SUN குழுமத்திலிருந்து வெளிவரும் காலை நாளிதழ்

ஒரு வாரத்தில் பிரச்னைக்கு தீர்வு காணாவிட்டால் குடிநீர் வாரியத்தை கண்டித்து போராட்டம்: திமுக எம்எல்ஏ எச்சரிக்கை

2/21/2019 4:25:15 AM

ஆலந்தூர்: சென்னை மாநகராட்சி 168வது வார்டுக்கு உட்பட்ட பகுதியில் சோழிங்கநல்லூர் திமுக எம்எல்ஏ அரவிந்த் ரமேஷ் திடீர் ஆய்வு மேற்கொண்டார். இதில் உள்ளகரம், ஆயில் மில் பகுதி, ராஜா ரத்தினம் தெரு, பொன்னப்பர் தெரு, உஷார் நகர் போன்ற பகுதிகளில் உள்ள மழைநீர் கால்வாய், சாலைகள், குப்பை கிடங்குகள் போன்றவற்றை மாநகராட்சி அதிகாரிகளுடன் பார்வையிட்டார். அங்கு சேதமடைந்த கால்வாய்களையும், கழிவுகளையும் உடனே அகற்றுமாறும், தேங்கிய குப்பைகளை வெளியேற்றுமாறும் அதிகாரிகளுக்கு உத்தரவிட்டார். இதன்பிறகு உள்ளகரம் புழுதிவாக்கம் நலச்சங்க கூட்டமைப்பின் சார்பில் நடந்த பொதுகூட்டத்தில் கலந்துகொண்டார். அப்ேபாது நிர்வாகிகள் தரப்பில், ‘புழுதிவாக்கம் பகுதியில் பாதாள சாக்கடை திட்டத்தை விரைந்து முடிக்க வேண்டும், எம்ஜி நகரில் உள்ள குடிநீர் தொட்டி மூலம் எங்கள் பகுதிக்கு குடிநீர் வினியோகம் செய்ய வேண்டும், சீரான மின்வினியோகத்துக்காக கூடுதல் துணை மின்நிலையம் அமைக்க வேண்டும் உள்ளிட்ட பல்வேறு கோரிக்கைகளை வலியுறுத்தி எம்எல்ஏவிடம் மனு அளித்தனர்.

மனுக்களை பெற்றுகொண்ட அவர், ‘துணை மின்நிலையத்திற்கு இடம் தேர்வு செய்யும் பணி நடந்து வருகிறது, அது முடிந்தவுடன் உடனடியாக பணிகள் தொடங்கப்படும். பாதாள சாக்கடை திட்டம், குடிநீர் வசதி திட்டம் விரைவில் நிறைவேற்றப்படும். எம்.ஜி.நகர் குடிநீர் தொட்டியில் இருந்து, குழாய் மூலம் குடிநீர் வினியோகம் குறித்து அதிகாரிகளிடம் பேசி நடவடிக்கை எடுக்கிறேன். ஒரு வாரத்தில், குடிநீர் வினியோகம் செய்யவில்லை என்றால் குடிநீர் வாரியத்தை கண்டித்து போராட்டம் நடத்தப்படும்’’ என்றார். கூட்டத்தில், சோழிங்கநல்லூர் பகுதி திமுக செயலாளர் ரவிச்சந்திரன், வட்ட செயலாளர் திவாகர், கூட்டமைப்பை சேர்ந்த நிர்வாகிகள் மதிவதனன், தமிழ்ச்செல்வன், ரெங்கசாமி ஆகியோர் கலந்துகொண்டனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • NerthikkadanTriplecane

    பங்குனி உத்திரப்பெருவிழா: திருவல்லிக்கேணி முருகன் கோயிலில் நூற்றுக்கணக்கான பக்தர்கள் நேர்த்திக்கடன்

  • TokyoOlympicTorch

    2020 ஒலிம்பிக் போட்டிக்கு தீவிரமாக தயாராகி வரும் டோக்கியோ..: புதிய ஒலிம்பிக் ஜோதி கோப்பை அறிமுகம்

  • newzealandattack

    நியூசிலாந்து மசூதி துப்பாக்கிச் சூடு : உயிரிழந்தவர்களின் உடல்கள் ஒரே இடத்தில் புதைக்கப்பட்டது

  • PhilipinesWhalePlastic

    இறந்த நிலையில் கரை ஒதுங்கிய திமிங்கலத்தின் வயிற்றில் 40 கிலோ பிளாஸ்டிக் கழிவுகள்: ஆராய்ச்சியாளர்கள் அதிர்ச்சி

  • StalinElectionCampaign19

    தேர்தல் பிரச்சாரத்தை தொடங்கினார் மு.க.ஸ்டாலின்..தஞ்சாவூர் பொதுக்கூட்டத்தில் அலைகடலென திரண்ட மக்கள்: புகைப்படங்கள்

படங்கள் வீடியோ கல்வி சினிமா ஜோ‌திட‌ம்