SUN குழுமத்திலிருந்து வெளிவரும் காலை நாளிதழ்

டிஜிட்டல் பேனர் அமைப்பது தொடர்பான கூட்டம் சட்டத்திற்கு புறம்பாக விளம்பர பதாகைகள் வைத்தால் நடவடிக்கைஅதிகாரி எச்சரிக்கை

2/22/2019 4:57:25 AM

அரியலூர்,பிப்.22: சட்டத்திற்கு புறம்பாக விளம்பர பதாகைகள் வைத்தால்  கடும் நடவடிக்கை எடுக்கப்படும் என  அதிகாரி எச்சரிக்கை விடுத்தார்.அரியலூர் மாவட்டம், திருமானூர் ஊராட்சி ஒன்றிய அலுவலகத்தில், கலெக்டர் விஜயலட்சுமி உத்தரவின் பேரில், சாலை ஓரங்களில் டிஜிட்டல் பேனர்கள் மற்றும் விளம்பர தட்டிகள் அமைப்பது தொடர்பான விதிமுறைகள் குறித்து அனைத்து அரசியல் கட்சி பிரமுகர்களுக்கும் விளக்க ஆலோசனை கூட்டம் நடைபெற்றது. கூட்டத்திற்கு வட்டார வளர்ச்சி அலுவலர் செந்தில்குமார் தலைமை வகித்தார். திருமானூர்  இன்ஸ்பெக்டர் அன்புச்செல்வன், துணை வட்டார வளர்ச்சி அலுவலர் பொய்யாமொழி ஆகியோர் முன்னிலை வகித்தனர். இதில் செந்தில்குமார் பேசுகையில், சென்னை உயர்நீதிமன்ற உத்தரவின் படி பதிவு செய்யப்பட்ட மற்றும் பதிவு செய்யப்படாத அரசியல் கட்சிகள் சாலையின் இரு புறங்களிலும் டிஜிட்டல் பேனர்கள், விளம்பர தட்டிகள், சுவரொட்டி விளம்பரங்கள் நிறுவப்படாத என்றும், மேலும், தமிழகம் முழுவதும் உள்ள நடைமேடைகள், பாதசாரிகள் நடக்கும் நடைபாதைகள், மற்றும் முக்கிய சாலைகளில் விளம்பரம் தட்டிகள் வைக்க கூடாது எனவும்,மேலும் அதையும் மீறி விளம்பர பதாகைகள் வைத்தால் சாலையை உபயோகப்படுத்தும் பொது மக்களுக்கு கவனம் சிதறப்பட கூடும்.

மேலும் விளம்பர தட்டிகள் பள்ளி, கோயில், மருத்துவமனை, இருக்கும் இடத்திலிருந்து 100 மீட்டர் தூரம் வரை நிறுவப்பட கூடாது என்றும், மற்றும் நிலைகளுக்கு அருகிலோ, சுற்றுலா தலங்கள் அருகில் பதாகைகள் வைக்கக் கூடாது என்றும், சட்டத்திற்கு புறம்பாக விளம்பர பதாகைகள் வைத்தால் பொதுமக்கள் 1913 என்ற எண்ணில் புகார் தெரிவித்தால், கலெக்டர்  மூலம் கடுமையான நடவடிக்கை எடுக்க நேரிடும். மேலும் சென்னை உயர் நீதிமன்ற உத்தரவை யாராவது மீறுவதாக தெரிந்தால் அவர்கள் மீது ஒரு வருடம் சிறைதண்டனை அல்லது 5 ஆயிரம் ரூபாய் அபராதமும், அல்லது இரண்டும் அனுபவிக்க நேரிடும்.  மேலும் டிஜிட்டல் பதாகைகள் , விளம்பர தட்டிகள் விளம்பரத்திற்காக வைக்கப்பட்டால் ஆறு நாட்களுக்கு மேல் இருக்க கூடாது, அப்படியிருந்தால் உடனடியாக அப்புறப்படுத்த நேரிடும். மேலும் அனுமதி பெற்ற டிஜிட்டல் பதாகைகளுக்கு அடியில் மாவட்ட ஆட்சியரின் அனுமதி எண், தேதி, காலவரை இவையாவும் குறிப்பிட்டிருக்க வேண்டும், தவறும் பட்சத்தில் சட்டத்திற்கு புறம்பானது என கருதி நடவடிக்கை எடுக்கப்படும் என்றார். கூட்டத்தில் இந்திய கம்யூனிஸ்ட் கட்சி ஒன்றிய செயலாளர் ஆறுமுகம், மார்க்சிஸ்ட் கம்யூனிஸ்ட் கட்சி ஒன்றிய செயலாளர் புனிதன், அம்முக ஒன்றிய செயலாளர் (கிழக்கு) ஜெயபிரகாஷ், தேமுதிக மாவட்ட துணை செயலாளர் தங்கஜெயபாலன், பாமக மாவட்ட தலைவர் ரவிசங்கர், உள்ளிட்ட அரசியல் கட்சி பிரமுகர்கள் கலந்துகொண்டனர்.


தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • flood

    அமெரிக்காவின் அப்பர் மிட்வெஸ்ட் பகுதியில் வரலாறு காணாத வெள்ளம்: பல பகுதிகள் நீரில் மூழ்கிய புகைப்படங்கள்!

  • karnatakabuildingcollapse

    கர்நாடகாவில் கட்டுமான பணிகள் நடைபெற்று வந்த 5 மாடி கட்டிடம் சரிந்தது: இதுவரை 3 பேர் பலியான சோகம்

  • texas

    டெக்சாஸ் அருகே ரசாயன கிடங்கில் பயங்கர தீ விபத்து: பல மைல் தூரத்திற்கு கரும்புகை சூழ்ந்தது!

  • camelrace

    எகிப்து நாட்டில் சிறுவர்களுக்கான ஒட்டக ஓட்டப்பந்தய திருவிழா: உற்சாகத்துடன் எண்ணற்ற சிறுவர்கள் பங்கேற்பு

  • holifestivel

    வடமாநிலங்களில் வண்ணப்பொடிகளை பூசி ஹோலி பண்டிகை உற்சாகமாக கொண்டாட்டம்

படங்கள் வீடியோ கல்வி சினிமா ஜோ‌திட‌ம்