SUN குழுமத்திலிருந்து வெளிவரும் காலை நாளிதழ்

பாலையம்பட்டியில் மின்நிலையம் அருகே பயங்கர தீ விபத்து

2/22/2019 1:28:16 AM

அருப்புக்கோட்டை, பிப்.22: அருப்புக்கோட்டை அருகே உபமின்நிலையம் அருகே உள்ள குப்பை கிடங்கில் தீ விபத்து ஏற்பட்டதால் பரபரப்பு நிலவியது.
அருப்புக்கோட்டை அருகே பாலையம்பட்டி ஊராட்சி உள்ளது. இங்கு சேகரிக்கப்படும் குப்பைகள் அனைத்தும் ஊராட்சி மூலம் மதுரை- தூத்துக்குடி நான்குவழிச்சாலை செல்லும் பகுதியில் உள்ள சர்வீஸ் ரோட்டில் கொட்டப்படுகின்றன. இதற்கு அருகில் மின்சார வாரியத்தின் உபமின்நிலையம் உள்ளது. இங்கிருந்து பாலையம்பட்டி உள்பட 30க்கும் மேற்பட்ட கிராமங்களுக்கு மின்விநியோகம் செய்யப்படுகிறது. இங்கு தான் ஊரில் உள்ள குப்பைகள் அனைத்தையும் சேகரித்து கொட்டுகின்றனர். சில சமயம் குப்பைகளை தீ வைத்து எரிக்கின்றனர். அப்போது அருகில் உள்ள உபமின்நிலையம் வரை தீ பரவுகிறது. இதனால் டிரான்ஸ்பார்மர் வெடிக்கும் சூழ்நிலை உள்ளது. இதை கருத்தில் கொண்டு மின்வாரியத்தினர் ஊராட்சி ஒன்றிய அலுவலகத்திற்கு குப்பைகளை கொட்டக்கூடாது என பலமுறை அறிவுறுத்தியும் நிறுத்துவதில்லை.இந்நிலையில் நேற்று இங்கு கொட்டப்பட்டுள்ள குப்பைகளுக்கு தீ வைத்து விட்டனர். இதனால் தீ காற்றில் நன்கு பரவி டிரான்ஸ்பார்மர் வரை சென்றது. பயந்து கொண்டு அங்கு வேலை செய்த அலுவலர்கள் அலுவலகத்தை விட்டு வெளியேறினர். இதுகுறித்து அருப்புக்கோட்டை மற்றும் திருச்சுழி தீயணைப்பு துறைக்கு தகவல் கொடுத்தனர். சம்பவ இடத்திற்கு வந்த தீயணைப்பு வீரர்கள் போராடி தீயை அணைத்தனர். இதனால் மின்வாரியத்தில் உள்ள டிரான்ஸ்பார்மர் தப்பியது. இதுபோன்ற சம்பவங்கள் நடக்காமல் இருக்க ஊராட்சி ஒன்றிய நிர்வாகம் குப்பைகளை கொட்டுவதை தவிர்க்க வேண்டும் என மின்வாரிய அதிகாரிகள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • 23-05-2019

    23-05-2019 இன்றைய சிறப்பு பாடங்கள்

  • virat_koh11

    உலககோப்பை தொடரில் பங்கேற்க விராட் கோலி தலைமையிலான இந்திய அணி இங்கிலாந்து பயணம்

  • libya_sandai11

    தொடரும் உக்கிரமான தாக்குதல்கள் : லிபியாவில் ஆயுதக் குழுவினர் , அரசுப் படைகளுடன் கடும் துப்பாக்கிச் சண்டை

  • thuppaki-12jk

    13 பேரை காவு வாங்கிய தூத்துக்குடி துப்பாக்கிச்சூடு : ஓராண்டு நினைவலைகளை ஏந்தும் தமிழகம்

  • hurricane_12

    அமெரிக்காவை கலங்கடித்த தொடர் சூறாவளித் தாக்குதல் : மழை,வெள்ளத்தால் மக்களின் இயல்பு வாழ்க்கை முடக்கம்

படங்கள் வீடியோ கல்வி சினிமா ஜோ‌திட‌ம்