கல்வி சினிமா ஜோ‌திட‌ம்