SUN குழுமத்திலிருந்து வெளிவரும் காலை நாளிதழ்

இன்று முதல் கம்பம் மெட்டு ரோட்டில் வாகனங்கள் செல்ல திடீர் தடை

2/22/2019 1:37:28 AM

கம்பம், பிப். 22:  கம்பம் மெட்டு ரோட்டில் போக்குவரத்துக்கு லாயக்கற்றதாக இருந்த நான்கு கிலோமீட்டர் தூரத்திற்கு ரூபாய் 2.55 கோடி செலவில் புதிய ரோடு போடுவதற்கான பூமி பூஜை நேற்று நடைபெற்றது. கம்பம் எம்எல்ஏ ஜக்கையன் கலந்து கொண்டு பணிகளை தொடங்கி வைத்தார். கம்பம் மெட்டு, நெடுங்கண்டம், கட்டப்பனை, இடுக்கி போன்ற முக்கிய கேரளப்பகுதிகளுக்குச் செல்லும் சரக்கு வாகனங்களும், தினந்தோறும் கூலித்தொழிலாளர்களுடன் கேரளாவுக்கு செல்லும் நூற்றுக்கணக்கான வாகனங்களும் செல்லும் முக்கிய சாலையாகவும், சபரிமலை சீசனில் ஐயப்ப பக்தர்களின் வாகனங்கள் செல்லும் ஒருவழிப்பாதையாகவும் கம்பம்மெட்டு ரோடு உள்ளது. ஆங்கிலேயர் ஆட்சிகாலத்தில் அமைக்கப்பட்ட இந்த ரோடு தமிழக நெடுஞ்சாலைத் துறையினர் பராமரிப்பில் இருந்து வருகிறது. கம்பத்திலிருந்து 13 கி.மீ  தூரத்தில் கேரளாவைச் சென்றடையும் கம்பம் மெட்டுரோடு, மேற்கு மலை அடிவாரப்பகுதியிலிருந்து 7 கி.மீ தூரம் கம்பம் மேற்கு வனச்சரகத்தின் பாதுகாக்கப்பட்ட வனப்பகுதி வழியே செல்கிறது.

இதில் பல ஆபத்தான, அபாயகரமான 18 கொண்டை ஊசி வளைவுகள் உள்ளன. கடந்த 2010ல் ரூ 2.87 கோடி செலவில் இந்த ரோடு செப்பனிடப்பட்டது. இந்நிலையில் தற்போது கம்பம்மெட்டு ரோட்டில் 5முதல் 9வது கி.மீ தூரம் வரை உள்ள ரோடு மிகவும் மோசமான நிலையில் குண்டும், குழியுமாக போக்குவரத்துக்கு லாயக்கற்று இருந்தது. இதனால் அங்கு புதிதாக ரோடு போடவேண்டும் என்று வாகன ஓட்டிகளும், தொழிலாளர்களும், பொதுமக்களும் நீண்ட நாட்களாக அரசுக்கு கோரிக்கை விடுத்திருந்தனர். இதைத்தொடர்ந்து இந்த 4 கி.மீ தூரத்திற்கு ரூபாய் 2.55 கோடி செலவில் புதிய ரோடு போடுவதற்கான பூமிபூஜை நேற்று நடைபெற்றது. கம்பம் எம்எல்ஏ ஜக்கையன் பணிகளை தொடங்கி வைத்தார். நிகழ்ச்சியில், நெடுஞ்சாலைத்துறை கோட்ட பொறியாளர் முருகேசன், உதவி கோட்ட பொறியாளர் கிருஷ்ணன், இளநிலை செயற்பொறியாளர் உதயகுமார் உடனிருந்தனர். கம்பம் மெட்டு ரோட்டில் பணிகள் நடைபெற உள்ளதை முன்னிட்டு இன்று முதல் காலை 8 மணி முதல் மாலை 4.30 வரை வாகனங்கள் செல்ல நெடுஞ்சாலைத்துறையினர் தடை விதித்துள்ளனர்.

மேலும் செய்திகள்

Like Us on Facebook Dinkaran Daily News
  • 23-05-2019

    23-05-2019 இன்றைய சிறப்பு படங்கள்

  • virat_koh11

    உலககோப்பை தொடரில் பங்கேற்க விராட் கோலி தலைமையிலான இந்திய அணி இங்கிலாந்து பயணம்

  • libya_sandai11

    தொடரும் உக்கிரமான தாக்குதல்கள் : லிபியாவில் ஆயுதக் குழுவினர் , அரசுப் படைகளுடன் கடும் துப்பாக்கிச் சண்டை

  • thuppaki-12jk

    13 பேரை காவு வாங்கிய தூத்துக்குடி துப்பாக்கிச்சூடு : ஓராண்டு நினைவலைகளை ஏந்தும் தமிழகம்

  • hurricane_12

    அமெரிக்காவை கலங்கடித்த தொடர் சூறாவளித் தாக்குதல் : மழை,வெள்ளத்தால் மக்களின் இயல்பு வாழ்க்கை முடக்கம்

படங்கள் வீடியோ கல்வி சினிமா ஜோ‌திட‌ம்