SUN குழுமத்திலிருந்து வெளிவரும் காலை நாளிதழ்

மத்தியிலும், மாநிலத்திலும் காங்கிரஸ், திமுக ஆட்சி அமைந்ததும் ஜி.எஸ்.டி.வரி ரத்து

2/21/2019 6:39:26 AM

பள்ளிப்பட்டு, பிப்.21: மத்தியிலும், மாநிலத்திலும் காங்கிரஸ், திமுக ஆட்சி அமைந்ததும் நெசவு தொழிலை பாதிக்கும் ஜி.எஸ்.டி.வரி ரத்து செய்ய நடவடிக்கை எடுக்கப்படும் என  பள்ளிப்பட்டு ஒன்றியத்தில் நடந்த திமுக ஊராட்சி சபை கூட்டத்தில் அறிவிக்கப்பட்டது.  தி.மு.க தலைவர் மு.க.ஸ்டாலின் ஆணைக்கினங்கவும், திருவள்ளூர் வடக்கு மாவட்ட செயலாளர் கும்மிடிப்பூண்டி கி.வேணு அறிவுறுத்தலின் பேரில், பள்ளிப்பட்டு ஒன்றியத்தில் ஊராட்சி சபை கூட்டங்கள் நடைபெற்று வருகிறது. அந்த வகையில் அத்திமாஞ்சேரி, கொடிவலசா, ஜங்காலுப்பள்ளி ஆகிய ஊராட்சிகளில் ஊராட்சி சபைக் கூட்டங்கள் நேற்று முன்தினம்  நடந்தது. இந்த  கூட்டங்களுக்கு பள்ளிப்பட்டு ஒன்றிய செயலாளர் ஜி. ரவீந்திரா தலைமை தாங்கினார். ஊராட்சி செயலாளர்கள் சி.மோகன், எஸ்.ஏ.சதாசிவம், முருகேசன் ஆகியோர் முன்னிலை வகித்தனர்.

 கூட்டத்தில், மத்திய அரசு விதித்த  ஜி.எஸ்.டி வரியால் நெசவுத்தொழில் மிகவும் மோசமான நிலைக்கு  தள்ளப்பட்டுள்ளது. எனவே, அதை ரத்து செய்ய வேண்டும் என கோரிக்கை வைத்தனர். இந்த கூட்டத்தில் அரக்கோணம் நாடாளுமன்ற தொகுதி பொறுப்பாளரும், சோழிங்கநல்லூர் தொகுதி எம்.எல்.ஏவுமான அரவிந்த் ரமேஷ் மேற்பார்வையாளராக கலந்து கொண்டு பேசுகையில், மத்தியிலும், மாநிலத்திலும் தி.மு.க, காங்கிரஸ் ஆட்சி அமைந்தவுடன் ஜி.எஸ்.டி வரி ரத்து செய்யப்படும். பொதுமக்கள் வைத்த கோரிக்கைகள் நிறைவேற்றப்படும் என்றார். இதில் மாவட்ட துணை செயலாளர் திருத்தணி எஸ்.சந்திரன், பள்ளிப்பட்டு பேரூர் செயலாளர் எம்.ஜே.ஜோதிக்குமார், தலைமை கழக பேச்சாளர் முரசொலி மூர்த்தி, நிர்வாகிகள் டாக்டர் ராஜேந்திரன், எம்.கே.சுப்பிரமணி, எஸ்.எல்.நடராஜன், பி.வி.கதிரவன், முரளிசேனா, தேவராஜ், கோவிந்தசாமி, சுதா மோகன், அச்சுதன், சிவக்குமார், சுப்பிரமணி, எம்.கே.தாஸ், வரதன், பன்னீர்செல்வம் உட்பட பலர் கலந்து கொண்டனர்.  

மேலும் செய்திகள்

Like Us on Facebook Dinkaran Daily News
  • intelexopchina17

    சீனாவில் நடைபெற்ற சர்வதேச ஆட்டோமொபைல் எக்ஸ்போ: Audi உள்ளிட்ட நிறுவனங்களின் புதிய கார்கள் அறிமுகம்

  • 17-07-2019

    17-07-2019 இன்றைய சிறப்பு படங்கள்

  • DongriBuildingCollapse

    மும்பையில் 100 ஆண்டு பழமையான கட்டிடம் இடிந்து பெரும் விபத்து: 12 பேர் உயிரிழப்பு..மீட்பு பணிகள் தீவிரம்!

  • KyrgyzstanSlapping

    ஒருவரை ஒருவர் கன்னத்தில் பளார் பளாரென அறையும் வித்தியாசமான போட்டி: கிர்கிஸ்தானில் நடைபெற்றது!

  • ChangchunZoologicalPark

    உயிரியல் பூங்காவில் உள்ள மரங்களில் விலங்குகளை தத்ரூபமாக வரையும் கலைஞர்: ஆச்சரியமூட்டும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்