SUN குழுமத்திலிருந்து வெளிவரும் காலை நாளிதழ்

Satya Summer Offer

வெவ்வெறு சம்பவங்களில் ஆசிரியர், டிரைவர் கொலை

2/22/2019 1:19:54 AM

திண்டுக்கல்/ செம்பட்டி, பிப். 22: ஒரேநாளில் வெவ்வேறு சம்பவங்களில் ஓய்வுபெற்ற ஆசிரியர், ஆட்டோ டிரைவர் கொலை செய்யப்பட்ட சம்பவம் பரபரப்பை ஏற்படுத்தியுள்ளது. திண்டுக்கல் மேட்டுப்பட்டியை சேர்ந்தவர் ஜீவா (35), ஆட்டோ டிரைவர். இவர் நேற்று முன்தினம் திண்டுக்கல் சந்துக்கடையில் உடலில் ரத்தக்காயங்களுடன் இறந்து கிடந்தார். தகவலறிந்ததும் வடக்கு போலீசார் சம்பவ இடத்திற்கு வந்து விசாரணை நடத்தினர். பின்னர் அருகிலுள்ள சிசிடிவி கேமராவை ஆய்வு செய்தனர். அதில் ஜீவா, ஒரு நபருடன் சேர்ந்து மது குடித்துள்ளார். போதை தலைக்கேறியதும் அந்நபர் ஜீவாவின் கழுத்தில் மிதித்து கொலை செய்யும் காட்சிகள் பதிவாகியிருந்தன. இதுகுறித்து போலீசார் வழக்குப்பதிந்து கொலையாளியை தேடி வருகின்றனர். சின்னாளபட்டி அருகே என்.பஞ்சம்பட்டியை சேர்ந்தவர் ஜான்யாகப்பராஜ் (70). ஓய்வுபெற்ற ஆசிரியர். இவருக்கும், இதே ஊரை சேர்ந்த புறா பாஸ்கர் (31) என்பவருக்கும் முன்விரோதம் இருந்தது.

நேற்று முன்தினம் இரவு இருதரப்பினரிடையே வாக்குவாதம் ஏற்பட்டு கைகலப்பாக மாறியது. அப்போது மது போதையில் இருந்த புறா பாஸ்கர், ஜான்யாகப்பராஜை கீழே தள்ளினார். இதில் படுகாயமடைந்த அவரை திண்டுக்கல் அரசு மருத்துவமனையில் சேர்த்தனர். அங்கு சிகிச்சை பலனின்றி ஜான்யாகப்பராஜ் உயிரிழந்தார். இதுகுறித்து சின்னாளபட்டி போலீசார் வழக்குப்பதிந்து புறா பாஸ்கரை கைது செய்தனர். இப்ப கொலைக்கும் ‘பேமஸ்’
திண்டுக்கல் பூட்டு, பிரியாணி, பூக்களுக்கு பேமஸ் என்பதுபோல் தற்போது கொலைகளுக்கு பேமஸாகி வருகிறது. மாவட்டம் முழுவதும் கடந்த ஜனவரி மாதத்தில் மட்டும் 4 கொலைகள் நடந்தன. இந்த பிப்ரவரி மாதத்தில் ஏற்கனவே 2 கொலைகள் நடந்த நிலையில் நேற்று முன்தினம் ஒரே நாளில் மேலும் 2 கொலைகள் நடந்துள்ளதால் பொதுமக்கள் பீதியடைந்துள்ளனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Satya Summer Offer
Like Us on Facebook Dinkaran Daily News
  • 19-03-2019

    19-03-2019 இன்றைய சிறப்பு படங்கள்

  • mylai_kabal1

    பங்குனி உத்திர திருவிழா : மயிலாப்பூர் கபாலீஸ்வரர் கோயிலில் தேரோட்டம் கோலாகலம்

  • parade_eye1

    புனித பாட்ரிக் தினம் :காணுமிடமெல்லாம் பசுமையை குறிக்கும் பச்சைநிற ஆடையுடன் அணிவகுப்பு

  • newattack

    நியூசிலாந்து மசூதியில் நடந்த துப்பாக்கிச்சூட்டில் பரிதாபமாக 8 இந்தியர்கள் பலி

  • siva_muthu12

    காரைக்குடி முத்துமாரியம்மன் கோவில் திருவிழா! : ஏராளமான பக்தர்கள் பால்குடங்களுடன் ஊர்வலம்

படங்கள் வீடியோ கல்வி சினிமா ஜோ‌திட‌ம்